„საქართველოს შინაგან საქმეთა სამინისტროს საჯარო სამართლის იურიდიული პირის - „112“-ის დებულების დამტკიცების შესახებ“ საქართველოს შინაგან საქმეთა მინისტრის 2011 წლის 28 დეკემბრის №1073 ბრძანებაში ცვლილების შეტანის თაობაზე

„2. „112“-ის სტრუქტურული ერთეულებია:

ა) ადმინისტრაცია;

ბ) ოპერატიული მართვის სამსახური;

გ) საზოგადოებასთან ურთიერთობის სამსახური;

დ) საინფორმაციო ტექნოლოგიების სამსახური;

ე) მონიტორინგის სამსახური;

ვ) საფინანსო და ლოჯისტიკის სამსახური;

ზ) ანალიტიკური სამსახური.“.

„1. ადმინისტრაცია:

ა) უზრუნველყოფს ,,112“-ის სამართლებრივ მომსახურებას;

 ბ) ამზადებს სამართლებრივ დასკვნებს ,,112“-ის საქმიანობასთან დაკავშირებული დავების თაობაზე;

გ) წარმოადგენს ,,112“-ს სასამართლო ორგანოებში;

დ) უზრუნველყოფს ,,112“-ის საქმისწარმოებას დადგენილი წესების შესაბამისად;

ე) ახორციელებს დოკუმენტაციის აღრიცხვას, დამუშავებას და არქივაციას;

ვ) უზრუნველყოფს სხვადასხვა დაწესებულებების, ორგანიზაციებისა და სხვა ადრესატისათვის ,,112“-ის დოკუმენტების გადაცემას;

ზ) სამინისტროს სისტემაში არსებული ერთიანი საკადრო პოლიტიკის შესაბამისად, სამსახურში მიღებისას, კანონმდებლობის შესაბამისად, ახორციელებს კანდიდატთა შერჩევას, ხოლო სათანადო აუცილებლობის შემთხვევაში – შესწავლას და სპეციალურ შემოწმებას;

თ) შეისწავლის და ამზადებს მასალებს „112“-ის მოსამსახურეთა თანამდებობრივი გადაადგილების, სპეციალური წოდებების მინიჭებისა და წახალისების შესახებ, აგრეთვე მათთვის დისციპლინური პასუხისმგებლობის დაკისრების თაობაზე;

ი) ორგანიზებას უწევს „112“-ში სასწავლო პრაქტიკისა და სტაჟირების გავლას;

კ) ამზადებს წინადადებებს „112“-ის სტრუქტურული ერთეულების  სრულყოფისა და რეორგანიზაციის, საშტატო ერთეულების რაოდენობის ოპტიმიზაციისა და მათი რაციონალური გამოყენების შესახებ;

ლ) ახორციელებს საკადრო საქმიანობასთან დაკავშირებით მოქალაქეთა საჩივრებისა და განცხადებების განხილვას;

მ) უზრუნველყოფს „112“-ის მოსამსახურეთა წელთა ნამსახურობისა და შრომის სტაჟის გამოთვლას;

ნ) ამზადებს დოკუმენტაციას „112“-იდან დათხოვნილ მოსამსახურეთა საპენსიო უზრუნველყოფის მიზნით;

ო) ახორციელებს საარქივო პირადი საქმეების მომზადებას, აღრიცხვას, შენახვას, შესაბამისი მონაცემთა ბაზის შექმნას და უზრუნველყოფს საარქივო პირადი საქმეების დაცვას;

პ) შეიმუშავებს „112“-ის შრომის შინაგანაწესს;

ჟ) შეიმუშავებს ,,112“-ის მოსამსახურეთა საკვალიფიკაციო მოთხოვნებსა და თანამდებობრივ ინსტრუქციებს;

რ) ახორციელებს ,,112“-ის მოსამსახურეთა პროფესიული მომზადების, გადამზადებისა და კვალიფიკაციის ამაღლების, მათი საკვალიფიკაციო გამოცდების მომზადება-ჩატარების ორგანიზებას;

ს) სამინისტროს სისტემაში არსებული ერთიანი საკადრო პოლიტიკის შესაბამისად უზრუნველყოფს სხვა საკადრო ღონისძიებების განხორციელებას.

2. ოპერატიული მართვის სამსახური:

ა) უზრუნველყოფს საგანგებო სიტუაციებისა და გადაუდებელი დახმარების აუცილებლობის შემთხვევათა შესახებ შეტყობინებების მიღებას, დამუშავებას და შეფასებას;

ბ) უზრუნველყოფს საგანგებო სიტუაციებისა და გადაუდებელი დახმარების აუცილებლობის შემთხვევათა შესახებ შეტყობინებებზე შემდგომი რეაგირებისათვის შესაბამისი სუბიექტებისთვის ინფორმაციის მიწოდებას;

გ) უზრუნველყოფს საგანგებო სიტუაციებისა და გადაუდებელი დახმარების აუცილებლობის შემთხვევათა მართვის შესახებ უფლებამოსილ სუბიექტებთან კოორდინირებულ მუშაობას;

დ) საგანგებო და გადაუდებელ სიტუაციებზე რეაგირების განმახორციელებელი უფლებამოსილი სუბიექტების დანიშნულების ადგილზე მისვლამდე, თავისი კომპეტენციის ფარგლებში, უწევს მოქალაქეებს პირველად კონსულტაციას;

ე) ახორციელებს ამ წესდებით (დებულებით) და კანონმდებლობით გათვალისწინებულ სხვა უფლებამოსილებებს.

3. საზოგადოებასთან ურთიერთობის სამსახური:

ა) უზრუნველყოფს მასობრივი ინფორმაციის საშუალებებთან, საზოგადოებრივ ორგანიზაციებსა და საზოგადოებასთან ,,112“-ის ურთიერთობის კოორდინირებას;

ბ) შეიმუშავებს წინადადებებს საერთაშორისო ორგანიზაციებსა და უცხო ქვეყნის შესაბამის ორგანოებთან თანამშრომლობის შესახებ;

გ) ამყარებს ურთიერთობებს დონორ ორგანიზაციებთან;

დ) ახორციელებს ამ წესდებით (დებულებით) და კანონმდებლობით გათვალისწინებულ სხვა უფლებამოსილებებს.

4. საინფორმაციო ტექნოლოგიების სამსახური:

ა) უზრუნველყოფს „112“-ში საინფორმაციო ტექნოლოგიების დანერგვას, მის განახლებას და გამართულ ფუნქციონირებას;

ბ) უზრუნველყოფს ლოკალური და გლობალური საქსელო კავშირების შექმნას და მათ მდგრად მუშაობას;

გ) უზრუნველყოფს „112“-ის საინფორმაციო ტექნოლოგიების შექმნისა და განვითარების შესახებ წინადადებების შემუშავებას;

დ) უზრუნველყოფს ინფორმაციული დაცვის საშუალებების დანერგვას და მომსახურებას;

ე) უზრუნველყოფს „112“-ის მოსამსახურეთა სამუშაო ადგილების (პერიფერიული მოწყობილობები, პროგრამული უზრუნველყოფა და საკომუნიკაციო საშუალება) გამართვას და მდგრად მუშაობას;

ვ) ახორციელებს ამ წესდებით (დებულებით) და კანონმდებლობით გათვალისწინებულ სხვა უფლებამოსილებებს.

5. მონიტორინგის სამსახური:

ა) აკონტროლებს ,,112“-ის მოსამსახურეთა მიერ მოქალაქეთა მომსახურების დადგენილი სტანდარტებისა და წესების დაცვას, აგრეთვე შეიმუშავებს შესაბამის წინადადებებს;

ბ) ახორციელებს სამსახურებრივ შემოწმებას;

გ) უზრუნველყოფს ,,112“-ის მოსამსახურეთა მიერ დისციპლინისა და კანონმდებლობის დარღვევის სამსახურებრივი ფაქტების აღმოფხვრას და პრევენციას;

დ) ამზადებს წინადადებებს ,,112“-ის მოსამსახურეთა პროფესიული გადამზადების საჭიროების შესახებ და უშუალოდ მონაწილეობს მოსამსახურეთა გადამზადების პროცესში;

ე) ახორციელებს ამ წესდებით (დებულებით) და კანონმდებლობით გათვალისწინებულ სხვა უფლებამოსილებებს.

6. საფინანსო და ლოჯისტიკის სამსახური:

ა) შეიმუშავებს ,,112“-ის ბიუჯეტსა და ხარჯთა ნუსხის პროექტებს, ადგენს და წარადგენს კვარტალურ და წლიურ საფინანსო და სტატისტიკურ ანგარიშებს;

ბ) ორგანიზაციას უწევს და წარმართავს ,,112“-ის სისტემაში საფინანსო–ეკონომიკურ და ბუღალტრულ აღრიცხვას;

გ) ახორციელებს საფინანსო და საბუღალტრო საქმიანობის ანალიზს;

დ) ორგანიზებას უწევს ძირითადი საშუალებების, ფულადი სახსრებისა და საფინანსო–მატერიალური ფასეულობების ინვენტარიზაციის ჩატარებას;

ე) ახორციელებს ,,112“-ის ფუნქციონირებისათვის აუცილებელ მატერიალურ–ტექნიკურ უზრუნველყოფას;

ვ) შეიმუშავებს სახელმწიფო შესყიდვების წლიურ გეგმას და ორგანიზებას უწევს სახელმწიფო შესყიდვებს;

ზ) უზრუნველყოფს მომწოდებელთან ხელშეკრულებების დადებას და აკონტროლებს დადებული ხელშეკრულების შესრულებას;

თ) უზრუნველყოფს „112“-ის ბალანსზე რიცხული მატერიალური ფასეულობების დაცვას;

ი) ახორციელებს „112“-ის მომარაგების ორგანიზებას და წარმართავს ,,112“-ის სამეურნეო საქმიანობას;

კ) ახორციელებს ამ წესდებით (დებულებით) და კანონმდებლობით გათვალისწინებულ სხვა უფლებამოსილებებს.

7. ანალიტიკური სამსახური:

ა) უზრუნველყოფს „112“-ის მიერ განხორციელებული საქმიანობის შესახებ მონაცემების დამუშავებას, ანალიზს და შესაბამისი სტატისტიკის წარმოებას;

ბ) იკვლევს „112“-ის მიერ განხორციელებული საქმიანობის სფეროში არსებულ ტენდენციებს;

გ) უზრუნველყოფს საგანგებო სიტუაციებსა და გადაუდებელი დახმარების აუცილებლობის შემთხვევებში ქცევისა და მოქმედების აუცილებელი წესების შესახებ საზოგადოების ინფორმირების თაობაზე წინადადებების შემუშავებას;

დ) ახორციელებს ამ წესდებით (დებულებით) და კანონმდებლობით გათვალისწინებულ სხვა უფლებამოსილებებს.“.