“ქ. თბილისის ისნის რაიონის გამგეობის შრომის შინაგანაწესის დამტკიცების შესახებ“ ქ. თბილისის ისნის რაიონის გამგებლის 2013 წლის 29 მარტის N2 ბრძანებაში ცვლილების შეტანის შესახებ

ა) მე-3 მუხლი ჩამოყალიბდეს შემდეგი რედაქციით:

„მუხლი 3. დასვენების და სადღესასწაულო დღეებში, აგრეთვე

ყოველდღიური სამუშო დროის დამთავრების შემდეგ

დაწესებულებაში ყოფნის პირობები და წესი

 გამგეობის ხელმძღვანელობასთან შეთანხმებით, გამგეობის მოსამსახურეს შეუძლია დასვენების და სადღესასწაულო დღეებში, აგრეთვე ყოველდღიური სამუშაო დროის დამთავრების შემდეგ დაწესებულებაში ყოფნა, როგორც გამონაკლისი, მხოლოდ ცალკეული მოსამსახურეთათვის გადაუდებელი, წინასწარ გაუთვალისწინებელი სამუშაოების არსებობის შემთხვევაში, ან როცა აუცილებელია დასრულებულ იქნეს დაწყებული სამუშაო, რომელიც ვერ დამთავრდებოდა დადგენილი სამუშაო დროის განმავლობაში წარმოების ტექნიკური პირობების გამო და რომელთა დროულად შესრულებაზე დამოკიდებულია გამგეობის მუშაობა.’’.

ბ) მე-4 მუხლის მე-2 პუნქტი ჩამოყალიბდეს შემდეგი რედაქციით:

„2. ოფიციალურად გაცნობა ნიშნავს იმ მოსამსახურის მიერ, რომელსაც ეხება აქტი, ხელმოწერით მითითება გავეცანი.’’.

გ) მე-8 მუხლი ჩამოყალიბდეს შემდეგი რედაქციით:

„მუხლი 8. სამსახურში გამოუცხადებლობის შეტყობინების წესი

1. სამსახურში არყოფნის ან შესაძლო დაგვიანების შემთხვევაში გამგეობის მოსამსახურემ ამის შესახებ თავის უშუალო უფროსს უნდა აცნობოს სულ ცოტა ერთი დღით ადრე. შეტყობინება შეიძლება მოხდეს შემდგომ, თუ არსებობს საპატიო მიზეზი.

2. ერთი თვის განმავლობაში მოსამსახურის სამი და მეტი არასაპატიო მიზეზით დაგვიანება იწვევს დისციპლინური პასუხისმგებლობის ზომის შეფარდებას.

3. სამსახურში დაგვიანების შემთხვევაში მოსამსახურე ვალდებულია წარუდგინოს უშუალო უფროსს მოხსენებითი ბარათი დაგვიანების მიზეზის შესახებ’’.