„საქართველოს შინაგან საქმეთა სამინისტროს დროებითი მოთავსების იზოლატორის ტიპური დებულების, იზოლატორების შინაგანაწესის და იზოლატორების საქმიანობის მარეგულირებელი დამატებითი ინსტრუქციის დამტკიცების შესახებ“ საქართველოს შინაგან საქმეთა მინისტრის 2010 წლის 1 თებერვლის №108 ბრძანებაში ცვლილების შეტანის თაობაზე

ა) სათაური ჩამოყალიბდეს შემდეგი რედაქციით:

„საქართველოს შინაგან საქმეთა სამინისტროს ადამიანის უფლებათა დაცვისა და მონიტორინგის მთავარი სამმართველოს დროებითი მოთავსების იზოლატორების ტიპური დებულება“;

ბ) პირველი მუხლი ჩამოყალიბდეს შემდეგი რედაქციით:

„მუხლი 1. საქართველოს შინაგან საქმეთა სამინისტროს ადამიანის უფლებათა დაცვისა და მონიტორინგის მთავარი სამმართველოს დროებითი მოთავსების იზოლატორი (დროებითი დაკავების იზოლატორი) (შემდგომში – იზოლატორი) არის საქართველოს შინაგან საქმეთა სამინისტროს ადამიანის უფლებათა დაცვისა და მონიტორინგის მთავარი სამმართველოს (შემდგომში – მთავარი სამმართველო) სტრუქტურული ქვედანაყოფი, რომლის ფუნქციაა კანონმდებლობით დადგენილი წესით საქართველოს შინაგან საქმეთა სამინისტროს ქვემდებარე და სხვა დანაშაულში მონაწილეობისათვის დაკავებულ პირთა დროებითი მოთავსება, აგრეთვე ადმინისტრაციული წესით დაპატიმრებულ პირთა მოთავსება.“;

გ) მე-8 მუხლის პირველი პუნქტი ჩამოყალიბდეს შემდეგი რედაქციით:

„1. იზოლატორის ხელმძღვანელს თანამდებობაზე ნიშნავს და ათავისუფლებს  კურატორი საქართველოს შინაგან საქმეთა მინისტრის მოადგილე.“;

დ) მე-8 მუხლის პირველ პუნქტს დაემატოს 1¹ პუნქტი და ჩამოყალიბდეს შემდეგი რედაქციით:

„1¹. იზოლატორის მოსამსახურეებს თანამდებობაზე ნიშნავს და ათავისუფლებს  ან/და  თანამშრომელთა შესაბამის კანდიდატურებს თანამდებობაზე დასანიშნად წარუდგენს კურატორ საქართველოს შინაგან საქმეთა  მინისტრის მოადგილეს.“; 

ე) მე-9 მუხლის:

ე.ა) „ვ“ ქვეპუნქტი ჩამოყალიბდეს შემდეგი რედაქციით:

„ვ) წარუდგენს მთავარი სამმართველოს ხელმძღვანელობას წინადადებებს იზოლატორის სტრუქტურის, შტატების, მუშაობის ორგანიზაციის, დაქვემდებარებულ მოსამსახურეთა წახალისების ან მათთვის დისციპლინური პასუხისმგებლობის დაკისრების შესახებ;“;

ე.ბ) „ლ“ ქვეპუნქტი ჩამოყალიბდეს შემდეგი რედაქციით:

„ლ) დაუყოვნებლივ ატყობინებს მთავარი სამმართველოს ხელმძღვანელობას და აცნობებს შესაბამის პროკურორს იზოლატორში მომხდარი საგანგებო შემთხვევის  და ყველა იმ შემთხვევის თაობაზე, რომლის დროსაც გამოყენებულ იქნა ცეცხლსასროლი იარაღი, ფიზიკური იძულება ან სპეციალური საშუალებები დაკავებული პირის მიმართ;“;

ე.გ) „ნ“ ქვეპუნქტი ჩამოყალიბდეს შემდეგი რედაქციით:

„ნ) აღრიცხავს და ინახავს იზოლატორის შესახებ ბრძანებებს, ინსტრუქციებს, საიდუმლო საქმეებს და მთავარი სამმართველოს მითითებებს;“;

ვ) მე-10 მუხლი ჩამოყალიბდეს შემდეგი რედაქციით:

„მუხლი 10

იზოლატორის უფროსს ჰყავს მოადგილე, რომელსაც თანამდებობაზე ნიშნავს და ათავისუფლებს კურატორი საქართველოს შინაგან საქმეთა მინისტრის მოადგილე. იზოლატორის უფროსის არყოფნის დროს უფროსის მოადგილე ასრულებს იზოლატორის უფროსის უფლება-მოვალეობებს.“.

„მუხლი 1

საქართველოს შინაგან საქმეთა სამინისტროს ადამიანის უფლებათა დაცვისა და მონიტორინგის მთავარი სამმართველოს დროებითი მოთავსების იზოლატორში (დროებითი დაკავების იზოლატორი) (შემდგომში – იზოლატორი) მოთავსებული პირი ვალდებულია:

ა) ზუსტად დაიცვას იზოლატორში არსებული დღის განაწესი;

ბ) დაემორჩილოს და შეასრულოს იზოლატორის ადმინისტრაციის მოთხოვნები;

გ) იყოს თავაზიანი იზოლატორის თანამშრომლებისა და სხვა დაკავებული პირების მიმართ;

დ) გაუფრთხილდეს იზოლატორის ინვენტარს, მოწყობილობას და სხვა ქონებას;

ე) დაიცვას სანიტარიულ-ჰიგიენური და ხანძარსაწინააღმდეგო წესები;

ვ) დაიცვას სისუფთავე საკანში;

ზ) დაწვეს და ადგეს დადგენილ დროს, ამასთან ადგომის დროს გაასწოროს კუთვნილი საწოლი;

თ) საკნიდან გადაადგილების შემთხვევაში ხელები ჰქონდეს ზურგს უკან.“.

ა) პირველი მუხლის პირველი პუნქტი ჩამოყალიბდეს შემდეგი რედაქციით:

„1.დაკავებული პირები საქართველოს შინაგან საქმეთა სამინისტროს ადამიანის უფლებათა დაცვისა და მონიტორინგის მთავარი სამმართველოს დროებითი მოთავსების იზოლატორში (დროებითი დაკავების იზოლატორი) (შემდგომში – იზოლატორი) მიჰყავთ კანონმდებლობით გათვალისწინებულ, კომპეტენტური ორგანოს თანამშრომლებს.“;

ბ) ინსტრუქციას დაემატოს შემდეგი შინაარსის 9¹ მუხლი:

„მუხლი 9¹. იზოლატორებში  ვიდეომეთვალყურეობის წარმოების წესი

1. იზოლატორებში ვიდეომეთვალყურეობის წარმოება დასაშვებია იზოლატორში მოთავსებული პირების და იზოლატორის პერსონალის უსაფრთხოების, დაკავებული პირების მიმართ არასათანადო მოპყრობის აღკვეთის, იზოლატორებში სამართალდარღვევების პრევენციის, აგრეთვე იზოლატორების მუშაობასა და ადამიანის უფლებების დაცვაზე  მონიტორინგის ეფექტიანად განხორციელების მიზნით.

2. ამ მუხლის მოქმედება ვრცელდება მხოლოდ იზოლატორის მიერ განხორციელებულ ვიდეომეთვალყურეობაზე. 

3. იზოლატორებში ვიდეომეთვალყურეობის წარმოებამ არ უნდა ჩაანაცვლოს იზოლატორის პერსონალის მიერ იზოლატორში მოთავსებული პირების შემოწმება და მათთან უშუალო კონტაქტის განხორციელება.

4. იზოლატორებში ვიდეომეთვალყურეობის განხორციელება დასაშვებია იზოლატორის დერეფნებში, სადაც განთავსებულია საკნები. საკნებსა და იზოლატორის სხვა ადგილებში ვიდეომეთვალყურეობის განხორციელება დასაშვებია მხოლოდ მინისტრის  თანხმობით.

5. საკნებში ვიდეომეთვალყურეობა შეიძლება განხორციელდეს მხოლოდ ცალკეულ გამონაკლის შემთხვევებში უსაფრთხოების მიზნებისათვის. აღნიშნულ შემთხვევაში მაქსიმალურად უნდა იქნეს დაცული იზოლატორში მოთავსებული პირების პირადი ცხოვრების ხელშეუხებლობა. 

6. ვიდეომეთვალყურეობის სისტემის (კამერები) დამონტაჟების ადგილზე უნდა  განთავსდეს ვიდეოგადაღების მიმდინარეობის გამაფრთხილებელი ნიშანი.

7. იზოლატორის დერეფნებში, საკნებსა და სხვა ადგილებში ვიდეომეთვალყურეობის სისტემა უნდა განთავსდეს ისეთი განლაგებით, რომ შესაძლებელი იყოს აღნიშნულ ადგილებში  მყოფი პირების ვიზუალურად დანახვა და იდენტიფიკაცია.

8. იზოლატორებში ვიდეომეთვალყურეობის მონიტორინგი უნდა განხორციელდეს სპეციალურად გამოყოფილ ოთახში.  იზოლატორი ვალდებულია აღრიცხოს ნებისმიერი ტექნიკური შეფერხება (ელექტროენერგიის გათიშვა ან არასტაბილურად მიწოდება, ვიდეომეთვალყურეობის სისტემის დაზიანება ან მისი მწყობრიდან გამოსვლა და სხვ.), რამაც გამოიწვია ვიდეომეთვალყურეობის წარმოების შეფერხება. აღნიშნული შეფერხების შესახებ, იზოლატორის შესაბამისი პასუხისმგებელი პირის მიერ დაუყოვნებლივ ეცნობება იზოლატორის უფროსს.“.