„საქართველოს აეროპორტებში სახელმწიფო ხელისუფლების უმაღლესი და მაღალი თანამდებობის პირთა და უცხო ქვეყნების ოფიციალურ დელეგაციათა მომსახურების წესის დამტკიცების შესახებ“ საქართველოს პრეზიდენტის 2005 წლის 21 მარტის №154 ბრძანებულებაში ცვლილების შეტანის თაობაზე

„2. ქ. თბილისის აეროპორტში სახელმწიფო ხელისუფლების უმაღლესი და მაღალი თანამდებობის პირებისათვის განკუთვნილი სამთავრობო დარბაზის პირველი სალონითა და გასასვლელით სარგებლობენ:

ა) საქართველოს პრეზიდენტი;

ბ) საქართველოს პარლამენტის თავმჯდომარე;

გ) საქართველოს პრემიერ-მინისტრი;

დ) საქართველოს კათოლიკოს-პატრიარქი;

ე) საქართველოს უზენაესი სასამართლოს თავმჯდომარე;

ვ) საქართველოს საკონსტიტუციო სასამართლოს თავმჯდომარე;

ზ) საქართველოში აკრედიტებული საზღვარგარეთის ქვეყნების დიპლომატიურ წარმომადგენლობათა და საერთაშორისო მისიათა ხელმძღვანელები საქართველოში პირველად ჩამოსვლისას ან/და დიპლომატიური მისიის დასრულებასთან დაკავშირებით გაცილებისას, აგრეთვე მათი ოჯახის წევრები მხოლოდ იმ შემთხვევაში, თუ ისინი მგზავრობენ მათთან ერთად;   

თ) ამ პუნქტით გათვალისწინებულ პირთა ოჯახის წევრები, გარდა ამ პუნქტის „ზ“ ქვეპუნქტით გათვალისწინებული პირების ოჯახის წევრებისა;

ი) ამ პუნქტით გათვალისწინებულ პირთა მიერ მოწვეული საზღვარგარეთის ქვეყნების თანამდებობის პირები და დელეგაციები, გარდა ამ პუნქტის „ზ“ ქვეპუნქტით გათვალისწინებული პირების მიერ მოწვევის შემთხვევისა.“;

„2¹) ამ წესის მე-2 პუნქტით გათვალისწინებული პირები  აეროპორტის შიდა ტერიტორიაზე გადაადგილდებიან პერსონალური ავტოტრანსპორტით.“.