სს „კაუკაზუს ენერჯი ენდ ინფრასთრაქჩას“ აქციონერთა რიგგარეშე საერთო კრების მოწვევის შესახებ

განცხადება

სს „კაუკაზუს ენერჯი ენდ ინფრასთრაქჩას” აქციონერთა რიგგარეშე საერთო კრების მოწვევის შესახებ

სს „კაუკაზუს ენერჯი ენდ ინფრასთრაქჩას” სამეთვალყურეო საბჭო და დირექტორატი იწვევს სააქციო საზოგადოების აქციონერებს რიგგარეშე საერთო კრებაზე, რომელიც გაიმართება 2013 წლის 10 აპრილს, 11: 00 საათზე, მისამართზე: ქ. თბილისი, ლიბერთი თაუერი, ილია ჭავჭავაძის გამზირი 74, მე-9 სართული.

დღის წესრიგი:

1. სს “კაუკაზუს ენერჯი ენდ ინფრასთრაქჩა ს” მიერ შპს „ მტკვარი ჰესის” წილის 100 %-ის გაყიდვა.

2. სახაზინო აქციების გაუქმება.

3. სხვა მიმდინარე საკითხები.

დღის წესრიგის საკითხების ირგვლივ დაწვრილებით ინფორმაციის მიღება აქციონერებს შეუძლიათ სააქციო საზოგადოების სამეთვალყურეო საბჭოსა და დირექტორატში. დღის წესრიგის თითოეულ საკითხთან დაკავშირებით აქციონერებს შეუძლიათ განმარტების მოთხოვნა დირექტორატისა და სამეთვალყურეო საბჭოსაგან როგორც კრებაზე (ზეპირად), ასევე წერილობით. თუ ამგვარი წერილობითი მოთხოვნა წარდგენილ იქნა დირექტორატში ან სამეთვალყურეო საბჭოში 2013 წლის 31 მარტამდე, მასზე იქნება გაცემული პასუხი ან საკითხი შევა დღის წესრიგის დამატებით პუნქტად.

სს „კაუკაზუს ენერჯი ენდ ინფრასთრაქჩას” აქციონერთა 2013 წლის 10 აპრილის რიგგარეშე საერთო კრებაზე მონაწილეობის მისაღებად მოწვეულნი არიან აქციონერები (ან მათი წარმომადგენლები), რომლებიც რეგისტრირებულნი არიან საზოგადოების აქციათა რეესტრში, რომელსაც აწარმოებს ფასიანი ქაღალდების რეგისტრატორი სს „კავკაზრეესტრი”, 2013 წლის 1 მარტის (საერთო კრების სააღრიცხვო თარიღი) მდგომარეობით. მსურველებს ამ ფაქტის შემოწმება შეუძლიათ 2013 წლის 31 მარტიდან 9 აპრილის ჩათვლით, მისამართზე: ქ. თბილისი, ლიბერთი თაუერი, ილია ჭავჭავაძის გამზირი 74ა, სართ. 2.

გ. რუსიტაშვილი

გენერალური დირექტორი

სს “კაუკაზუს ენერჯი ენდ ინფრასთრაქჩა”