დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | ,,ქალაქ თბილისის მერიის ზედამხედველობის საქალაქო სამსახურის დებულების დამტკიცების შესახებ“ ქ. თბილისის მერის 2006 წლის 26 დეკემბრის N22 ბრძანებაში ცვლილების შეტანის თაობაზე | |
|---|---|
| დოკუმენტის ნომერი | 14 |
| დოკუმენტის მიმღები | საქართველოს დედაქალაქი თბილისი (თბილისის მერია) |
| მიღების თარიღი | 14/03/2013 |
| დოკუმენტის ტიპი | ქ. თბილისის მერის ბრძანება |
| გამოქვეყნების წყარო, თარიღი | ვებგვერდი, 18/03/2013 |
| სარეგისტრაციო კოდი | 010260030.52.101.016081 |
|
,,ქალაქ თბილისის მერიის ზედამხედველობის საქალაქო სამსახურის დებულების დამტკიცების შესახებ“ ქ. თბილისის მერის 2006 წლის 26 დეკემბრის №22 ბრძანებაში ცვლილების შეტანის თაობაზე
|
,,ნორმატიული აქტების შესახებ” საქართველოს კანონის მე-20 მუხლის და ,,საქართველოს დედაქალაქის - თბილისის შესახებ” საქართველოს კანონის 22-ე მუხლის მე-3 პუნქტის ,,ნ” ქვეპუნქტის საფუძველზე, ვბრძანებ: |
| მუხლი 1 |
,,ქალაქ თბილისის მერიის ზედამხედველობის საქალაქო სამსახურის დებულების დამტკიცების შესახებ“ ქ. თბილისის მერის 2006 წლის 26 დეკემბრის №22 ბრძანებით დამტკიცებულ დებულებაში (გაზეთი ,,24 საათი“, №291,გვ.15, 29 დეკემბერი 2006წ.) შევიდეს შემდეგი სახის ცვლილება:
ა) 1-ლი მუხლის მე-3 პუნქტი ჩამოყალიბდეს შემდეგი რედაქციით: „3. სამსახური თავის საქმიანობაში ხელმძღვანელობს: საქართველოს კონსტიტუციით, ,,ადგილობრივი თვითმმართველობის შესახებ” საქართველოს ორგანული კანონით, ,,საქართველოს დედაქალაქის _ თბილისის შესახებ” საქართველოს კანონით, ,,საქართველოს ადმინისტრაციულ სამართალდარღვევათა კოდექსით”, ,,გარემოს დაცვის შესახებ” საქართველოს კანონით, ,,ქალაქ თბილისის საზღვრებში და მიმდებარე ტერიტორიაზე არსებული მწვანე ნარგავებისა და სახელმწიფო ტყის ფონდის განსაკუთრებული დაცვის შესახებ” საქართველოს კანონით, „პროდუქტის უსაფრთხოებისა და თავისუფალი მიმოქცევის“ კოდექსით, ,,სააღსრულებო წარმოებათა შესახებ” საქართველოს კანონით, ,,ქ. თბილისის მერიის დებულების დამტკიცების შესახებ” ქ. თბილისის საკრებულოს 2006 წლის 12 ოქტომბრის №1-1 გადაწყვეტილებით დამტკიცებული დებულებით, ,,მშენებლობის ნებართვის გაცემის წესისა და სანებართვო პირობების შესახებ” საქართველოს მთავრობის 2009 წლის 24 მარტის №57 დადგენილებით, სხვა ნორმატიული აქტებითა და წინამდებარე დებულებით.“ ბ) ამოღებულ იქნეს მე–3 მუხლის 1–ლი პუნქტის „გ“ ქვეპუნქტი. გ) მე–3 მუხლის მე–2 პუნქტის „ი“ ქვეპუნქტი ჩამოყალიბდეს შემდეგი რედაქციით: „ი) საკუთარი უფლებამოსილების ფარგლებში, დამრღვევი ფიზიკური ან/და იურიდიული პირების მიმართ ადმინისტრაციულ სამართალდარღვევათა კოდექსით და „პროდუქტის უსაფრთხოებისა და თავისუფალი მიმოქცევის“ კოდექსით დადგენილი ზომების განხორციელება.“ დ) ამოღებულ იქნეს მე–3 მუხლის მე–2 პუნქტის „პ2“ ქვეპუნქტი. ე) მე-7 მუხლის მე–2 პუნქტის „გ“ ქვეპუნქტი ჩამოყალიბდეს შემდეგი რედაქციით: „გ) მთაწმინდის რაიონული განყოფილება.“ ვ) მე-7 მუხლის მე–2 პუნქტის „ვ“ ქვეპუნქტი ჩამოყალიბდეს შემდეგი რედაქციით: „ვ)კრწანისის რაიონული განყოფილება.“ ზ) 71 მუხლი ჩამოყალიბდეს შემდეგი რედაქციით: „71. ლანდშაფტურ–სარეკრეაციო ტერიტორიის დაცვის განყოფილება უზრუნველყოფს ქ. თბილისის ტერიტორიაზე მწვანე ნარგავების დაცვას. ასევე, სამსახურის კომპეტენციაში შემავალი დარღვევების აღმოჩენას და შესაბამისი ზომების მიღებას.“ |
| მუხლი 2 |
ეს ბრძანება ძალაში შედის გამოქვეყნებისთანავე. |
|
დოკუმენტის კომენტარები