დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | საგარეჯოს მუნიციპალიტეტის გამგეობის ადმინისტრაციული სამსახურის დებულების დამტკიცების შესახებ“ საგარეჯოს მუნიციპალიტეტის საკრებულოს 2010 წლის 26 ნოემბრის №23 დადგენილებაში ცვლილებების შეტანის თაობაზე | |
|---|---|
| დოკუმენტის ნომერი | 7 |
| დოკუმენტის მიმღები | საგარეჯოს მუნიციპალიტეტი |
| მიღების თარიღი | 12/03/2013 |
| დოკუმენტის ტიპი | მუნიციპალიტეტისა და თვითმმართველი ქალაქის საკრებულოს დადგენილება |
| გამოქვეყნების წყარო, თარიღი | ვებგვერდი, 15/03/2013 |
| ძალის დაკარგვის თარიღი | 28/07/2014 |
| სარეგისტრაციო კოდი | 010260020.35.165.016080 |
|
„საგარეჯოს მუნიციპალიტეტის გამგეობის ადმინისტრაციული სამსახურის დებულების დამტკიცების შესახებ“ საგარეჯოს მუნიციპალიტეტის საკრებულოს 2010 წლის 26 ნოემბრის №23 დადგენილებაში ცვლილებების შეტანის თაობაზე
|
თანახმად „ნორმატიული აქტების შესახებ“ საქართველოს კანონის მე-20 მუხლისა, საგარეჯოს მუნიციპალიტეტის საკრებულო ადგენს: |
| მუხლი 1 |
„საგარეჯოს მუნიციპალიტეტის გამგეობის ადმინისტრაციული სამსახურის დებულების დამტკიცების შესახებ“ საგარეჯოს მუნიციპალიტეტის საკრებულოს 2010 წლის 26 ნოემბრის №23 დადგენილებაში შეტანილ იქნეს შემდეგი ცვლილებები: |
1.
დებულების პირველი მუხლის 1-ლი პუნქტი ჩამოყალიბდეს შემდეგი რედაქციით:
„საგარეჯოს მუნიციპალიტეტის ადმინისტრაციული სამსახური (ტექსტში შემდგომში – სამსახური) ახორციელებს გამგეობის ორგანიზაციულ, იურიდიულ, ანალიტიკურ, საინფორმაციო საქმიანობის უზრუნველყოფას. მატერიალურ-ტექნიკურად უზრუნველყოფს საკრებულოსა და გამგეობის საქმიანობას.". |
2.
დებულების მე-5 მუხლი ჩამოყალიბდეს შემდეგი რედაქციით:
„სამსახური შედგება ხუთი განყოფილებისგან: |
ა)
საქმისწარმოებისა და კადრების განყოფილება; |
ბ)
იურიდიული განყოფილება; |
გ)
საზოგადოებასთან ურთიერთობისა და ინფორმაციული ტექნოლოგიების განყოფილება; |
დ)
ადგილობრივი არქივის განყოფილება; |
ე)
მატერიალურ-ტექნიკური მომსახურების განყოფილება. |
3.
დებულების მე-6 მუხლს დაემატოს "ქ" პუნქტი შემდეგი რედაქციით:
„ქ) მოქალაქეების მიღებას და მათთვის საინფორმაციო მომსახურების გაწევას; გამგეობაში შემოსული განცხადებების აღრიცხვას; შენობაში შესვლისათვის საშვთა დაშვების ორგანიზებას.". |
4.
დებულების მე-7 მუხლს დაემატოს "ვ" ;"ზ" და "თ" ქვეპუნქტები შემდეგი რედაქციით: |
ა)
„ვ) მუნიციპალიტეტის სახელით დასადები ხელშეკრულებების პროექტების მომზადებას"; |
ბ)
„ზ) გამგეობის საქმიანობის ეფეტურობის ამაღლების მიზნით, სხვადასხვა სახის ნორმატიული და ინდივიდუალური ადმინისტრაციულ-სამართლებრივი აქტების პროექტების მომზადებას და დადგენილი წესით მათ წარდგენას"; |
გ)
„თ) განყოფილებისათვის მიკუთვნებული უფლებამოსილების ფარგლებში, ფიზიკურ და იურიდიულ პირთა წინადადებების, განცხადებების და საჩივრების განხილვას". |
5.
დებულების მე-8 მუხლს დაერქვას შემდეგი სახელი:
„ საზოგადოებასთან ურთიერთობისა და ინფორმაციული ტექნოლოგიების განყოფილება". |
6.
დებულებას დაემატოს 91 მუხლი შემდეგი რედაქციით:
მუხლი 91. მატერიალურ-ტექნიკური მომსახურების განყოფილება მატერიალურ-ტექნიკური მომსახურების განყოფილება დადგენილი წესით უზრუნველყოფს: |
ა)
საკრებულოს, მუნიციპალური სამსახურებისა და ტერიტორიული ორგანოების სარგებლობაში არსებული ადმინისტრაციული შენობა-ნაგებობების და მათზე დამაგრებული მიწის ნაკვეთების მოვლა-პატრონობას, აღჭურვას, რემონტს, კეთილმოწყობას, დაგვა-დალაგებას, კომუნალურ მომსახურებასა და დაცვას; |
ბ)
საინფორმაციო-საკომუნიკაციო სისტემის გამართულ ფუნქციონირებას; |
გ)
საოფისე ავეჯის, კომპიუტერების და სხვა ტექნიკის მოვლა-პატრონობას, რემონტს და ტექნიკურ მომსახურებას; |
დ)
საკრებულოს, მუნიციპალური სამსახურებისა და ტერიტორიული ორგანოების საოფისე მასალებით მომარაგებას; |
ე)
საკრებულოს, მუნიციპალური სამსახურებისა და ტერიტორიული ორგანოების ინვენტარის, ტექნიკისა და სხვა აღჭურვილობით სარგებლობის წესების დაცვას; |
ვ)
საკრებულოს, მუნიციპალური სამსახურებისა და ტერიტორიული ორგანოების სარგებლობაში არსებული სატრანსპორტო საშუალებების მოვლა-პატრონობას, რემონტსა და ტექნიკურ მომსახურებას; |
ზ)
მუნიციპალიტეტის გამგებლის გადაადგილებას სატრანსპორტო საშუალებით; |
თ)
მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას. |
| მუხლი 2 |
დადგენილება ამოქმედდეს გამოქვეყნებისთანავე. |
|
დოკუმენტის კომენტარები