დუშეთის მუნიციპალიტეტის მიერ დაფუძნებული არასამეწარმეო (არაკომერციული) იურიდიული პირის „დუშეთის მუნიციპალიტეტის კულტურულ-საგანმანათლებლო ცენტრის” საბიუჯეტო ასიგნებებიდან სპორტული ღონისძიებების დაფინანსებისათვის გამოყოფილი თანხების ხარჯვისა და ანგარიშსწორების წესის დამტკიცების შესახებ

1. საქართველოში გასამართ სპორტულ ღონისძიებებზე მონაწილეთა დაფინანსება განისაზღვროს:

ა) მგზავრობის ხარჯები შესაბამის მიმართულებაზე არსებული მგზავრობის ღირებულების გათვალისწინებით ან სათანადო ხელშეკრულებით დაქირავებული ტრანსპორტის ღირებულების შესაბამისად;

ბ) დღიური კვების ხარჯი იანგარიშება ღონისძიებაზე ფაქტობრივად ყოფნის დღეების ჩათვლით, ერთ მონაწილეზე არაუმეტეს 15 ლარის ოდენობით;

გ) საცხოვრებელი ფართის დაქირავების ხარჯი განისაზღვრება არაუმეტეს საშუალო კლასის სასტუმროს ნორმის ღირებულების გათვალისწინებით, წარმოდგენილი ფაქტობრივი ხარჯვის დამადასტურებელი დოკუმენტის შესაბამისად;

დ) სხვადასხვა სპორტულ ღონისძიებებში მონაწილეობისათვის შესაბამისი დაფინანსების უზრუნველსაყოფად სავალდებულოა შემდეგი დოკუმენტების წარდგენა, შეჯიბრებაზე მოწვევა ან/და შეჯიბრების დებულება, უფლებამოსილი პირის ხელმოწერით და ბეჭდით დამოწმებული, სპორტული ღონისძიების ხარჯთაღრიცხვა და მონაწილეთა სია;

ე) ხარჯვის დამადასტურებელი დოკუმენტის წარმოდგენის ვადა განისაზღვროს სპორტული ღონისძიების დამთავრებიდან 5 სამუშაო დღის განმავლობაში;

ვ) სპორტულ ღონისძიებაში მონაწილეთა ხარჯების ანაზღაურება განხორციელდეს წინასწარ ან სპორტული ღონისძიების დამთავრების შემდეგ, წინამდებარე წესით განსაზღვრული დოკუმენტების წარმოდგენის შესაბამისად.

2. საქართველოს ფარგლებს გარეთ გასამართ სპორტულ ღონისძიებებზე მონაწილეთა დაფინანსება განხორციელდეს საქართველოში მოქმედი საბიუჯეტო სახსრებიდან სპორტული ღონისძიებების დაფინანსების წესის შესაბამისად.

3. დუშეთის მუნიციპალიტეტის ფარგლებში ჩასატარებელი სპორტული ღონისძიებები დაფინანსდეს:

ა)    სპორტულ ღონისძიებებზე საპრიზო ფონდის  და მსაჯების ხარჯის ანაზღაურება განხორციელდეს შესაბამისი სპორტული ღონისძიების დებულებით განსაზღვრული ოდენობით.;

ბ)  ხარჯების დამადასტურებელი დოკუმენტაციის წარმოდგენის ვადა განისაზღვროს სპორტული ღონისძიების დამთავრებიდან 5 სამუშაო დღით.

2. წინამდებარე  წესში ცვლილების ან/და დამატების შეტანა ხორციელდება კანონმდებლობით დადგენილი წესით.