დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „საჯარო სამართლის იურიდიული პირის – საქართველოს ფინანსთა სამინისტროს მომსახურების სააგენტოსათვის განსაკარგავად გადაცემული ქონების აღრიცხვის, შენახვის, შეფასებისა და განკარგვის წესის და პირობების დამტკიცების შესახებ“ საქართველოს ფინანსთა მინისტრის 2012 წლის 2 აგვისტოს №310 ბრძანებაში ცვლილების შეტანის შესახებ | |
|---|---|
| დოკუმენტის ნომერი | 51 |
| დოკუმენტის მიმღები | საქართველოს ფინანსთა მინისტრი |
| მიღების თარიღი | 21/02/2013 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | ვებგვერდი, 21/02/2013 |
| ძალის დაკარგვის თარიღი | 18/06/2016 |
| სარეგისტრაციო კოდი | 040030000.22.033.016514 |
|
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ: |
| მუხლი 1 |
„საჯარო სამართლის იურიდიული პირის – საქართველოს ფინანსთა სამინისტროს მომსახურების სააგენტოსათვის განსაკარგავად გადაცემული ქონების აღრიცხვის, შენახვის, შეფასებისა და განკარგვის წესის და პირობების დამტკიცების შესახებ“ საქართველოს ფინანსთა მინისტრის 2012 წლის 2 აგვისტოს №310 ბრძანებით (ვებგვერდი, 02/08/2012; სარეგისტრაციო კოდი 040030000.22.033.016432) დამტკიცებული ,,საჯარო სამართლის იურიდიული პირის - საქართველოს ფინანსთა სამინისტროს მომსახურების სააგენტოსათვის განსაკარგავად გადაცემული ქონების აღრიცხვის, შენახვის, შეფასებისა და განკარგვის წესის და პირობების“ მე-4 მუხლის:
1. პირველი, მე-2 და მე-3 პუნქტები ჩამოყალიბდეს შემდეგი რედაქციით: „1. ქონების შეფასებას (მათ შორის, საჭიროების შემთხვევაში, ამ მუხლის მე-2 პუნქტის შესაბამისად შეფასებული ქონების შეფასებას) აწარმოებს სააგენტოს ქონების შეფასების სამსახური. 2. ქონების სპეციფიკის გათვალისწინებით, ქონების შეფასება შესაძლებელია აგრეთვე სააგენტოს მიერ შერჩეული საექსპერტო დაწესებულების (ექსპერტის) ან/და აუდიტური ფირმის (აუდიტორის) მიერ ან სააგენტოსათვის ქონების გადმოცემამდე ქონების გადმომცემის მიერ შერჩეული საექსპერტო დაწესებულების (ექსპერტის) ან/და აუდიტური ფირმის (აუდიტორის) მიერ, კანონმდებლობით დადგენილი წესით. 3. სააგენტო ქონების საწყის საპრივატიზებო და საპრივატიზებო საფასურს განსაზღვრავს: ა) ბალანსმფლობელის (მოსარგებლის) მიერ მიწოდებული ქონების ნარჩენი საბალანსო ღირებულების საფუძველზე; ბ) სააგენტოს შეფასების სამსახურის შეფასების საფუძველზე; გ) სააგენტოს მიერ შერჩეული საექსპერტო დაწესებულების (ექსპერტის) და/ან აუდიტური ფირმის (აუდიტორის) დასკვნის საფუძველზე; დ) ქონების სააგენტოსათვის გადმოცემამდე ქონების გადმომცემის მიერ შერჩეული საექსპერტო დაწესებულების (ექსპერტის) ან/და აუდიტური ფირმის (აუდიტორის) მიერ ჩატარებული ექსპერტიზის და შეფასების საფუძველზე.“. 2. მე-5 პუნქტი ამოღებულ იქნეს. |
მუხლი 2.
|
ეს ბრძანება ამოქმედდეს გამოქვეყნებიდან მესამე დღეს. |
|
დოკუმენტის კომენტარები