„ეროვნული სასწავლო ოლიმპიადის ჩატარების წესის დამტკიცების შესახებ“ საქართველოს განათლებისა და მეცნიერების მინისტრის 2010 წლის 26 ოქტომბრის №111/ნ ბრძანებაში ცვლილების შეტანის თაობაზე

ა) მე-6 მუხლს დაემატოს შემდეგი შინაარსის 3¹ და 3² პუნქტები:

,,3¹. ამ მუხლის პირველი პუნქტის ,,ა“, ,,ბ“, ,,ე“, ,,ვ“, ,,ზ“, ,,თ“ ან/და ,,ი“ ქვეპუნქტებით განსაზღვრულ საგნებში არაქართულენოვანი ოლიმპიადის მონაწილეებისთვის ოლიმპიადა, ზოგადსაგანმანათლებლო დაწესებულების მიმართვის შემთხვევაში, შესაძლებელია ჩატარდეს იმ ენაზე, რომელზეც ამ ზოგადსაგანმანათლებლო დაწესებულებაში ,,ზოგადი განათლების შესახებ“ საქართველოს კანონის მე-4 მუხლის მე-4 პუნქტის შესაბამისად მიმდინარეობს სწავლება.

3². ამ მუხლის 3¹ პუნქტით  გათვალისწინებულ შემთხვევაში ოლიმპიადის მონაწილეს უფლება არ აქვს უცხოურ ენად  ჩააბაროს ის ენა, რომელზეც აბარებს ამ მუხლის პირველი პუნქტის ,,ა“, ,,ბ“, ,,ე“, ,,ვ“, ,,ზ“, ,,თ“ ან/და ,,ი“ ქვეპუნქტებით განსაზღვრულ საგანს/საგნებს“.

  ბ) 26-ე მუხლი ჩამოყალიბდეს შემდეგი რედაქციით:

,,მუხლი 26. გარდამავალი დებულებები

 1. იმ შემთხვევაში, თუ ოლიმპიადის მონაწილე არის საერთაშორისო სასწავლო ოლიმპიადის გამარჯვებული და მან 2011-2012 და 2012-2013 სასწავლო წლების ეროვნულ სასწავლო ოლიმპიადაზე ამ მიზეზით ვერ გაიარა რეგისტრაცია ან/და ვერ გამოცხადდა ოლიმპიადის პირველ ან მეორე ტურზე, უფლება აქვს გავიდეს ოლიმპიადის შემდეგ ტურში.

 2. ამ წესის მე-6 მუხლის 3¹ და 3² პუნქტები გავრცელდეს ოლიმპიადის იმ მონაწილეზე, რომელიც მონაწილეობას იღებს 2012-2013 სასწავლო წლის ეროვნულ სასწავლო ოლიმპიადაში.“.