დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
საერთო სასამართლოების შესახებ საქართველოს ორგანულ კანონში ცვლილებებისა და დამატებების შეტანის თაობაზე | |
---|---|
დოკუმენტის ნომერი | 1898 |
დოკუმენტის მიმღები | საქართველოს პარლამენტი |
მიღების თარიღი | 16/04/1999 |
დოკუმენტის ტიპი | საქართველოს ორგანული კანონი |
გამოქვეყნების წყარო, თარიღი | სსმ, 13(20), 01/05/1999 |
ძალის დაკარგვის თარიღი | 08/12/2009 |
სარეგისტრაციო კოდი | 110.050.000.04.001.000.517 |
საქართველოს ორგანული კანონი
„საერთო სასამართლოების შესახებ“ საქართველოს ორგანულ კანონში ცვლილებებისა და დამატებების შეტანის თაობაზე
საქართველოს პარლამენტი ადგენს:
I. „საერთო სასამართლოების შესახებ“ საქართველოს 1997 წლის 13 ივნისის ორგანულ კანონში (პარლამენტის უწყებანი, №33, 31 ივლისი, 1997) შეტანილ იქნეს შემდეგი ცვლილებები და დამატებები:
1. მე-15 მუხლი ჩამოყალიბდეს შემდეგი რედაქციით:
„მუხლი 15. საქმის განხილვა რაიონულ (საქალაქო) სასამართლოში
1. რაიონული (საქალაქო) სასამართლო არის პირველი ინსტანციის სასამართლო, სადაც ყველა საქმე, გარდა ამ მუხლის მე-2 პუნქტით გათვალისწინებული შემთხვევებისა, განიხილება ერთპიროვნულად მოსამართლის მიერ, კანონით დადგენილი წესით.
2. რაიონულ (საქალაქო) სასამართლოში საქართველოს საპროცესო კანონმდებლობით განსაზღვრულ შემთხვევებში საქმე განიხილება კოლეგიურად _ ერთი მოსამართლისა და ორი მსაჯულის მონაწილეობით, კანონით დადგენილი წესით.“.
2. 872 მუხლს დაემატოს შემდეგი შინაარსის მე-8 პუნქტი:
„8. ამ მუხლით დადგენილი წესის შესაბამისად არჩეული (დანიშნული) მსაჯულის უფლებამოსილება იწყება 2000 წლის 1 იანვრიდან.“.
3. 89-ე მუხლის:
ა) პირველ პუნქტში სიტყვა „გარდას“ შემდეგ დაემატოს სიტყვები „მე-15 მუხლის მე-2 პუნქტის“;
ბ) მე-2-5 პუნქტები ჩაითვალოს მე-3-6 პუნქტებად;
გ) პირველი პუნქტის შემდეგ დაემატოს მე-2 პუნქტი შემდეგი რედაქციით:
„2. მე-15 მუხლის მე-2 პუნქტი ამოქმედდეს 2000 წლის 1 იანვრიდან.“;
დ) მე-4 პუნქტში სიტყვა „43-ე“ შეიცვალოს სიტყვით „47-ე“.
II. ეს კანონი ამოქმედდეს გამოქვეყნებისთანავე.
საქართველოს პრეზიდენტი ედუარდ შევარდნაძე
თბილისი,
1999 წლის 16 აპრილი.
№1898–IIს
დოკუმენტის კომენტარები