„საქართველოს ოკუპირებულ ტერიტორიებზე საქმიანობის განხორციელებისათვის თანხმობის გაცემის წესის შესახებ“ საქართველოს მთავრობის 2008 წლის 12 ნოემბრის №219 დადგენილებაში ცვლილების შეტანის თაობაზე

1. პირველი პუნქტი ჩამოყალიბდეს შემდეგი რედაქციით:

„1. საქართველოს ოკუპირებულ ტერიტორიებზე „ოკუპირებული ტე­რი­ტორიების შესახებ“ საქართველოს კანონის მე-6 მუხლის პირველი პუნ­ქტით განსაზღვრული აკრძალული საქმიანობის განხორციელე­ბი­სათვის თანხმობა გაიცემა განსახორციელებელი საქმიანობიდან გამომ­დინარე შესაბამისი მინისტრის ბრძანებით მხოლოდ იმ შემთხვევაში, თუ ეს ემსახურება საქართველოს სახელმწიფო ინტერესებს, კონფლიქტის მშვი­დობიანი მოგვარების, დეოკუპაციის ან ჰუმანიტარულ მიზნებს.“.

2. დადგენილებას დაემატოს შემდეგი შინაარსის 1¹პუნქტი:

„1¹. დადგენილების პირველი პუნქტით გათვალისწინებული თანხმობა გაიცემა რეინტეგრაციის საკითხებში საქართველოს სა­ხელმწიფო მინის­ტრთან შეთანხმებით.“.

3. მე-2 და მე-3 პუნქტები ამოღებულ იქნეს.

4. 3² პუნქტი ჩამოყალიბდეს შემდეგი რედაქციით:

„3². რეინტეგრაციის საკითხებში საქართველოს სახელმ­წიფო მინის­ტრის აპარატისა და 3¹ პუნქტში აღნიშნული შე­საბამისი დარგობრივი სამინისტროს მიერ ოკუპირებულ ტერი­ტორიებზე განსახორციელებელი საქმიანობის მოწონება, რაც ფორმდება რეინტეგრაციის საკითხებში სა­ქარ­თველოს სა­ხელმწიფო მინისტრის ბრძანებით, წარმოადგენს ოკუპირე­ბულ ტერიტორიებზე აღნიშნული პროექტის განხორციე­ლების სა­ფუძ­ველს.“.

5. 3³ პუნქტი ჩამოყალიბდეს შემდეგი რედაქციით:

„3³. რეინტეგრაციის საკითხებში საქართველოს სახელ­მ­წიფო მინისტრი და დადგენილების პირველი პუნქტით გათვალისწინებული თანხმობის გამცემი მინისტრი ოკუპირებულ ტერიტორიებზე განსახორ­ციე­ლებელი საქ­მიანობების შესახებ ინფორმაციას წარმოუდგენს სა­ქართვე­ლოს მთავ­რობას.“.