„თვითმმართველი ქალაქის - ბათუმის მერიის განათლების, კულტურის, ტურიზმისა და სპორტის სამსახურის დებულების დამტკიცების შესახებ“ თვითმმართველი ქალაქის - ბათუმის საკრებულოს 2012 წლის 30 მარტის №19 დადგენილებაში ცვლილების შეტანის თაობაზე

„3. სამსახურის სტრუქტურული ქვედანაყოფებია:

ა) განათლებისა და კულტურის განყოფილება;

ბ) ტურიზმის განყოფილება;

გ) სპორტისა და ახალგაზრდობის განყოფილება.“;

„მუხლი 6 . განათლებისა და კულტურის  განყოფილება.“.

„1. განათლებისა და კულტურის  განყოფილება.“.

„მუხლი 6¹. ტურიზმის განყოფილება:

1. ტურიზმის განყოფილება:

ა) ქალაქის ტურისტული ინდუსტრიის მონაცემთა ბაზის ფორმირება;

ბ) ტურისტული  სარეკლამო-საინფორმაციო პროდუქციის (ბეჭდვითი, ვიდეო, ციფრული და ა.შ.) დამზადება და გავრცელება;

გ) არსებული ტურისტული ობიექტების (სასტუმროების, რესტორნების, კაფეების, ატრაქციო-ნების, სასტუმრო სახლების, ტურისტული სააგენტოების) ადგილმდებარეობისა და კონტაქტების შესახებ ინფორმაციის დამუშავება;

დ) ტურისტულ ობიექტებში მომსახურეობის ფასების, მომსახურების კლასის, ხარისხის შესახებ პერიოდული ინფორმაციების დამუშავება;

ე) დაგეგმილი კულტურული, სპორტული და გასართობი ღონისძიებების შესახებ პერიოდული ინფორმაციების დამუშავება და გავრცელება;

ვ) სატრანსპორტო საშუალებების განრიგისა და ფასების შესახებ ინფორმაციის დამუშავება და გავრცელება.

ზ) სხვადასხვა ტურისტული მარშუტებისა და ტურების შესახებ ინფორმაციის დამუშავება;

თ) თვითმმართველ ქ. ბათუმის საკუთრებაში ან სარგებლობაში არსებული ტურისტული ობიექტების მოვლა-პატრონობის შესახებ წინადადებებისა და რეკომენდა­ციების შემუშავება;

ი) საერთაშორისო ტურისტული გამოფენების შესახებ ინფორმაციის მოპოება, კონტაქტების დამყარება და სარეკლამო წინადადებების შემუშავება.

კ) ტურისტული თემატიკის სემინარების, კონფერენციების გამართვა და ორგანი­ზება;

ლ) ადგილობრივი ხალხური რეწვისა და სუვენირების ბიზნესის განვითარების ხელშეწყობის მიზნით საინფორმაციო ბაზის შექმნა. დარგის განვითარებისათვის შესა­ბამისი წინადადებებისა და რეკომენდაციების შემუშავება;

მ) ტურისტულ სააგენტოებთან და სხვა ტურისტულ დაწესებულებებთან თანამ­შრომლობა და შესაბამისი ღონიძიებების დაგეგმვა.

ნ) საქართველოს კანონმდებლობით დაკისრებული სხვა ამოცანებისა და მიზნების  შესრულება:

2. განყოფილება მასზე მიკუთვნებულ უფლებამოსილებებს ახორციელებს სამსა­ხურის უფროსთან შეთანხმებით.

3. განყოფილებას ხელმძღვანელობს განყოფილების უფროსი, რომელსაც „საჯარო სამსახურის შესახებ“ საქართველოს კანონით დადგენილი წესით თანამდებობაზე ნიშნავს და თანამდებობიდან ათავისუფლებს ქ. ბათუმის მერი.

4. განყოფილების უფროსის არყოფნისას, უფროსის მიერ უფლებამოსილების განხორციე-ლების შეუძლებლობის შემთხვევაში ან თანამდებობიდან მისი განთავი­სუფლებისას უფროსის მოვალეობის შესრულება ქ. ბათუმის მერის ბრძანების საფუძველზე ეკისრება განყოფილების ერთ-ერთ მთავარ სპეციალისტს.

5. განყოფილების უფროსი პასუხისმგებელი და ანგარიშვალდებულია სამსახურის უფროსის წინაშე.

6. განყოფილების უფროსის თანამდებობიდან განთავისუფლების და სამსახუ­რებრივი ურთიერთობის შეწყვეტის, აგრეთვე, სამსახურებრივი ურთიერთობის შეჩერების საფუძვლები განისაზღვრება საქართველოს კანონმდებლობით.“.