დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„ქალაქ თბილისის საკრებულოს რეგლამენტის დამტკიცების შესახებ“ ქ. თბილისის საკრებულოს 2011 წლის 25 თებერვლის №2-14 გადაწყვეტილებაში ცვლილების შეტანის შესახებ | |
---|---|
დოკუმენტის ნომერი | 16-54 |
დოკუმენტის მიმღები | საქართველოს დედაქალაქი თბილისი (საკრებულო) |
მიღების თარიღი | 28/12/2012 |
დოკუმენტის ტიპი | ქ. თბილისის საკრებულოს გადაწყვეტილება |
გამოქვეყნების წყარო, თარიღი | ვებგვერდი, 28/12/2012 |
ძალის დაკარგვის თარიღი | 19/07/2014 |
სარეგისტრაციო კოდი | 210020100.36.101.016140 |
|
„საქართველოს დედაქალაქის – თბილისის შესახებ“ საქართველოს კანონის მე-12 მუხლის „ა“ ქვეპუნქტისა და „ნორმატიული აქტების შესახებ“ საქართველოს კანონის მე-20 მუხლის შესაბამისად, ქ. თბილისის საკრებულომ გადაწყვიტა:
|
მუხლი 1 |
„ქალაქ თბილისის საკრებულოს რეგლამენტის დამტკიცების შესახებ“ ქ. თბილისის საკრებულოს 2011 წლის 25 თებერვლის №2-14 გადაწყვეტილებაში (სსმ, 14.03.2012, 210020100.36.101.016032) შეტანილ იქნეს შემდეგი სახის ცვლილება: |
1.
გადაწყვეტილების მე-17 მუხლის პირველი პუნქტი ჩამოყალიბდეს შემდეგი რედაქციით:
,,1. ქ. თბილისის საკრებულოში საკრებულოს უფლებამოსილების ვადით შექმნილია საკრებულოს სარევიზიო კომისია და შემდეგი მუდმივმოქმედი კომისიები: ა) იურიდიულ საკითხთა; ბ) ქონების მართვისა და საფინანსო-საბიუჯეტო; გ) საქალაქო მეურნეობის; დ) ჯანდაცვისა და სოციალურ საკითხთა; ე) ურბანული დაგეგმარებისა და ძველი თბილისის რეაბილიტაციის; ვ) ადამიანის უფლებათა და საზოგადოებასთან ურთიერთობის; ზ) განათლებისა და კულტურის; თ) გარემოს დაცვის; ი) ეკონომიკური განვითარებისა და საინვესტიციო პოლიტიკის; კ) სახელდებისა და სიმბოლიკის; ლ) სპორტისა და ახალგაზრდულ საქმეთა; მ) საერთაშორისო ურთიერთობების. |
2.
გადაწყვეტილების 42–ე მუხლის პირველ პუნქტს დაემატოს შემდეგი შენაარსის ,,ფ“ ქვეპუნქტი:
,,ფ) გადაწყვეტილებას იღებს საკრებულოს ცალკეული წევრის, საკრებულოს აპარატის უფროსის, აპარატის საჯარო მოსამსახურეთა და საკრებულოს დელეგაციის სხვა სახელმწიფოში მივლინების საკითხთან დაკავშირებით, ასევე ნიშნავს საკრებულოს დელეგაციის ხელმძღვანელს.“. |
3.
გადაწყვეტილების 46–ე მუხლის მე–2 პუნქტის ,,ვ“ ქვეპუნქტი ჩამოყალიბდეს შემდეგი რედაქციით:
,,ვ) გადაწყვეტილებას იღებს საკრებულოს თავმჯდომარის სხვა სახელმწიფოში მივლინების საკითხთან დაკავშირებით;“. |
მუხლი 2 |
გადაწყვეტილება ამოქმედდეს გამოქვეყნებისთანავე.
|
|
დოკუმენტის კომენტარები