„თელავის მუნიციპალიტეტის საკუთრებაში არსებული ქონების სარგებლობის უფლებით გადაცემის წესის დამტკიცების შესახებ“თელავის მუნიციპალიტეტის საკრებულოს 2010 წლის 14 სექტემბრის #21 დადგენილებაში ცვლილებების შეტანის შესახებ

,,ნორმატიული აქტების შესახებ" საქართველოს კანონის მე-20 მუხლის მე-4 პუნქტის შესაბამისად, 

შეტანილ იქნეს ცვლილებები „თელავის მუნიციპალიტეტის საკუთრებაში არსებული ქონების სარგებლობის უფლებით გადაცემის წესის დამტკიცების შესახებ“ თელავის მუნიციპალიტეტის საკრებულოს 2010 წლის 14 სექტემბრის №21 დადგენილებაში და დადგენილების  დანართის მე-9 მუხლის მე-2, მე-3 და მე-4 პუნქტები ჩამოყალიბდეს შემდეგი რედაქციით:

„2. თელავის მუნიციპალიტეტი ქონების აუქციონის ან პირობებით აუქციონის ფორმით სარგებლობის უფლებით გადაცემის შესახებ გადაწყვეტალებისა და გამოსაქვეყნებელ ინფორმაციას განათავსებს თელავის მუნიციპალიტეტის ოფიციალურ ვებგვერდზე /www telavi-gov.ge/

3. თელავის მუნიციპალიტეტის საკუთრებაში არსებული ქონების აუქციონის ან პირობებით აუქციონის ფორმით სარგებლობაში გადაცემის შესახებ გადაწყვეტილება და გამოსაქვეყნებელი ინფორმაცია ქვეყნდება აუქციონის ჩატარების დათქმულ თარიღამდე არანაკლებ 5 და არა უმეტეს 30 კალენდარული დღით ადრე.

4. თელავის მუნიციპალიტეტის ქონების – უძრავი ნივთის, განმეორებით  გამოცხადებული    ან/და ვადაგაგრძელებული აუქციონის ან პირობიანი აუქციონის ფორმით სარგებლობაში გადაცემის შესახებ გადაწყვეტილება და გამოსაქვეყნებელი ინფორმაცია ქვეყნდება აუქციონის ჩატარების დათქმულ თარიღამდე არანაკლებ 5 და არა უმეტეს 30 კალენდარული დღით  ადრე.“.

დადგენილების  დანართის მე-10 მუხლის მეორე პუნქტი   ჩამოყალიბდეს შემდეგი რედაქციით:

 ,, 2.  აუქციონი ტარდება გამოცხადების დღიდან არანაკლებ მე-5 და არა უმეტეს 30-ე  კალენდარულ დღეს. აუქციონში მონაწილეობაზე განაცხადის  მიღება მიმდინარეობს აუქციონის ჩატარების დღის ჩათვლით და გამყიდველის მიერ დადგენილ საათამდე.“

დადგენილება ძალაშია გამოქვეყნებისთანავე.