„ქალაქ თბილისის მერიის საჯარო სამართლის იურიდიული პირის – გუდაურის განვითარების ფონდის მიერ გუდაურის სამთო-სათხილამურო კურორტის სეზონის პერიოდში გაწეული მომსახურების საფასურის ოდენობის განმსაზღვრელი ზოგადი წესის დამტკიცების შესახებ“ ქალაქ თბილისის მთავრობის 2011 წლის 27 დეკემბრის №35.35.1487 დადგენილებაში ცვლილების შეტანის თაობაზე

ა)  ამოღებულ იქნეს 4¹ მუხლის პირველი პუნქტის „თ“ ქვეპუნქტი;

ბ) 4¹ მუხლს დაემატოს შემდეგი შინაარსის მე-6 პუნქტი:

 „6. სტუდენტებისთვის სეზონის აბონემენტის საფასური განისაზღვრება 150 (ას ორმოცდაათი) ლარის ოდენობით.“.

გ) ამოღებულ იქნეს მე-5 მუხლი;

დ) წესს დაემატოს შემდეგი შინაარსის მე-6 მუხლი:

„მუხლი 6. სათხილამურო ტრასების გაქირავების მომსახურების საფასური

1. სსიპ - გუდაურის განვითარების ფონდი  უფლებამოსილია სათხილამურო სეზონის პერიოდში დროებით გააქირავოს სათხილამურო ტრასები, ასევე მის მფლობელობასა და სარგებლობაში არსებული ტექნიკა.

2. სათხილამურო ტრასების გაქირავების მომსახურების საფასური განისაზღვრება შემდეგი ოდენობით:

ა) სამოყვარულო სათხილამურო ტრასის 1 სრული/არასრული საათით გაქირავების საფასური სამუშაო დღეს 500  ლარი;

ბ) სამოყვარულო სათხილამურო ტრასის 1 სრული/არასრული საათით გაქირავების საფასური არასამუშაო დღეს 1500 ლარი;

გ) სამოყვარულო სათხილამურო ტრასის მთელი დღით გაქირავების საფასური სამუშაო დღეს - 2500 ლარი;

დ) სამოყვარულო სათხილამურო ტრასის მთელი დღით გაქირავების საფასური არასამუშაო დღეს - 4000 ლარი;

ე) თოვლის სატკეპნი ტექნიკის 1 სრული/არასრული საათით გაქირავების საფასური - 200  ლარი.“.

ე) „ქალაქ თბილისის მერიის საჯარო სამართლის იურიდიული პირის – გუდაურის განვითარების ფონდის მიერ გუდაურის სამთო-სათხილამურო კურორტის სეზონის პერიოდში გაწეული მომსახურების საფასურის ოდენობის განმსაზღვრელი ზოგადი წესის დამტკიცების შესახებ“ ქალაქ თბილისის მთავრობის 2011 წლის 27 დეკემბრის №35.35.1487 დადგენილების პირველი პუნქტით დამტკიცებული  წესის დანართი ჩამოყალიბდეს თანდართული  დანართის რედაქციით.