„საქართველოს განათლებისა და მეცნიერების სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №37 დადგენილებაში ცვლილების შეტანის თაობაზე

1. მე-2  მუხლის მე-2  პუნქტის „შ“ და „შ¹“ ქვეპუნქტები  ჩამოყალ­ი­ბ­დეს შემდეგი რედაქციით:

„შ) საქართველოს პრემიერ-მინისტრთან შეთანხმებით, თანამდებ­ო­ბაზე ნიშნავს და თანამდებობიდან ათავისუფლებს ამ დებულების მე-4 მუხ­ლის „გ.ა“, „გ.ბ“, „გ.დ“ და „გ.ზ“  ქვეპუნქტებით გა­თვა­ლისწინებული სა­ჯარო სამართლის იურიდიული პირების დი­რექ­ტო­რ­ებს; კანონმდებ­ლო­ბით დადგენილი წესით თანამდებობაზე ნიშნავს და თა­ნამდებო­ბიდან ათავისუფლებს ამ დებულების მე-4 მუხლის „გ.ე“, „გ.ვ“, „გ.თ“ და „გ.ი“ ქვეპუნქტებით გათვალისწინებული და­წ­ესებულებების ხელმძღვა­ნე­ლებსა და პროფესიული საგანმა­ნათ­ლე­ბ­ლო დაწესებულებების ხელმძ­ღვა­ნელებს;

შ¹) საქართველოს პრემიერ-მინისტრს დასანიშნად წარუდგენს ამ დე­ბულების მე-4 მუხლის „გ.გ“ ქვეპუნქტით გათ­ვალის­წინებული საჯარო სა­მართლის იურიდიული პირის დირექტორის კან­დიდატურას;“.

2. 3¹ მუხლის:

ა) მე-6 პუნქტი ჩამოყალიბდეს შემდეგი რედაქციით:

„6. მინისტრის პირველი მოადგილე ან მინისტრის ერთ-ერთი მოა­დ­გილე მინისტრის დავალებით ახორციელებს საპარლამენტო მდივნის ფუ­ნ­ქციას.“;

ბ) მე-7 პუნქტი ამოღებულ იქნეს;

გ) მე-8  პუნქტი ჩამოყალიბდეს შემდეგი რედაქციით:

„8. მინისტრის პირველი მოადგილე ან მინისტრის ერთ-ერთი მოა­დ­გილე იმავდროულად არის საჯარო სამართლის იურიდიული პირის – სა­განმანათლებლო და სამეცნიერო ინფრასტრუქტურის განვითარების სა­აგენტოს დირექტორი.“.

3. მე-4 და 4¹ მუხლები ჩამოყალიბდეს შემდეგი რედაქციით:

„მუხლი 4. სამინისტროს სისტემა

სამინისტროს სისტემა მოიცავს:

ა) სტრუქტურულ ქვედანაყოფებს:

ა.ა) ადმინისტრაცია (დეპარტამენტი);

ა.ბ) საზოგადოებასთან ურთიერთობის დეპარტამენტი;

ა.გ) შიდა აუდიტის დეპარტამენტი;

ა.დ) სამართლებრივი უზრუნველყოფის დეპარტამენტი;

ა.ე) ეკონომიკური დეპარტამენტი;

ა.ვ) ეროვნული სასწავლო გეგმების დეპარტამენტი;

ა.ზ) ზოგადი განათლების მართვისა და განვითარების დეპარ­ტა­მ­ენ­ტი;

ა.თ) პროფესიული განათლების განვითარების დეპარტამენტი;

ა.ი) უმაღლესი განათლებისა და მეცნიერების განვითარების დე­პ­ა­რ­­ტამენტი;

ა.კ) საერთაშორისო ურთიერთობებისა და პროგრამების დეპარ­ტა­მ­ე­ნტი;

ბ) ტერიტორიულ ორგანოებს – საგანმანათლებლო რესურსცენტ­რ­ებს;

გ) შემდეგ საჯარო სამართლის იურიდიულ პირებს:

გ.ა) გამოცდების ეროვნული ცენტრი;

გ.ბ) განათლების ხარისხის განვითარების ეროვნული ცენტრი;

გ.გ) საგანმანათლებლო და სამეცნიერო ინფრასტრუქტურის განვი­თ­ა­რების სააგენტო;

გ.დ) მასწავლებელთა პროფესიული განვითარების ეროვნული ცენტრი;

გ.ე) საგანმანათლებლო დაწესებულების მანდატურის სამსახური;

გ.ვ) განათლების მართვის საინფორმაციო სისტემა;

გ.ზ) შოთა რუსთაველის ეროვნული სამეცნიერო ფონდი;

გ.თ) ზურაბ ჟვანიას სახელობის სახელმწიფო ადმინისტრირების სკო­ლა;

გ.ი)  კონსტიტუციონალიზმის კვლევისა და ხელშეწყობის რეგიო­ნ­ა­­ლური ცენტრი;

დ) სამინისტროს წარდგინებით, საქართველოს მთავრობის მიერ და­ფუძნებულ უმაღლეს საგანმანათლებლო დაწესებულებებს, საქართვე­ლ­ოს მთავრობის მიერ დაფუძნებულ სამეცნიერო-კვლევით დაწესებუ­ლ­ე­ბ­ებს, სამინისტროს მიერ დაფუძნებულ პროფესიულ საგანმანათლებლო და ზოგადსაგანმანათლებლო დაწესებულებებს.

მუხლი 4¹. სამინისტროს სტრუქტურული ქვედანაყოფების ამოცანები

1. ადმინისტრაციის ძირითადი ამოცანებია:

ა) სამინისტროში დოკუმენტბრუნვის მოწესრიგება;

ბ) სამინისტროს საქმიანობის ეფექტიანობის ამაღლების მიზნით საქ­მისწარმოების ერთიანი წესების დამკვიდრება;

გ) საქმისწარმოების საკითხების შესახებ ნორმატიული და მე­თო­დ­უ­რი დოკუმენტების შემუშავება და დანერგვა;

დ) სამინისტროს მიერ მიღებულ საკონტროლო დავალებათა შე­ს­რ­უ­ლების კონტროლის უზრუნველყოფა;

ე) სამინისტროს სისტემის მოსამსახურეთა დადგენილი წესის შესა­ბ­ა­მისად დანიშვნის, სამსახურებრივი გადაადგილების (გადაყვანის), გათ­ა­ვ­ისუფლების, წახალისებისა და დისციპლინური პასუხისმგებლობის ღო­ნისძიებათა გამოყენების, შვებულებისა და მივლინების შესახებ ბრძან­ე­­ბების პროექტების მომზადება;

ვ) სოციალური საკითხების გადაწყვეტა და საპენსიო საბუთების გა­ფორმება ნამსახურობის მიხედვით;

ზ) სამინისტროს სისტემის მოსამსახურეთა პროფესიულ მომზა­დე­ბ­ასა და გადამზადებასთან დაკავშირებული წინადადებების შემუშავება;

თ) სამინისტროს სისტემაში კანონმდებლობით დადგენილი წესით კო­ნკურსისა და ატესტაციის გამართვის ორგანიზება, აგრეთვე სტაჟირებ­ა­ს­თან დაკავშირებული საკითხების გადაწყვეტის უზრუნველყოფა;

ი) სამინისტროში მოსამსახურეთა რეზერვის ფორმირება და მისი მი­ზნობრივი გამოყენება;

კ) სამინისტროს შინაგანაწესის შემუშავება და მისი შესრულების კონ­ტროლი, სამინისტროს მოსამსახურეთა შრომის დისციპლინის დაც­ვ­ის კონტროლი;

ლ) თავისი კომპეტენციის ფარგლებში მინისტრის ბრძანებათა რე­ეს­ტრის წარმოება;

მ) დეპარტამენტის კომპეტენციაში შემავალ საკითხებზე სხვა­და­სხვა სახელმწიფო და არასახელმწიფო დაწესებულების, აგრეთვე მოქა­ლ­ა­ქეთა განცხადებებისა და წერილების დადგენილი წესით განხილვა და მათ­ზე რეაგირება;

ნ) სამინისტროს საქმიანობის გეგმის შედგენის კოორდინაცია;

ო) სამინისტროს საშტატო ნუსხისა და თანამდებობრივი სარგო­ებ­ის შემუშავება;

პ) სამინისტროს თანამშრომელთა სამუშაო აღწერილობის შე­მუ­შა­ვ­ე­ბის კოორდინაცია და სამინისტროს სისტემის საკადრო რესურსების მარ­თვის მიზნით რეკომენდაციების შემუშავება;

ჟ) საიდუმლო საქმისწარმოების განხორციელება, მოქმედი კანონ­მდებ­ლობით გათვალისწინებულ შესაბამის ინფორმაციასა და დოკუმე­ნ­ტაც­იასთან დაკავშირებული საიდუმლოების რეჟიმის დაცვის უზრუნ­ვ­ე­ლ­ყოფა;

რ) საქმისწარმოებაში დასრულებული დოკუმენტაციის აღრიცხვა, და­მუშავება და გადაცემა არქივისათვის, არსებული წესის შესაბამისად;

ს) სამინისტროს საშვთა ბიუროს მუშაობის უზრუნველყოფა;

ტ) მონიტორინგის საშუალებით მიღებული ინფორმაციის და­მუ­შა­ვე­ბა და რეკომენდაციების შემუშავება;

უ) ზოგადი განათლების პროგრამების ეფექტიანობის შეფასების­ა­თვის კვლევების წარმოება და რეკომენდაციების შემუშავება;

ფ) არასამთავრობო სექტორისთვის ან აკადემიური დაწესებულებ­ებ­ი­სთვის საჭიროების შემთხვევაში კვლევების დაკვეთა და ამ კვლე­ვე­ბი­ს­ა­თვის პირობების განსაზღვრა.

2. საზოგადოებასთან ურთიერთობის დეპარტამენტის ძირითადი ამ­ოცანებია:

ა) საზოგადოებრივი საბჭოს სხდომების ორგანიზება;

ბ) სამინისტროს ვებგვერდის განახლება;

გ) სხვადასხვა სახელმწიფო დაწესებულებასთან, საჯარო და კერძო სა­მართლის იურიდიულ პირებსა და არასამთავრობო ორგანიზაციებთან, თა­ვისი კომპეტენციის ფარგლებში სამინისტროს ურთიერთობის კოორ­დ­ი­ნაცია;

დ) მასობრივი ინფორმაციის საშუალებებთან ურთიერთობა, სა­მი­ნ­ი­სტროს კომპეტენციას მიკუთვნებული საქმიანობის განხორციელების თა­ობაზე საზოგადოების ინფორმირება;

ე) პრესკონფერენციების, ბრიფინგებისა და სხვა საკომუნიკაციო სა­შუალებების გამოყენებით სამინისტროს საზოგადოებრივ ღონისძიება­თა დაგეგმვა და განხორციელება;

ვ) თავისი კომპეტენციის ფარგლებში  მინისტრისათვის ორგანი­ზ­ა­­ციულ-ტექნიკური მომსახურების გაწევა;

ზ) სამინისტროს საქმიანობის გეგმის შედგენის კოორდინაცია.

3. შიდა აუდიტის დეპარტამენტის ძირითადი ამოცანებია:

ა) სამინისტროს წინაშე არსებული რისკების დადგენა და მათი მარ­თვის ხარისხის შეფასება;

ბ) ფინანსური მართვისა და კონტროლის სისტემის ადეკვა­ტუ­რო­ბ­ი­სა და ეფექტიანობის შეფასება;

გ) სამინისტროს სტრუქტურული ქვედანაყოფების, ტერიტორიუ­ლი ორგანოებისა და სამინისტროს სისტემაში შემავალი საჯარო სამართ­ლ­ის იურიდიული პირების საქმიანობის საქართველოს კანონმდებლობა­ს­თან შესაბამისობის შეფასება/მონიტორინგი;

დ) სამინისტროს საქმიანობის ეკონომიკურობის, ეფექტიანობისა და პროდუქტიულობის გაზრდის მიზნით რეკომენდაციების შემუშავება;

ე) ფინანსური და სხვა ინფორმაციის სანდოობის, სიზუსტისა და სი­სრულის შეფასება;

ვ) სამინისტროს აქტივების, სხვა რესურსებისა და ინფორმაციის ად­ეკვატურად დაცულობის შეფასება;

ზ) სისტემური აუდიტის, შესაბამისობის აუდიტის, ეფექტიანობის აუდ­იტის, ფინანსური აუდიტისა და ინფორმაციული ტექნოლოგიების აუდ­იტის განხორციელება;

თ) სამინისტროს სტრუქტურული ქვედანაყოფების, ტერიტორ­იუ­ლი ორგანოებისა და სამინისტროს სისტემაში შემავალი საჯარო სამარ­თ­ლის იურიდიული პირების მიერ სამართლებრივი აქტების მოთხოვნათა და­ცვის კონტროლი;

ი) სამინისტროს სისტემაში სამართალდარღვევის ფაქტის, სამსახ­უ­რ­ებრივი გადაცდომის ან/და სამინისტროს მიზნებთან შეუსაბამო ქმე­დ­ე­ბის არსებობის შემოწმება და აღმოჩენა, მათი გამომწვევი და ხელშემ­წ­ყ­ო­ბი მიზეზების დადგენა და პრევენციული ღონისძიებების განხორციე­ლე­ბა;

კ) სამინისტროს სისტემაში სამართალდარღვევის ფაქტის, სამსახუ­რ­ე­ბ­რივი გადაცდომის ან/და სამინისტროს მიზნებთან შეუსაბამო ქმე­დე­ბ­ის არსებობის შემოწმებისა და გამოვლენის მიზნით ინსპექტირების ჩატა­რ­ე­ბა, ინსპექტირების დასკვნის მომზადება და მინისტრისათვის წარდგე­ნა;

ლ) სამართალდარღვევის ფაქტის, სამსახურებრივი გადაცდომის ან/და სამინისტროს მიზნებთან შეუსაბამო ქმედების თაობაზე ინ­ფორ­მა­ც­ი­ის შემცველი განცხადებებისა და წერილების შესწავლის შედეგად დას­კვ­ნის მომზადება და მინისტრისათვის წარდგენა;

მ) სამინისტროს ტერიტორიული ორგანოების – საგანმანათლებლო რე­სურსცენტრების უფლებამოსილი თანამშრომლების მიერ სამარ­თალ­დარ­ღვევის ფაქტის, სამსახურებრივი გადაცდომის ან/და დაწესებულების მი­ზნებთან შეუსაბამო ქმედების არსებობის შემოწმების შედეგად გა­მოვ­ლე­ნილ ფაქტებზე სამინისტროსათვის წარდგენილი ინფორმაციის სა­ფ­უ­ძვე­ლზე დასკვნის მომზადება და მინისტრისათვის წარდგენა;

ნ) სამინისტროს მოსამსახურეთა მიერ დისციპლინის დაცვის კონ­ტ­რ­ოლი;

ო) სამინისტროს მოსამსახურეების ინტერესთა კონფლიქტის ფაქ­ტ­ე­ბის გამოვლენა და შესაბამისი რეაგირება;

პ) სამინისტროს სისტემაში სამსახურებრივი ეთიკის ნორმების შეს­რ­უ­ლების კონტროლისა და ზედამხედველობის განხორციელება;

ჟ) აფხაზეთის ავტონომიური რესპუბლიკის განათლების სამი­ნის­ტ­რო­სა და აჭარის ავტონომიური რესპუბლიკის განათლების სამინის­ტ­რ­ოს დასაბუთებული შუამდგომლობის საფუძველზე, შესაბამისი ავტონ­ო­მ­იური რესპუბლიკების ტერიტორიაზე არსებული საჯარო სამართლის იურ­იდიული პირის – ზოგადსაგანმანათლებლო დაწესებულების, მისი თა­ნამშრომლების მიმართ კანონმდებლობით გათვალისწინებული პა­სუ­ხ­ისმგებლობის ზომების გამოყენების შესახებ წინადადებების მინის­ტრი­ს­ა­თვის წარდგენა;

რ) სხვა საქმიანობები, რომლებიც გამომდინარეობს სამინისტროს ინ­ტერესებიდან და არ ეწინააღმდეგება საქართველოს კანონმდებლობას, „სა­ხელმწიფო შიდა ფინანსური კონტროლის შესახებ“ საქართველოს კა­ნ­ო­­ნის მიზნებსა და შიდა აუდიტორის დამოუკიდებლობის პრინციპებს.

4. სამართლებრივი უზრუნველყოფის დეპარტამენტის ძირითადი ამ­ოცანებია:

ა) კანონშემოქმედებით სფეროში საქართველოს პარლამენტისა და სა­მინისტროს ურთიერთობის კოორდინაცია და საპარლამენტო მდი­ვ­ნი­სა­თვის „საპარლამენტო მდივნის შესახებ“ საქართველოს კანონით მინი­ჭ­ე­ბულ უფლებამოსილებათა განხორციელებისათვის ხელშეწყობა;

ბ) სამართალშემოქმედებითი საქმიანობა, შესაბამისი ნორმატი­უ­ლი აქტების და ინდივიდუალური სამართლებრივი აქტების პროექტების მო­მ­ზადება;

გ) კომპეტენციის ფარგლებში სასამართლო დავებზე სამინისტროს წარ­მომადგენლობის უზრუნველყოფა;

დ) სასამართლო დავებზე სამინისტროს წარმომადგენლობის კო­ორ­დინაციის უზრუნველყოფა;

ე) სამინისტროს კომპეტენციას მიკუთვნებულ საკითხებთან და­კავ­ში­რებული სასამართლო დავების ანალიზი, შესაბამისი რეკომენდაც­იებ­ის მომზადება, აღრიცხვა და ერთიანი საინფორმაციო ბანკის შექმნა;

ვ) სამინისტროში მომზადებული ინდივიდუალური სამართლებ­რ­ი­ვი აქტების პროექტების ვიზირება და სამინისტროს კომპეტენციას მი­კუ­თ­ვნებულ საკითხებთან დაკავშირებული ადმინისტრაციული საჩივრების გან­ხილვა;

ზ) სამინისტროს მიერ სხვა ადმინისტრაციული ორგანოებისათვის სა­მართლებრივი დახმარების აღმოჩენის უზრუნველყოფა;

თ) მინისტრის, მინისტრის პირველი მოადგილისა და  მინისტრის მო­ადგილის მიერ სამსახურის კომპეტენციის ფარგლებში დაკისრებული სხვა სამართლებრივი ხასიათის ამოცანების შესრულება, რომლებიც არ შე­დის სამინისტროს სხვა სტრუქტურული ერთეულების კომპეტენციაში და მიეკუთვნება სამინისტროს მმართველობის სფეროს;

ი) უმაღლესი განათლებისა და მეცნიერების სფეროში საერ­თა­შო­რ­ი­სო ორმხრივი და მრავალმხრივი შეთანხმებების/ხელშეკრულებების შე­მ­უშავება;

კ) სამინისტროს სისტემაში შემავალი სამინისტროს სტრუქტუ­რუ­ლი ქვედანაყოფებიდან და საჯარო სამართლის იურიდიული პირებიდან, აგ­რეთვე სხვა უწყებებიდან შემოსული ნორმატიული აქტების პრო­ექ­ტე­ბ­ის, მათ შორის, საერთაშორისო ხელშეკრულებების პროექტების შესახებ სა­მართლებრივი დასკვნების მომზადება;

ლ) დეპარტამენტის კომპეტენციაში შემავალ საკითხებზე სხვა­და­სხვა სახელმწიფო და არასახელმწიფო დაწესებულების, აგრეთვე მოქა­ლა­ქ­ე­თა განცხადებებისა და წერილების დადგენილი წესით განხილვა და მათ­ზე რეაგირება;

მ) საჯარო ინფორმაციის ხელმისაწვდომობის უზრუნველყოფა.

5. ეკონომიკური დეპარტამენტის ძირითადი ამოცანებია:

ა) სამინისტროს სისტემის ეკონომიკური, ფინანსური და სამეურ­ნეო საქმიანობის კოორდინაცია და მართვა, სამინისტროს ერთიანი ბი­უ­ჯე­ტის პროექტის შემუშავება, აგრეთვე სამინისტროს ბალანსზე არ­სე­ბუ­ლი ქონების აღრიცხვა;

ბ) საფინანსო-ეკონომიკური, სამეურნეო და საბუღალტრო საქმია­ნ­ო­ბ­ის წარმართვა თანამედროვე სტანდარტების შესაბამისად და ხარჯთა ნუ­ს­ხის შედგენა;

გ) სამინისტროს სისტემაში შემავალ დაწესებულებათა ფინანსური და მატერიალურ-ტექნიკური უზრუნველყოფა;

დ) სამინისტროსათვის საჭირო საბუღალტრო აღრიცხვა, სა­მი­ნის­ტ­რ­ოს სისტემაში შემავალი ერთეულების ფინანსური ანგარიშგების შემოწ­მ­ე­ბა და ბალანსის შედგენა;

ე) სამინისტროს შესყიდვების განხორციელება;

ვ) სამინისტროს შენობა-ნაგებობათა მატერიალურ-ტექნიკური ბა­ზ­ის მოვლა-განახლება;

ზ) სამინისტროს სისტემაში შემავალ დაწესებულებათა მა­ტერ­ია­ლ­ურ-ტექნიკური ბაზის აღრიცხვა და მართვა;

თ) სამინისტროს სისტემაში შემავალ დაწესებულებათა ქონების შე­მ­დგომ განკარგვასთან დაკავშირებული საკითხების განხილვა და პრო­ექ­ტ­ე­­ბის მომზადება;

ი) დეპარტამენტის კომპეტენციაში შემავალ საკითხებზე სხვადა­სხვა სახელმწიფო და არასახელმწიფო დაწესებულების, აგრეთვე მოქა­ლა­ქ­ე­თა განცხადებებისა და წერილების დადგენილი წესით განხილვა და მათ­ზე რეაგირება.

6. ეროვნული სასწავლო გეგმების დეპარტამენტის ამოცანებია:

ა) ეროვნული სასწავლო გეგმის განვითარება, ეროვნული სასწა­ვ­ლო გეგმით განსაზღვრული საგნის/საგნების პროგრამის პილოტირება და მი­სი დანერგვის ხელშეწყობა;

ბ) ეროვნული სასწავლო გეგმის დანერგვა და მონიტორინგი;

გ) ეროვნული სასწავლო გეგმის ეფექტიანად დანერგვისთვის პროგ­რამების შემუშავება და განხორციელება, მათ შორის: საგნობრივი და მე­თოდოლოგიური გზამკვლევები, სასწავლო გეგმის ადმინისტრაციული და საგნობრივი ნაწილის სატრენინგო პროგრამები, სახელმძღვანე­ლოები­სა და სხვა სასწავლო რესურსების ეფექტიანად გამოყენების მეთოდოლო­გ­­ი­ური გზამკვლევები და სხვ.;

დ) ეროვნული სასწავლო გეგმის დანერგვისთვის კვლევების ჩა­ტა­რ­ება, ეროვნული სასწავლო გეგმის საგნობრივი პროგრამების, მოსწავლე­თა სწავლა-სწავლების პროცესის, სახელმძღვანელოების ეფექტიანად გა­მო­ყენების და სასწავლო მეთოდიკის დახვეწისა და გაუმჯობესების მი­ზ­ნ­ით;

ე) საგანმანათლებლო სექტორში წარმატებული ქვეყნების ეროვნუ­ლი სასწავლო გეგმის პროგრამების საკითხების კვლევა, შედარებითი ან­ა­ლ­იზის მომზადება და ამის საფუძველზე ეროვნული სასწავლო გეგმის გან­ვითარებისათვის რეკომენდაციების შემუშავება;

ვ) სასკოლო სახელმძღვანელოების შეფასების პოლიტიკის შე­მუ­შა­ვ­ება და დანერგვის ხელშეწყობა;

ზ) ეროვნული სასწავლო გეგმის მოთხოვნებზე დაფუძნებული და­მ­ხმარე სასწავლო მასალების კლასიფიკატორის შემუშავება ყველა საგნისა და საფეხურისათვის;

თ) საგანმანათლებლო ტერმინებისა და ცნებების განმარტებითი ლექ­სიკონის შემუშავება;

ი) სკოლის გამოსაშვები გამოცდების პროგრამების შემუშავება;

კ) საქართველოს განათლებისა და მეცნიერების სამინისტროს ტე­რი­ტორიული ორგანოების – რესურსცენტრებისა და ზოგად­საგა­ნმა­ნათ­ლ­ე­ბ­­ლო დაწესებულებების კონსულტირება ეროვნული სასწავლო გეგმის ად­მინისტრაციულ და პროგრამულ საკითხებზე;

ლ)  სასწავლო გეგმების საზღვარგარეთულ ცენტრებთან კავშირის და­მყარება;

მ) სკოლამდელი განათლების პოლიტიკისა და სტრატეგიის შე­მუ­შა­ვება და  განხორციელების კოორდინაცია;

ნ) სკოლამდელი განათლების დანერგვის ხელშეწყობის მიზნით სა­ერთაშორისო, ეროვნულ და რეგიონულ საგანმანათლებლო პროგ­რა­მ­ე­ბში მონაწილეობა და კოორდინაცია;

ო) ცენტრალური საკოორდინაციო და მონიტორინგის ჯგუფის შექ­მ­ნა და ფუნქციონირება;

პ) მუნიციპალიტეტების კონსულტირება და მხარ­და­ჭერა სკო­ლამ­დე­ლი განათლების ხარისხის უზრუნველყოფისა და მო­ნი­ტორინგის სი­სტემის ხელშეწყობის მიზნით;

ჟ) სკოლამდელი განათლების საფეხურზე განათლების ხარისხის გა­უმჯობესების ხელშეწყობა;

რ) სკოლამდელი განათლების პროგრამების, დამხმარე მეთ­ო­დო­ლო­გიური და სასწავლო რესურსების შემუშავება და გავრცელების ხელ­შ­ე­წყობა;

ს) სკოლამდელ განათლებასთან დაკავშირებული მონაცემებისა და სა­ერთაშორისო ინდიკატორების შეგროვებისა და ანალიზის ადმინი­სტ­რ­ი­რება;

ტ) სკოლამდელი განათლების განვითარების ხელშეწყობის მიზ­ნ­ით კვლევების ჩატარება;

უ) სკოლამდელი განათლების სექტორში საერთაშორისო და ად­გი­ლო­ბ­რივი სამეცნიერო ფორუმებისა და სამუშაო შეხვედრების ორგა­ნი­ზე­ბა;

ფ) სკოლამდელი განათლების პოპულარიზაციის მიზნით სხვა­და­სხვა ღონისძიებების გატარება, მათ შორის, მშობელთა ჩართულობისა და ინ­ფორმირებულობის გაზრდის ხელშეწყობა;

ქ) სამინისტროსათვის ზოგადსაგანმანათლებლო დაწესებულებ­ებ­ში ინოვაციური და ხელმისაწვდომი განათლების ფორმების დანერგვაში კონ­სულტაციის გაწევა;

ღ) ინკლუზიური განათლების პოლიტიკისა და სტრატეგიის შე­მუ­შა­ვება, განხორციელების კოორდინაცია და ანგარიშგება;

ყ) ინკლუზიური განათლების გაძლიერება ინკლუზიური გა­ნათ­ლ­ე­ბის მოდელის შესაბამისად;

შ) ინკლუზიური განათლების განვითარების სფეროში მიმდინარე სა­ქმიანობის კოორდინაცია და კონტროლი;

ჩ) ინკლუზიური განათლების სფეროში მომუშავე საერთაშორისო და არასამთავრობო ორგანიზაციებთან თანამშრომლობის კოორდინაცია;

ც) სამინისტროს კომპეტენციის ფარგლებში,  ინკლუზიური გა­ნათ­ლე­ბის მართვის სფეროში ეროვნული და რეგიონული პროგრამებისა და პრო­ექტების კოორდინაცია;

ძ) ინკლუზიური განათლების  საგანმანათლებლო სისტემაში ინ­ტ­ე­გრირების ხელშეწყობა;

წ) სკოლების, რომლებიც სპეციალიზებულია განვითარების შე­ფერ­ხების, სენსორული, ქცევისა და ემოციური დარღვევების მქონე მოს­წავ­ლეთა განათლების მიმართულებით, მეთოდოლოგიური განვითარება;

ჭ)  ინკლუზიური განათლების მეთოდოლოგიის შემუშავება და და­ნერგვა;

ხ) დეპარტამენტის კომპეტენციაში შემავალ საკითხებზე სხვა­და­სხვა სახელმწიფო და არასახელმწიფო დაწესებულების, აგრეთვე მოქალა­ქე­თა განცხადებებისა და წერილების დადგენილი წესით განხილვა და მათ­ზე რეაგირება. 

7. ზოგადი განათლების მართვისა და  განვითარების დეპარტამე­ნ­ტ­ის ამოცანებია:

ა) ზოგადი განათლების პოლიტიკისა და სტრატეგიის შემუშავება,  გან­ხორციელების კოორდინაცია და ანგარიშგება;

ბ) სამინისტროს სისტემაში შემავალი სტრუქტურული ერ­თე­უ­ლ­ე­ბ­ის მიერ ზოგადი განათლების განვითარების სფეროში მიმდინარე საქმია­ნ­ობის კოორდინაცია და კონტროლი;

გ) ზოგადი განათლების სისტემის განვითარების ხელშეწყობა;

დ) სამინისტროს კომპეტენციის ფარგლებში,  ზოგადი განათლების მარ­თვის სფეროში ეროვნული და რეგიონული პროგრამებისა და პრო­ექ­ტე­ბის კოორდინაცია;

ე) ზოგადი განათლების განვითარების ხელშეწყობის მიზნით სხვა­და­სხვა კვლევის ჩატარება;

ვ) სასწავლო პროცესში საინფორმაციო და საკომუნიკაციო ტექ­ნო­ლ­ო­გიების ინტეგრირების ხელშეწყობა სხვადასხვა პროგრამისა თუ პრო­ექ­ტის განხორციელებით;

ზ) მთელი სიცოცხლის განმავლობაში სწავლის სისტემის შექმნაში მო­ნაწილეობა;

თ) საქართველოს სახელმწიფო ბიუჯეტით გათვალისწინებული სა­განმანათლებლო პროგრამების განხორციელება. სასკოლო ინიციატი­ვებ­თან დაკავშირებული, ასევე სამოქალაქო ინტეგრაციაზე ორიენ­ტი­რე­ბ­უ­­ლი და საერთაშორისო პროგრამების შემუშავება, განხორციელება;

ი) ეროვნულ უმცირესობათა ენების დაცვის სახელმწიფო პო­ლი­ტ­ი­კის განხორციელების ხელშეწყობის მიზნით ეროვნული უმცირეს­ობ­ებ­ით დასახლებულ რეგიონებში სახელმწიფო ენის სწავლების უზრუნ­ველ­ყო­ფისათვის შესაბამისი პროგრამებისა და პროექტების შემუშავება-გან­ხო­რ­ციელება;

კ) მულტილინგვური განათლების განვითარება და მისი და­ნერ­გ­ვ­ის ხელშეწყობა;

ლ) სამინისტროს ტერიტორიული ორგანოების საგანმანათლებლო რე­სურსცენტრების საქმიანობის კოორდინაცია;

მ) საჯარო სამართლის იურიდიული პირების – ზოგად­სა­გან­მა­ნათ­ლ­ე­ბლო დაწესებულებებში სამეურვეო საბჭოებისა და დირექტორების არ­ჩევნების კოორდინაცია;

ნ) სამინისტროს ტერიტორიული ორგანოების – საგანმანათლებლო რე­სურსცენტრებისგან ინფორმაციის მიღება/დამუშავება და საგანმანათ­ლ­ებ­ლო რესურსცენტრებისათვის ინფორმაციის მიწოდება;

ო) დეპარტამენტის კომპეტენციაში შემავალ საკითხებზე სხვა­და­სხვა სახელმწიფო და არასახელმწიფო დაწესებულების, აგრეთვე მოქა­ლა­ქ­ე­თა განცხადებებისა და წერილების დადგენილი წესით განხილვა და მათ­ზე რეაგირება. 

8. პროფესიული განათლების განვითარების დეპარტამენტის ფუნ­ქ­ც­იებია:

ა) პროფესიული განათლების პოლიტიკისა და სტრატეგიის შე­მუ­შ­ა­ვება,  განხორციელების კოორდინაცია და ანგარიშგება;

ბ) სამინისტროს სისტემაში შემავალი სტრუქტურული ერთეუ­ლებ­ის მიერ პროფესიული განათლების განვითარების სფეროში მიმდინარე სა­ქ­მიანობის კოორდინაცია და კონტროლი;

გ) სამინისტროს კომპეტენციის ფარგლებში, პროფესიული გა­ნათ­ლე­ბის მართვის სფეროში ეროვნული და რეგიონული პროგრამებისა და პრო­ექტების კოორდინაცია;

დ) საქართველოს სახელმწიფო ბიუჯეტით გათვალისწინებული სა­გან­მანათლებლო პროგრამების განხორციელება;

ე) ამ პუნქტის „დ“ ქვეპუნქტით გათვალისწინებული პროგრამების ფარ­გლებში, ღია კონკურსის საფუძველზე, პროექტების დაფინანსება და პრო­ექტების განხორციელებაზე კონტროლის დაწესება;

ვ) პროფესიული საგანმანათლებლო დაწესებულებების სახელ­მწი­ფო კონტროლის განხორციელების, დაფუძნების, რეორგანიზაციისა და ლი­კვიდაციის ღონისძიებებში მონაწილეობა;

ზ) პროფესიულ კვალიფიკაციათა ჩარჩოს ჩამოყალიბებაში მო­ნა­წი­­ლ­ეობა;

თ) საინფორმაციო ცენტრების ჩამოყალიბება, საქმიანობის ორ­გა­ნი­ზ­ე­ბა და კონტროლი;

ი) პროფესიული განათლების ხარისხის განვითარების სისტემის ჩა­მოყალიბებაში მონაწილეობა;

კ) მთელი სიცოცხლის განმავლობაში სწავლის სისტემის შექმნაში მო­ნაწილეობა;

ლ) პროფესიული განათლების სფეროში მომუშავე საერთაშორისო და არასამთავრობო ორგანიზაციებთან თანამშრომლობის კოორდინაცია;

მ) დეპარტამენტის კომპეტენციაში შემავალ საკითხებზე სხვა­და­სხვა სახელმწიფო და არასახელმწიფო დაწესებულების, აგრეთვე მოქა­ლა­ქე­თა განცხადებებისა და წერილების დადგენილი წესით განხილვა და მათ­ზე რეაგირება.

9. უმაღლესი განათლებისა და მეცნიერების განვითარების დეპარ­ტა­მენტის ძირითადი ამოცანებია:

ა) სტუდენტთა და მეცნიერთა სოციალური ხელშეწყობის პრო­გრა­მე­ბის დაგეგმვა და განხორციელება;

ბ) უცხო ქვეყნების მოქალაქეებისა და სოციალური პროგრამის ფარ­გლებში სტუდენტებისათვის სახელმწიფო სასწავლო გრანტების გა­ცე­მის პროცესის ორგანიზება;

გ) სისტემის სრულყოფის მიზნით უმაღლესი განათლებისა და მე­ც­ნიერების დაფინანსების შესახებ წინადადებათა მომზადება;

დ) უმაღლესი განათლების ხელმისაწვდომობის მობილურობისა და სხვა ორგანიზაციულ საკითხთა უზრუნველყოფა;

ე) მეცნიერების განვითარების ინსტიტუციური რეგულირება;

ვ) მეცნიერების დაფინანსების შესახებ წინადადებების მომზადება;

ზ) ახალგაზრდობის მეცნიერების სფეროში ჩაბმის მიზნით უმ­აღ­ლ­ე­სი განათლების სისტემის ორგანიზებისა და განვითარების შესახებ წი­ნა­დადებების მომზადება;

თ) საჯარო სამართლის იურიდიულ პირებში – სამეცნიერო-კვლე­ვ­ით დაწესებულებებსა და საქართველოს უმაღლეს საგანმანათლებლო და­წე­სებულებებში სამეცნიერო-კვლევითი საქმიანობის კოორდინაცია და მო­ნიტორინგი;

ი) სამეცნიერო-კვლევითი დაწესებულებების ინფრასტრუქტურის ოპ­ტიმიზაციისა და მდგრადი განვითარების გეგმების შემუშავება;

კ) საქართველოს სახელმწიფო ენის განვითარებისა და პოპულა­რი­ზა­ციის ხელშეწყობის პროგრამების შემუშავება, მათი განხორციელება და შე­ს­რულების კონტროლი;

ლ) დეპარტამენტის კომპეტენციაში შემავალი საკითხების შესახებ სხვა­და­სხვა სახელმწიფო და არასახელმწიფო დაწესებულების, აგრეთვე მო­ქალა­ქე­თა განცხადებებისა და წერილების დადგენილი წესით განხი­ლ­ვა და მათ­ზე რეაგირება.

10. საერთაშორისო ურთიერთობებისა და პროგრამების დეპარ­ტა­მ­ენ­ტის ფუნქციებია:

 ა) სამინისტროს კომპეტენციის ფარგლებში საქართველოს საერთა­შ­ო­რისო ორმხრივი ხელშეკრულებების, შეთანხმებებისა და მემორანდ­უ­მ­ე­ბის შემუშავების პროცესში მონაწილეობა; მათი შესრულების კოორდი­ნა­ცია; ხელშეკრულებების პროექტებზე მუშაობა, წინადადების წარდგენა და შეჯერება, ამ მიზნით საქართველოს საგარეო საქმეთა სამინისტროსა და სხვა კომპეტენტურ უწყებებთან თანამშრომლობა და სამინისტროს პო­ზიციების წარმოდგენა;

ბ) სამინისტროს კომპეტენციის ფარგლებში საქართველოს ჩრდი­ლო­ატლანტიკურ და ევროპულ სტრუქტურებში ინტეგრაციის პროცესის ხელ­შეწყობა და წახალისება; ევროპის სამეზობლო პოლიტიკის ფარ­გლე­ბ­ში საქართველოს განათლებისა და მეცნიერების სფეროში არსებული პრი­­ორიტეტების წარმოჩენა და მათი შესრულების მონიტორინგი;

გ) საქართველოში აკრედიტებულ დიპლომატიურ წარმომად­გენ­ლ­ო­ბებთან, მოქმედ საერთაშორისო ორგანიზაციებსა და უცხო ქვეყნებთან თა­ნამშრომლობის პოლიტიკის შემუშავებისა და წარმართვის ხელ­შეწ­ყ­ო­ბა;

დ) სამინისტროს პრიორიტეტული პროექტებისა და ინიციატი­ვ­ე­ბ­ის განხორციელების მიზნით საქართველოში აკრედიტებულ დიპლომ­ა­ტ­ი­ურ წარმომადგენლობებსა და მოქმედ საერთაშორისო ორგანიზ­აცი­ებ­თ­ან ურთიერთობების დამყარება და წარმართვა, მათი მუშაობის კოორდ­ი­ნ­ა­ცია;

ე) საზღვარგარეთის განათლების სამინისტროებსა და შესაბამის სა­ხ­ელმწიფო უწყებებთან კავშირების დამყარებისა და თანამშრომლობის გა­ღრმავების ხელშეწყობა;

ვ) თავისი კომპეტენციის ფარგლებში საერთაშორისო ორგანიზაცი­ე­ბ­ის წინაშე საქართველოს მიერ ნაკისრი ვალდებულებების შესრულების თა­ო­ბაზე ანგარიშების მომზადება; ამ მიზნით სამინისტროს დაქვემ­დე­ბა­რ­ე­ბული უწყებებიდან ინფორმაციის გამოთხოვა, შესწავლა და ანალიზი;

ზ) საერთაშორისო ორგანიზაციების წინაშე ნაკისრ ვალდებულე­ბა­თა შესრულების მიზნით წინადადებების შემუშავება და მინისტრი­სა­თ­ვ­ის წარდგენა;

თ) სამინისტროს უწყებაში შემავალი სტრუქტურული ერთეულ­ებ­ი­სა და მის დაქვემდებარებაში არსებული საჯარო სამართლის იურიდ­იუ­ლი პირების საერთაშორისო ორგანიზაციებთან თანამშრომლობის კოორ­დ­ი­ნაცია;

ი) სამინისტროს სისტემაში უცხოური ორგანიზაციების მიერ და­ფი­ნანსებული მიმდინარე პროექტების კოორდინაცია, განხორციელებ­უ­ლი პროექტების შესწავლა და ანალიზი, არსებულ საჭიროებათა შესწავლა და ანალიზი, პრიორიტეტული პროექტებისათვის დონორებისა და ფი­ნან­სური სახსრების მოძიება;

კ) საქართველოს უმაღლესი განათლების სისტემისა და მასში შე­მა­ვა­ლი ინსტიტუტების ევროპისა და საერთაშორისო საგანმანათლებლო სი­ვრცეში ინტეგრაციისათვის ხელშეწყობა, მათ შორის, „ბოლონიის პრო­ც­ე­სის“ ფარგლებში საბიუჯეტო და არასაბიუჯეტო პროექტებ­ის/ინიც­იატ­ი­ვების დაგეგმვა, შესრულება და კოორდინაცია, აღებული ვალდებ­ულ­ებ­ე­ბ­ის განხორციელების ხელშეწყობა, კოორდინაცია და წლიური ანგარი­შ­ე­ბის მომზადება; „ბოლონიის პროცესის“ ფარგლებში საერთაშორისო კო­ნ­ფერენციებსა და სემინარებში მონაწილეობა და ორგანიზება;

ლ) საქართველოს უმაღლესი განათლების სისტემაში არსებული მდგო­მარეობის კვლევა და ანალიზი ევროპულ და საერთაშორისო სა­გან­მა­ნათლებლო სივრცესთან თავსებადობისა და შესაბამისობის დადგენის მიზ­ნით;

მ) საზღვარგარეთ მინისტრისა და მინისტრის მოადგილეების ოფ­ი­ც­ი­ალური ვიზიტების უზრუნველყოფა;

ნ) დეპარტამენტის ამოცანათა ფარგლებში მიმდინარე საჯარო მო­ხე­ლეთა გადამზადებისა და უცხო ქვეყნის უმაღლესი საგანმანათლებლო და­წესებულებების სამაგისტრო პროგრამებზე სწავლის დაფინანსების პრო­გრამების განხორციელების, მათი ორგანიზაციული და ტექნიკური უზ­რუნველყოფის კოორდინაცია. ამ პროგრამების ფარგლებში დაფი­ნან­ს­ე­ბ­ულ სტიპენდიატებთან მუდმივი კავშირი და მათი სასწავლო პროცესის მო­ნიტორინგი. დაფინანსებული სტუდენტების შესახებ ინფორმაციის მო­­მ­ზადება. ასევე საქართველოს უმაღლესი საგანმანათლებლო დაწ­ე­ს­ებუ­ლებების აკრედიტებულ უმაღლეს საგანმანათლებლო პროგრამებზე მო­ქმედი კანონმდებლობის შესაბამისად ჩარიცხული უცხო ქვეყნის მოქა­ლ­ა­ქეების სრული ან ნაწილობრივი დაფინანსება;

ო) სამინისტროსა და სტუდენტ(ებ)ს შორის გაფორმებული ხელ­შე­კ­რულებით გათვალისწინებული თანხების გადარიცხვების კოორდინა­ცია და კონტროლი;

პ) შესაბამისი პროგრამების ფარგლებში მოქმედი კომისიის მუ­შა­ო­ბ­ის დღის წესრიგის პროექტის მომზადება და კომისიის მიერ მიღებული გა­დაწყვეტილებების შესახებ ინფორმაციის გაცნობა განმცხა­დებ­ლ(ებ)ი­სა­თვის;

ჟ) მინისტრის დავალებით/ნორმატიული აქტებით განსაზღვრული სხვა უფლებამოსილებების განხორციელება;

რ) საზღვარგარეთ სწავლის გაგრძელების მსურველთა მიერ შე­ტა­ნ­ილ განცხადებათა საკონკურსო პირობებთან შესაბამისობის დადგენა და სა­კონკურსო პირობებთან შესაბამისობაში მყოფი განცხადებების საკონ­კ­უ­რ­სო კომისიაზე განსახილველად წარდგენა.“.