„საქართველოს სახელმწიფო ბიუჯეტიდან საქართველოს სახელმწიფო ჯილდოებისათვის დაწესებული ერთდროული ფულადი პრემიების გაცემის წესის შესახებ“ საქართველოს მთავრობის 2009 წლის 11 მარტის №45 დადგენილებაში ცვლილების შეტანის თაობაზე

1.  პირველი მუხლის:

ა) პირველი პუნქტი ჩამოყალიბდეს შემდეგი რედაქციით:

 „1. საქართველოს სახელმწიფო ბიუჯეტიდან „საქარ­თვე­ლოს სახელმწიფო ჯილდოების დაწესების შესახებ“ სა­ქარ­თველოს კანონის მე-3 პუნქტის შესაბამისად საქარ­თვე­ლოს სა­ხელმწიფო ჯილდოებისათვის დაწესებული ერთ­დრო­ული ფულადი პრემიის გაცემის მიზნით საქართველოს ფი­ნანსთა სამინისტროს წარედგინება საქართველოს სახელმწიფო ჯილდოზე წარმდგენი ორგანოს მიმართვა ან/და უფლებამოსილი პირის წერი­ლობითი განცხადება, რომელსაც უნდა დაერთოს შემ­დეგი დოკუმენტები:

ა) პირადობის დამადასტურებელი მოწმობის ასლი;

ბ) პირის მომსახურე ბანკის (ფილიალის) მიერ დადას­ტუ­რებული ცნობა ბანკის (ფილიალის) რეკვიზიტებისა და პი­რის ანგარიშის ნომრის მითითებით,  სადაც უნდა ჩაირიცხოს მისი კუთვნილი თანხა.“;

ბ) პირველი პუნქტის შემდეგ დაემატოს შემდეგი შინაარსის 1¹ პუნქტი:

„1¹. საქართველოს პრეზიდენტის ადმინისტრაციის შესაბამისი სამსახური საქართველოს ფინანსთა სამინისტროს უგზავნის დაჯილდოების შესახებ სამართლებრივი აქტის ასლს.“.

  2. მე-6 მუხლში სიტყვები: „საქართველოს პრეზიდენტის ადმინისტრაციის“ შეიცვალოს სიტყვებით: „საქართველოს სახელმწიფო ჯილდოზე წარმდგენი ორგანოს“.