„საქართველოს სახელმწიფო ჯილდოებით დაჯილდოების შესახებ“ საქართველოს პრეზიდენტის 2005 წლის 7 მაისის №321 ბრძანებულებაში ცვლილების შეტანის თაობაზე

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„საქართველოს სახელმწიფო ჯილდოებით დაჯილდოების შესახებ“ საქართველოს პრეზიდენტის 2005 წლის 7 მაისის №321 ბრძანებულებაში ცვლილების შეტანის თაობაზე
დოკუმენტის ნომერი	958
დოკუმენტის მიმღები	საქართველოს პრეზიდენტი
მიღების თარიღი	17/10/2012
დოკუმენტის ტიპი	საქართველოს პრეზიდენტის ბრძანებულება
გამოქვეყნების წყარო, თარიღი	ვებგვერდი, 17/10/2012
ძალაში შესვლის თარიღი	18/10/2012
ძალის დაკარგვის თარიღი	26/03/2018
სარეგისტრაციო კოდი	010340000.08.002.016669

PDF გადმოწერა

„საქართველოს სახელმწიფო ჯილდოებით დაჯილდოების შესახებ“ საქართველოს პრეზიდენტის 2005 წლის 7 მაისის №321 ბრძანებულებაში ცვლილების შეტანის თაობაზე

1. „ნორმატიული აქტების შესახებ“ საქართველოს კანონის მე-20 მუხლის შესაბამისად, „საქართველოს სახელმწიფო ჯილდოებით დაჯილდოების შესახებ“ საქართველოს პრეზიდენტის 2005 წლის 7 მაისის №321 ბრძანებულებაში (სსმ III, 2005 წ., №56, მუხ. 610) შეტანილ იქნეს ცვლილებები და ბრძანებულების პირველი პუნქტით დამტკიცებული საქართველოს სახელმწიფო ჯილდოებით დაჯილდოების წესის:

ა) მე-6 მუხლის 2¹ პუნქტი ამოღებულ იქნეს;

ბ) 8¹ მუხლი ჩამოყალიბდეს შემდეგი რედაქციით:

„მუხლი 8¹.

1. საქართველოს სახელმწიფო ჯილდოზე წარმდგენი ორგანო დაჯილდოებულ პირზე ერთდროული ფულადი პრემიის გაცემის მიზნით (ასეთის არსებობის შემთხვევაში) საქართველოს ფინანსთა სამინისტროს უგზავნის შემდეგ დოკუმენტაციას:

ა) დაჯილდოებული პირის პირადობის დამადასტურებელი მოწმობის ასლს;

ბ) დაჯილდოებული პირის მომსახურე ბანკის (ფილიალის) ან საქართველოს სახელმწიფო ჯილდოზე წარმდგენი ორგანოს მიერ დადასტურებულ ცნობას ბანკის (ფილიალის) რეკვიზიტებისა და პირის ანგარიშის ნომრის მითითებით;

გ) დაჯილდოების შესახებ სამართლებრივი აქტის ასლს;

დ) სამკვიდრო მოწმობის კანონმდებლობით დადგენილი წესით დამოწმებულ ასლს (სიკვდილის შემდეგ დაჯილდოების შემთხვევაში).

2. საქართველოს პრეზიდენტის ადმინისტრაციის შესაბამისი სამსახური საქართველოს ფინანსთა სამინისტროს უგზავნის დაჯილდოების შესახებ სამართლებრივი აქტის ასლს.“.

2. საქართველოს პრეზიდენტის ადმინისტრაციაში ამ ბრძანებულების ამოქმედებამდე წარდგენილი დოკუმენტაციის საქართველოს ფინანსთა სამინისტროსათვის გადაგზავნა განხორციელდეს ამ ბრძანებულების ამოქმედებამდე არსებული წესის შესაბამისად.

3. ეს ბრძანებულება ამოქმედდეს 2012 წლის 18 ოქტომბრიდან.

საქართველოს პრეზიდენტი მიხეილ სააკაშვილი