„საჯარო სამართლის იურიდიული პირის – საზღვაო ტრანსპორტის სააგენტოს დებულების დამტკიცების შესახებ“ საქართველოს ეკონომიკისა და მდგრადი განვითარების მინისტრის 2011 წლის 14 აპრილის №1-1/585 ბრძანებაში ცვლილების შეტანის თაობაზე"

„დ) გემის რეგისტრაციის მოწმობის, ეკიპაჟის უსაფრთხო დაკომპლექტების და რადიოსადგურის მოწმობების გაცემა;“

„მ) საზღვაო ნავსადგურის აკვატორიაში ნაოსნობის უსაფრთხოებაზე სახელმწიფო ზედამხედველობა ნავსადგურის სახელმწიფო ზედამხედველობისა და კონტროლის სამსახურის მეშვეობით“. 

ჟ) საზღვაო-სასწავლო და საზღვაო-საწვრთნელი დაწესებულებების აღიარება და მათ საქმიანობაზე ზედამხედველობა“.

„ბ) შეიმუშავებს საზღვაო-სასწავლო და საზღვაო-საწვრთნელი დაწესებულებების შემოწმების გეგმას და წარუდგენს დასამტკიცებლად სააგენტოს დირექტორს კანონმდებლობით დადგენილი წესითა და ვადებში;

გ) შეიმუშავებს რეკომენდაციებს საზღვაო-სასწავლო და საზღვაო-საწვრთნელ დაწესებულებებში გამოცდებზე დასწრებისა და მონიტორინგის თაობაზე“.

„ე) ახორციელებს საზღვაო-საწვრთნელი დაწესებულებების აღიარებას, საზღვაო-სასწავლო დაწესებულებებისა და საზღვაო-საწვრთნელი დაწესებულებების პერიოდულ მონიტორინგს და მათ  საქმიანობაზე ზედამხედველობას“.

„მუხლი 8. ხარისხის უზრუნველყოფის დეპარტამენტი

ხარისხის უზრუნველყოფის დეპარტამენტი:

ა) განსაზღვრავს ხარისხის მართვის სისტემისათვის საჭირო პროცესებსა და მათ გამოყენებას სააგენტოში;

ბ) ადგენს ამ პროცესების თანამიმდევრობასა და ურთიერთქმედებას;

გ) ადგენს კრიტერიუმებსა და მეთოდებს, რომლებიც აუცილებელია ამ პროცესების როგორც ფუნქციონირების, ასევე მათი მართვის შედეგიანობის უზრუნველსაყოფად;

დ) შეიმუშავებს რეკომენდაციებს რესურსებისა და ინფორმაციის თაობაზე, რომლებიც აუცილებელია ამ პროცესების ფუნქციონირებისა და მონიტორინგის შენარჩუნებისათვის;

ე) განახორციელებს ხარისხის მართვის სისტემის შესრულებაზე მონიტორინგს და სააგენტოს დირექტორს წარუდგენს ანგარიშს განხორციელებული მონიტორინგის თაობაზე არანაკლებ 2-ჯერ წლის განმავლობაში;

ვ) ადგენს მუდმივი გაუმჯობესების გეგმას;

ზ) ატარებს საზღვაო-საწვრთნელ და საზღვაო-სასწავლო დაწესებულებებში მეორე მხარის აუდიტს;

თ) აწარმოებს საზღვაო-საწვრთნელი და საზღვაო-სასწავლო დაწესებულებების ხარისხის სისტემის რევერიფიკაციას“;

ი) ახორციელებს ამ დებულებით და საქართველოს კანონმდებლობით განსაზღვრულ სხვა უფლება-მოვალეობებს.

„1. საზღვაო უსაფრთხოების დეპარტამენტში შედის  ნავსადგურის  სახელმწიფო ზედამხედველობისა და კონტროლის სამსახურები და უსაფრთხოებისა და უშიშროების სამმართველო“. 

„3. ნავსადგურის სახელმწიფო ზედამხედველობისა და კონტროლის სამსახურები იქმნება ბათუმის, ფოთის და ყულევის ნავსადგურებში. ფოთის ნავსადგურის სახელმწიფო ზედამხედველობისა და კონტროლის სამსახური ასევე ფარავს სუფსის ტერმინალს. ამ სამსახურების უფლებამოსილებაა:

ა) შესაბამის ნავსადგურში ნაოსნობის უსაფრთხოების სახელმწიფო ზედამხედველობა და კონტროლი;

ბ) ნავსადგურში გემის (მათ შორის, თევზსაჭერი გემის) შესვლის/გასვლის გაფორმება (განურჩევლად დროშის სახელმწიფოსი და კუთვნილების ფორმისა) ნავსადგურის წესების შესაბამისად;

გ) საქართველოს შიდა წყლებში შემოსული გემების მიერ (განურჩევლად დროშის სახელმწიფოსი და კუთვნილების ფორმისა) საქართველოს საერთაშორისო ხელშეკრულებებითა და საქართველოს კანონმდებლობით დადგენილი მოთხოვნების შესრულება;

დ) საფრთხეში მყოფი ადამიანისა და გემის გადასარჩენად სამაშველო ოპერაციების, აგრეთვე ნავთობისა და მავნე ნივთიერებების ავარიული დაღვრის სალიკვიდაციო სამუშაოების ხელმძღვანელობა და ნავსადგურში არსებული ყველა რესურსის გამოყენების კოორდინაცია საზღვაო სამაშველო-საკოორდინაციო ცენტრთან შეთანხმებით;

ე) გემის გასვლის შეზღუდვა ცუდ ამინდში (ცუდი ხედვისას, შტორმის, მიწისძვრისა და სხვა შემთხვევაში), აგრეთვე უსაფრთხო ნაოსნობისათვის არახელსაყრელი სხვა განსაკუთრებული პირობების დროს;

ვ) სააგენტოს დირექტორთან შეთანხმებით თანხმობის მიცემა ზღვაში ჩაძირული ქონების ამოღების სამუშაოთა წარმოებაზე;

ზ) საქართველოს საზღვაო ნავსადგურებში ნაოსნობის უსაფრთხოების სფეროში შესაბამისი ტექნიკური რეგლამენტების შესრულებაზე კონტროლი;

თ) სააგენტოს დირექტორის ან კურატორი დირექტორის მოადგილის მიერ დელეგირებული სხვა უფლება-მოვალეობების შესრულება ამ  დებულებისა და საქართველოს კანონმდებლობის შესაბამისად“. 

„ბ) აწარმოებს საქართველოს გემების სახელმწიფო რეესტრს;“.

„თ) ამტკიცებს გემთფლობელის მიერ შემუშავებული გემის უშიშროების დაცვის გეგმას საქართველოს კანონმდებლობის შესაბამისად, თუ კანონმდებლობით სხვა რამ არ არის გათვალისწინებული“.

„ლ) გასცემს გემის რეგისტრაციის მოწმობას, ეკიპაჟის უსაფრთხო დაკომპლექტების და   რადიოსადგურის მოწმობებს;“