„ეროვნული საკვალიფიკაციო ჩარჩოს დამტკიცების შესახებ” საქართველოს განათლებისა და მეცნიერების მინისტრის 2010 წლის 10 დეკემბრის №120/ნ ბრძანებაში ცვლილების შეტანის თაობაზე

,,ეროვნული საკვალიფიკაციო ჩარჩოს დამტკიცების შესახებ” საქართველოს განათლებისა და მეცნიერების მინისტრის 2010 წლის 10 დეკემბრის №120/ნ ბრძანების (სსმ 163, 14/12/2010, 430010000.22.022.016036) მე-3 პუნქტით დამტკიცებული უმაღლესი განათლების კვალიფიკაციათა ჩარჩოს

ა) მე-4 მუხლის მე-2 პუნქტი ჩამოყალიბდეს შემდეგი რედაქციით:

,,2. პირველი საფეხურის საგანმანათლებლო პროგრამის კვალიფიკაციის სახელწოდება მოიცავს ტერმინს – „ბაკალავრი“, შესაბამისი მიმართულების ან/და დარგის/სპეციალობის მითითებით. საგანმანათლებლო პროგრამაში სტუდენტს შეუძლია ძირითადი სპეციალობისა (არანაკლებ 120 კრედიტი) და დამატებითი სპეციალობის (არანაკლებ 30 კრედიტის) კომბინირება შემდეგი სახით:

ა) ძირითადი სპეციალობა და თავისუფალი კომპონენტები;

ბ) ძირითადი სპეციალობა, დამატებითი სპეციალობა და თავისუფალი კომპონენტები;

გ) ძირითადი და ორი დამატებითი სპეციალობა;

დ) ორი ძირითადი სპეციალობა.”;

ბ) მე-4 მუხლის მე-5 პუნქტი ჩამოყალიბდეს შემდეგი რედაქციით:

,,5. რეგულირებადი საგანმანათლებლო პროგრამა ორიენტირებულია სტუდენტის მომზადებაზე შესაბამისი რეგულირებადი პროფესიისათვის. რეგულირებადი საგანმანათლებლო პროგრამის ხარისხის მისაღებად კანონით დადგენილი სავალდებულო კრედიტების  არანაკლებ 75% უნდა დაეთმოს რეგულირებადი პროფესიისათვის აუცილებელი კომპეტენციების გამომუშავებას.”;

ა) 020306 ქვედარგი/სპეციალიზაცია ჩამოყალიბდეს შემდეგი რედაქციით:

,,020306 განათლების მენეჯმენტი“;

ბ) 030107 ქვედარგი/სპეციალიზაციის შემდეგ  დაემატოს შემდეგი  შინაარსის ქვედარგი/სპეციალიზაცია:

,,030108 განათლების ადმინისტრირება“.

,,2. ამ ბრძანების დანართი №4 გაუთვალისწინებელი მიმართულების, დარგის/სპეციალობის, ქვედარგის/სპეციალიზაციის ან პროფესიული სპეციალიზაციის შესაბამისი საგანმანათლებლო პროგრამის განხორციელება დასაშვებია, თუ დაწესებულებას

ა) სააკრედიტაციო განაცხადში მითითებული აქვს მის შესახებ;

ბ) თვითშეფასების ანგარიშში მითითებული აქვს მის შესახებ;

გ) ავტორიზაციის შესახებ განაცხადში მითითებული აქვს მის შესახებ.”.