„კარიერების უსაფრთხოების წესების დამტკიცების თაობაზე“ საქართველოს მთავრობის 2006 წლის 10 მარტის №53 დადგენილებაში ცვლილების შეტანის შესახებ

საქართველოს მთავრობის

დადგენილება №405

2012 წლის 20 სექტემბერი

 ქ. თბილისი

„კარიერების უსაფრთხოების წესების დამტკიცების თაობაზე“ საქართველოს მთავრობის 2006 წლის 10 მარტის №53 დადგენილებაში ცვლილების შეტანის შესახებ

მუხლი 1. „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, „კარიერების უსაფრთხოების წესების დამტკიცების თაობაზე“ საქართველოს მთავრობის 2006 წლის 10 მარტის №53 დადგენილებაში (სსმ, 10.03.2006, მუხლი 370) შეტანილ იქნეს შემდეგი ცვლილება:

1. დადგენილების პირველი პუნქტი ჩამოყალიბდეს შემდეგი რედაქციით:

„1. პროდუქტის უსაფრთხოებისა და თავისუფალი მიმოქცევის კოდექსის 103-ე მუხლის მე-15 ნაწილისა და „ნორმატიული აქტების შესახებ“ საქართველოს კანონის მე-12 მუხლის შესაბამისად, დამტკიცდეს „კარიერების უსაფრთხოების წესები“ და №1, №2 დანართები.“.

2. დადგენილებით დამტკიცებული „კარიერების უსაფრთხოების წესების“:

ა) მე-6 მუხლის პირველი პუნქტი ამოღებულ იქნეს;

ბ) მე-17 მუხლის მე-3 პუნქტი ჩამოყალიბდეს შემდეგი რედაქციით:

„3. საწარმოს ხელმძღვანელი დათვალიერებისა და ინსტრუმენტული დაკვირვების პერიოდულობას განსაზღვრავს კანონმდებლობის შესაბამისად დამტკიცებული „კარიერებზე გვერდების, ფერდოების, საფეხურებისა და ნაყარების დეფორმაციებზე დაკვირვებებისა და მათი მდგრადობის უზრუნველყოფის ღონისძიებების დამუშავების ინსტრუქციის“ შესაბამისად.“.

მუხლი 2. დადგენილება ამოქმედდეს 2012 წლის 23 სექტემბრიდან.

პრემიერ-მინისტრი   ი . მერაბიშვილი