„საგანმანათლებლო დაწესებულებების საგანმანათლებლო პროგრამების აკრედიტაციის დებულებისა და საფასურის დამტკიცების შესახებ“ საქართველოს განათლებისა და მეცნიერების მინისტრის 2011 წლის 4 მაისის №65/ნ ბრძანებაში ცვლილებების შეტანის თაობაზე

საქართველოს განათლებისა და მეცნიერების მინისტრის

ბრძანება №194/ნ

2012 წლის 20 სექტემბერი

ქ. თბილისი

„საგანმანათლებლო დაწესებულებების საგანმანათლებლო პროგრამების აკრედიტაციის დებულებისა და საფასურის დამტკიცების შესახებ“ საქართველოს განათლებისა და მეცნიერების მინისტრის 2011 წლის 4 მაისის №65 /ნ ბრძანებაში ცვლილებებ ის შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის საფუძველზე , ვბრძანებ:

 მუხლი 1 . „საგანმანათლებლო დაწესებულებების საგანმანათლებლო პროგრამების აკრედიტაციის დებულებისა და საფასურის დამტკიცების შესახებ“ საქართველოს განათლებისა და მეცნიერების მინისტრის 2010 წლის 4 მაისის №65 /ნ ბრძანების (ვებპორტალი, 110504011, 04/05/2011; სარეგისტრაციო კოდი: 430030000.22.022.016102) პირველი პუნქტით დამტკიცებულ „საგანმანათლებლო დაწესებულებების საგანმანათლებლო პროგრამების აკრედიტაციის დებულებაში“ (დანართი №1) შეტანილ იქნეს ცვლილება და:

ა) მე-18 მუხლის მე-2 პუნქტი ჩამოყალიბდეს შემდეგი რედაქციით:

„2. დოქტორანტურის საგანმანათლებლო პროგრამა დაწესებულების არჩევანის შესაბამისად შეიძლება წარმოდგენილ იქნეს:

ა) ინდივიდუალური საგანმანა თლებლო პროგრამის სახით;

ბ) დარგის/სპეციალობის მიხედვით;

გ) მიმართულების მიხედვით;

დ) მიმართულებათაშორისი საგანმანათლებლო პროგრამის სახით;

ე) ერთობლივი სადოქტორო პროგრამის სახით;

ვ) ერთიანი სადოქტორო პროგრამის სახით (სადოქტორო სკოლა);

ზ) ამ პუნქტის „ა “ – „ვ “ ქვეპუნქტებით გათვალისწინებული საგანმანათლებლო პროგრამების კომბინაციის სახით.“;

ბ) მე-18 მუხლის მე-2 პუნქტს დაემატოს შემდეგი შინაარსის მე-3 და მ ე-4 პუნქტები:

„3. დაწესებულება ერთიანი სადოქტორო პროგრამის (სადოქტორო სკოლის) აკრედიტაციის შემდეგ უფლებამოსილია , დამოუკიდებლად განსაზღვროს სადოქტორო პროგრამის მიმართულებები;

4 . დაწესებულება ვალდებულია ყოველწლიური სავალდებულო თვითშეფსების ანგარიშთან ერთად ცენტრს მიაწოდოს ერთიანი სადოქტორო პროგრამის მიმართულებების შესახებ ინფორმაცია. “ ;

გ) დაემატოს შემდეგი შინაარსის 18¹ მუხლი:

     „მუხლი 18¹. ერთიანი სადოქტორო პროგრამის (სადოქტორო სკოლა) აკრედიტაციის თავისებურებები

ერთიანი სადოქტორო პროგრამის (სადოქტორო სკოლის) აკრედიტაციის სტანდარტები დაკმაყოფილებულია , თუ:

ა) სადოქტორო სკოლის მიზანი, მისი სამეცნიერო კვლევითი საქმიანობის კონცეფცია, შეესაბამება საგანმანათლებლო დაწესებულების მისიას. სადოქტორო სკოლაში განსახორციელებელი ინდივიდუალური სადოქტორო პროგრამა ეფუძნება შესაბამისი დარგის განვითარების მიზნებს;

ბ) აკადემიური პერსონალის შერჩევა ხდება მათი კვლევის განხორციელების შესაძლებლობებისა და სამეცნიერო აღიარების მიხედვით;

გ) დოქტორანტობის კანდიდატის შერჩევის პროცესი გამჭვირვალეა, ორიენტირებულია იმ პირთა მოზიდვაზე, რომელთაც აქვთ ახალი ცოდნის შექმნის პოტენციალი;

დ) სადოქტორო სკოლის საქმიანობაში დანერგილია ხარისხის უწყვეტი განვითარების ეფექტიანი მექანიზმები;“ .

მუხლი 2. „საგანმანათლებლო დაწესებულებების საგანმანათლებლო პროგრამების აკრედიტაციის დებულებისა და საფასურის დამტკიცების შესახებ“ საქართველოს განათლებისა და მეცნიერების მინისტრის 2010 წლის 4 მაისის №65/ნ ბრძანების (ვებპორტალი, 110504011, 04/05/2011; სარეგისტრაციო კოდი, 430030000.22.022.016102) მე-2 პუნქტით დამტკიცებულ „საგანმანათლებლო დაწესებულებების საგანმანათლებლო პროგრამების აკრედიტაციის საფასურის“ (დანართი №2) პირველი მუხლის მე-2 პუნქტი ჩამოყალიბდეს შემდეგი რედაქციით:

„2. პროგრამის აკრედიტაციის საფასურის ოდენობა შეადგენს 1000 ლარს, რეგულირებადი და დოქტურანტურის საგანმანათლებლო პროგრამისათვის – 3000 ლარს, ხოლო ერთიანი სადოქტორო პროგრამისათვის (სადოქტორო სკოლა) – 30 000 ლარს.“.

მუხლი 2 . ბრძანება ამოქმედდეს გამოქვეყნებისთანავე.

ხ . დეკანოიძე