საჯარო სამართლის იურიდიული პირის - ქალაქ ბათუმის №6 საჯარო სკოლისათვის ფიზიკა-მათემატიკის გაძლიერებული სწავლების სტატუსის მინიჭებისა და „ზოგადსაგანმანათლებლო დაწესებულებების საჯარო სამართლის იურიდიულ პირებად დაფუძნებისა და საჯარო სკოლის წესდების დამტკიცების შესახებ” საქართველოს განათლებისა და მეცნიერების მინისტრის 2005 წლის 15 სექტემბრის №448 ბრძანებაში ცვლილების შეტანის შესახებ

საქართველოს განათლებისა და მეცნიერების მინისტრის

ბრძანება №1 89/ნ

2012 წლის 19 სექტემბერი

ქ. თბილისი

საჯარო სამართლის იურიდიული პირის – ქალაქ ბათუმის №6 საჯარო სკოლისათვის ფიზიკა-მათემატიკის გაძლიერებული სწავლების სტატუსის მინიჭებისა და „ზოგადსაგანმანათლებლო დაწესებულებების საჯარო სამართლის იურიდიულ პირებად დაფუძნებისა და საჯარო სკოლის წესდების დამტკიცების შესახებ” საქართველოს განათლებისა და მეცნიერების  მინისტრის 2005 წლის 15 სექტემბრის №448 ბრძანებაში ცვლილების შეტანის შესახებ

„ნორმატიული აქტების შესახებ” საქართველოს  კანონის მე-20 მუხლის მე-4  პუნქტის საფუძველზე, ვბრძანებ:

მუხლი 1. მიენიჭოს საჯარო სამართლის იურიდიულ პირს – ქალაქ ბათუმის №6 საჯარო სკოლას ფიზიკა-მათემატიკის გაძლიერებული სწავლების სტატუსი.

მუხლი 2. „ზოგადსაგანმანათლებლო დაწესებულებების საჯარო სამართლის იურიდიულ პირებად დაფუძნებისა და საჯარო სკოლის წესდების დამტკიცების შესახებ” საქართველოს განათლებისა და მეცნიერების  მინისტრის 2005 წლის 15 სექტემბრის №448 ბრძანებას ( სარეგისტრაციო კოდი 040.030.000.22.022.007.724; სსმ III, 26.09.2005, №112, 26/09/2005) დაემატოს შემდეგი შინაარსის 2² პუნქტი:

„2². განისაზღვროს საგნის/საგნების გაძლიერებული სწავლების სტატუსის მქონე საჯარო სკოლები ამ ბრძანების მე-10 დანართის შესაბამისად“.

მუხლი 3.   ბრძანებას დაემატოს შემდეგი შინაარსის დანართი №10 .

დანართი №10

მუხლი 4.   ბრძანების №2 დანართიდან ამოღებულ იქნეს აჭარის ავტონომიური რესპუბლიკის განათლების, კულტურისა და სპორტის სამინისტროს ტერიტორიულ ორგანოს – ქალაქ ბათუმის საგანმანათლებლო რესურსცენტრს დაქვემდებარებული საჯარო სკოლების თავის მე-6 გრაფა.

მუხლი 5.   ბრძანება ამოქმედდეს გამოქვეყნებისთანავე.

ხ . დეკანოიძე