„სამოქალაქო აქტების ჩანაწერების და სამოქალაქო აქტების რეგისტრაციის მოწმობების ფორმების, რეკვიზიტებისა და ბლანკების ნიმუშების დამტკიცების შესახებ“ საქართველოს იუსტიციის მინისტრის 2012 წლის 21 მარტის №39 ბრძანებაში ცვლილების შეტანის თაობაზე

საქართველოს იუსტიციის მინისტრის

ბრძანება №165

2012 წლის 20 სექტემბერი

ქ. თბილისი

 „სამოქალაქო აქტების ჩანაწერების და სამოქალაქო აქტების რეგისტრაციის მოწმობების ფორმების, რეკვიზიტებისა და ბლანკების ნიმუშების დამტკიცების შესახებ“ საქართველოს იუსტიციის მინისტრის 2012 წლის 21 მარტის №39 ბრძანებაში ცვლილების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:

მუხლი 1. „სამოქალაქო აქტების ჩანაწერების და სამოქალაქო აქტების რეგისტრაციის მოწმობების ფორმების, რეკვიზიტებისა და ბლანკების ნიმუშების დამტკიცების შესახებ“ საქართველოს იუსტიციის მინისტრის 2012 წლის 21 მარტის №39 ბრძანებაში (სსმ, ვებგვერდი, 21.03.2012, 010240030.22.027.016255) შეტანილ იქნეს შემდეგი ცვლილება:

1. ბრძანებას დაემატოს შემდეგი შინაარსის 14² პუნქტი:

„14². ამ ბრძანების 3² პუნქტით გათვალისწინებული აღწერილობის სამოქალაქო აქტების რეგისტრაციის მოწმობების ბლანკებით მომარაგებამდე, საზღვარგარეთ საქართველოს დიპლომატიური წარმომადგენლობები და საკონსულო დაწესებულებები ელექტრონული ფორმით სპეციალური კომპიუტერული პროგრამის გამოყენებით შევსებულ სამოქალაქო აქტების რეგისტრაციის მოწმობებს გასცემენ ამ ბრძანების მე-3 პუნქტით გათვალისწინებული აღწერილობის ბლანკებზე.“.

2. ბრძანების მე-16 პუნქტი ჩამოყალიბდეს შემდეგი რედაქციით:

„16. საზღვარგარეთ საქართველოს ის დიპლომატიური წარმომადგენლობები და საკონსულო დაწესებულებები, რომლებიც არ არიან უზრუნველყოფილნი სააგენტოს ელექტრონული მართვის სისტემით, იყენებენ ამ ბრძანების ამოქმედებამდე საქართველოს იუსტიციის მინისტრის ბრძანებით დამტკიცებული ფორმის სამოქალაქო აქტების ჩანაწერების და რეგისტრაციის მოწმობების ბლანკებს, მათი მარაგების სრულ გახარჯვამდე.“.

მუხლი 2. ეს ბრძანება ამოქმედდეს 2012 წლის 20 სექტემბრიდან.

ზ. ადეიშვილი