„მესტიის მუნიციპალიტეტის ტერიტორიაზე ადგილობრივი (ქონების) გადასახადების შემოღებისა და მისი განაკვეთების განსაზღვრის შესახებ“ მესტიის მუნიციპალიტეტის საკრებულოს 2012 წლის 22 მარტის №5 დადგენილებაში ცვლილებებისა და დამატების შეტანის შესახებ

მესტიის მუნიციპალიტეტის საკრებულოს

დადგენილება №17

2012 წლის 17 სექტემბერი

დ. მესტია

,,მესტიის მუნიციპალიტეტის ტერიტორიაზე ადგილობრივი (ქონების) გადასახადების შემოღებისა და მისი განაკვეთების განსაზღვრის შესახებ’’ მესტიის მუნიციპალიტეტის საკრებულოს 2012 წლის 22 მარტის №5 დადგენილებაში ცვლილებებისა და დამატების შეტანის შესახებ.

 ,,ადგილობრივი თვითმმართველობის შესახებ’’ საქართველოს ორგანული კანონის 22-ე მუხლის პირველი პუნქტის ,,მ’’ ქვეპუნქტის, საქართველოს საგადასახადო კოდექსის’’ 206-ე მუხლის პირველი პუნქტის ,,ჰ¹’’ და ,,ჰ²’’ ქვეპუნქტებისა და ,,ნორმატიული აქტების შესახებ’’ საქართველოს კანონის მე-20 მუხლის შესაბამისად,

მესტიის მუნიციპალიტეტის საკრებულომ დაადგინა:

მუხლი 1. მესტიის მუნიციპალიტეტის ტერიტორიაზე ,,ადგილობრივი (ქონების) გადასახადების შემოღებისა და განაკვეთების განსაზღვრის შესახებ’’ მესტიის მუნიციპალიტეტის საკრებულოს 2012 წლის 22 მარტის №5 დადგენილებაში (საქართველოს საკანონმდებლო მაცნე, 29.03.2012. სარეგისტრაციო კოდი 200130000.35.103.016047) შეტანილ იქნას ცვლილება და დამატება, კერძოდ, ადგილობრივი /ქონების/ გადასახდის განაკვეთების დანართ №1-ში მე-8 მუხლი ჩამოყალიბდეს შემდეგი რედაქციით:

მუხლი 8. ,,საქართველოს საგადასახადო კოდექსის 206-ე მუხლის პირველი პუნქტის ,,ჰ¹’’ და ,,ჰ²’’ ქვეპუნქტებიდან გამომდინარე, შესაბამისი დასაბეგრი ობიექტების მიხედვით ქონების გადასახადისგან სრულად განთავისუფლდეს:

ა) საცხოვრებელ სახლზე მიმაგრებული მიწის ნაკვეთები;

ბ) ავტოფარეხზე მიმაგრებული მიწის ნაკვეთები;

გ) მრავალბინიან სახლში მცხოვრები ფიზიკური და იურიდიული პირის თანასაკუთრებაში არსებული ფართობი.

მუხლი 2. დადგენილება ამოქმედდეს გამოქვეყნებისთანავე.

მუხლი 3. დადგენილების მოქმედება გავრცელდეს 2012 წლის 1 იანვრიდან წარმოშობილ საგადასახადო ურთიერთობაზე.

მუხლი 4. დადგენილება გამოქვეყნდეს საქართველოს კანონმდებლობით დადგენილი წესით.

საკრებულოს თავმჯდომარე  გ. გვარლიანი