,,ახმეტის მუნიციპალიტეტის საპატიო მოქალაქის წოდების შემოღებისა და მინიჭების წესის დამტკიცების შესახებ” ახმეტის მუნიციპალიტეტის საკრებულოს 2011 წლის 11 ნოემბრის №43 დადგენილებაში ცვლილების შეტანის თაობაზე

ახმეტის მუნიციპალიტეტის საკრებულოს

დადგენილება №66

2012 წლის 31 აგვისტო

ქ. ახმეტა

,,ახმეტის მუნიციპალიტეტის საპატიო მოქალაქის წოდების შემოღებისა და მინიჭების წესის დამტკიცების შესახებ” ახმეტის მუნიციპალიტეტის საკრებულოს 2011 წლის                 11 ნოემბრის №43 დადგენილებაში ცვლილების შეტანის თაობაზე

,,ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ახმეტის მუნიციპალიტეტის საკრებულო ადგენს:

 მუხლი 1. ,,ახმეტის მუნიციპალიტეტის საპატიო მოქალაქის წოდების შემოღებისა და მინიჭების წესის დამტკიცების შესახებ” ახმეტის მუნიციპალიტეტის საკრებულოს 2011 წლის 11 ნოემბრის №43 დადგენილებაში (სსმ, ვებგვერდი, 111117003, 24/11/2011, 010250050.35.162.016067) შეტანილ იქნეს შემდეგი ცვლილებები:

1. დადგენილების მე-3 მუხლი ჩამოყალიბდეს შემდეგი რედაქციით:

,,მუხლი 3. ეს დადგენილება ამოქმედდეს გამოქვეყნებისთანავე.“.

2. დადგენილების მე-2 მუხლით დამტკიცებული „ახმეტის მუნიციპალიტეტის საპატიო მოქალაქის წოდების მინიჭების წესის“ (დანართი №1):

ა) მე-2 მუხლის მე-3 პუნქტი ამოღებულ იქნეს;

ბ) მე-7 მუხლი ჩამოყალიბდეს შემდეგი რედაქციით:

,,მუხლი 7.

1. პირს შეიძლება ჩამოერთვას ახმეტის მუნიციპალიტეტის საპატიო მოქალაქის წოდება იმ შემთხვევაში, თუ მან ჩაიდინა:

ა) საქართველოს სისხლის სამართლის კოდექსით გათვალისწინებული განზრახი ან მძიმე კატეგორიის გაუფრთხილებლობითი დანაშაული;

ბ) საქართველოს სახელმწიფო ინტერესების წინააღმდეგ მიმართული ქმედება;

გ) ქმედება, რომელიც უხეშად არღვევს საყოველთაოდ აღიარებულ ჰუმანურ ან/და ზნეობრივ-ეთიკურ ნორმებს.

2. ახმეტის მუნიციპალიტეტის საპატიო მოქალაქის წოდების ჩამორთმევის უფლება აქვს ახმეტის მუნიციპალიტეტის საკრებულოს საკუთარი ინიციატივით ან საპატიო მოქალაქეობის მინიჭების თაობაზე შუამდგომლობის აღძვრის უფლების მქონე სუბიექტების წარდგინების (შუამდგომლობის) საფუძველზე.“.

მუხლი 2. ეს დადგენილება ამოქმედდეს გამოქვეყნებისთანავე.

საკრებულოს თავმჯდომარე                 ა. მაილაშვილი