„სენაკის მუნიციპალიტეტის გამგეობის სახანძრო დაცვისა და სამაშველო სამსახურის დებულების დამტკიცების შესახებ“ სენაკის მუნიციპალიტეტის საკრებულოს 2011 წლის 21 იანვრის №7 დადგენილებაში ცვლილების შეტანის თაობაზე

სენაკის მუნიციპალიტეტის საკრებულოს

დადგენილება №27

2012 წლის 9 აგვისტო

ქ. სენაკი

„სენაკის მუნიციპალიტეტის გამგეობის სახანძრო დაცვისა და სამაშველო სამსახურის დებულების დამტკიცების შესახებ“ სენაკის მუნიციპალიტეტის საკრებულოს 2011 წლის 21 იანვრის №7 დადგენილებაში ცვლილების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის შესაბამისად ,

სენაკის მუნიციპალიტეტის საკრებულო ადგენს:

1. სენაკის მუნიციპალიტეტის გამგეობის სახანძრო დაცვისა და სამაშველო სამსახურის დებულების დამტკიცების შესახებ“ სენაკის მუნიციპალიტეტიოს საკრებულოს 2011 წლის 21 იანვრის №7 დადგენილებაში ( www.matsne.gov.ge, 01.02.2011წელი, სარეგისტრაციო კოდი: 140060000.35.108.016027) შეტანილ იქნეს შემდეგი ცვლილება:

ა) დადგენილების მე-2 მუხლის მე-2 პუნქტი ჩამოყალიბდეს შემდეგი რედაქციით:

„სამსახურის სტრუქტურული ქვედანაყოფია:

ა) სახანძრო დაცვის განყოფილება;

ბ) სამაშველო განყოფილება.“;

ბ) დადგენილების მე-4 მუხლი ჩამოყალიბდეს შემდეგი რედაქციით:

„მუხლი 4. სამსახურის სახანძრო დაცვის განყოფილების ფუნქციები

სამსახურის სახანძრო დაცვის განყოფილება დადგენილი წესით უზრუნველყოფს:

ა) სახელმწიფო ხანძარსაწინააღმდეგო ზედამხედველობის განხორციელებას მუნიციპალიტეტის ტერიტორიაზე ფუნქციონირებულ იმ ობიექტებზე, რომელიც ნებადართულია საქართველოში მოქმედი კანონმდებლობით;

ბ) სახანძრო ტექნიკის, მისი ტექნიკური შეიარაღების მუდმივად საბრძოლო მდგომარეობაში ყოფნას;

გ) სახანძრო დაცვის მორიგე ცვლების მიერ სამსახურის ტარების მდგომარეობაზე და პროფესიული მომზადების მეცადინეობებზე კონტროლს;

დ) მოქმედი კანონმდებლობით, გამგეობის დებულებით და მუნიციპალიტეტის სხვა სამართლებრივი აქტებით განსაზღვრული ფუნქციების განხორციელებას.“;

გ) დადგენილებას დაემატოს მე-5 მუხლი შემდეგი რედაქციით:

„მუხლი 5. სამსახურის სამაშველო განყოფილების ფუნქციები

სამსახურის სამაშველო განყოფილება დადგენილი წესით უზრუნველყოფს:

ა) სამაშველო (ტექნიკური) სამუშაოების აღრიცხვას;

ბ) მიწისძვრის, წყალდიდობის და სხვა ფორს-მაჟორულ სიტუაციაში სამაშველო ოპერაციების განხორციელებას;

გ) საჭიროების შემთხვევაში მონაწილეობის მიღებას სამაშველო ოპერაციებში საქართველოს მთელ ტერიტორიაზე და მის ფარგლებს გარეთ;

დ) ოპერატიულ რეაგირებას სამაშველო საჭიროებასთან დაკავშირებით შემოსულ ყველა შეტყობინებაზე;

ე) დაზარალებულთა მოძიებას, მათ გადასარჩენად ზომების მიღებას, პირველადი და სხვა სახის დახმარების აღმოჩენას;

ვ) მონაწილეობის მიღებას ხანძარსაწინააღმდეგო სამუშაოებში;

ზ) სამუშაოების შესრულებისას უსაფრთხოების წესების დაცვას;

თ) პირადი შემადგენლობის მომზადებას სამაშველო ღონისძიებების ჩასატარებლად;

ი) მოქმედი კანონმდებლობით, გამგეობის დებულებით და მუნიციპალიტეტის სხვა სამართლებრივი აქტებით განსაზღვრული ფუნქციების განხორციელებას.“.

2. დადგენილება ამოქმედდეს გამოქვეყნებისთანავე.

3. დადგენილება გამოქვეყნდეს კანონმდებლობით დადგენილი წესის შესაბამისად.

საკრებულოს თავმჯდომარე ბ. ნარმანია