„საქართველოს შინაგან საქმეთა სამინისტროს სისტემაში ფულადი სარგოს (თანამდებობრივი და წოდებრივი სარგოების) და დანამატის განსაზღვრის შესახებ“ საქართველოს შინაგან საქმეთა მინისტრის 2007 წლის 28 დეკემბრის №1634 ბრძანებაში ცვლილების შეტანის თაობაზე

საქართველოს შინაგან საქმეთა მინისტრის

ბრძანება №627

2012 წლის 10 აგვისტო

ქ. თბილისი

„საქართველოს შინაგან საქმეთა სამინისტროს სისტემაში ფულადი სარგოს (თანამდებობრივი და წოდებრივი სარგოების) და დანამატის განსაზღვრის შესახებ“ საქართველოს შინაგან საქმეთა მინისტრის 2007 წლის 28 დეკემბრის №1634 ბრძანებაში ცვლილების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის, 24 -ე მუხლისა და „საქართველოს შინაგან საქმეთა სამინისტროს დებულების დამტკიცების შესახებ” საქართველოს პრეზიდენტის 2004 წლის 27 დეკემბრის №614 ბრძანებულებით დამტკიცებული დებულების მე-11 პუნქტის „ა” და „ნ” ქვეპუნქტების საფუძველზე, ვბრძანებ:

მუხლი 1. „საქართველოს შინაგან საქმეთა სამინისტროს სისტემაში ფულადი სარგოს (თანამდებობრივი და წოდებრივი სარგოების) და დანამატის განსაზღვრის შესახებ“ საქართველოს შინაგან საქმეთა მინისტრის 2007 წლის 28 დეკემბრის №1634 ბრძანებაში (სსმ III, 28.12.2007, №186, მუხ. 2092) შეტანილ იქნეს ცვლილება და ბრძანების მე -7 მუხლს დაემატოს შემდეგი შინაარსის მე -3 პუნქტი:

„3. მინისტრის მიერ განსაზღვრულ სამინისტროს სახელმწიფო სპეციალური ან/ და სამხედრო წოდების არმქონე მოსამსახურეებს შრომითი საქმიანობისათვის შეიძლება მიეცეთ თანამდებობრივი სარგოს ყოველთვიური პროცენტული დანამატი შრომითი სტაჟის საერთო ოდენობაზე კალენდარული წლების მიხედვით, შემდეგი ოდენობით:

ა) 1 -დან 2 წლამდე – 5%;

ბ) 2 -დან 5 წლამდე – 10%;

გ) 5 -დან 10 წლამდე – 15%;

დ) 10 წელი და მეტი – 20%.“ .

მუხლი 2 . ბრძანება ამოქმედდეს გამოქვეყნებისთანავე და გავრცელდეს 2012 წლის 1 აგვისტოდან წარმოშობილ სამართლებრივ ურთიერთობებზე.

ბ. ახალაია