,,საქართველოს შინაგან საქმეთა სამინისტროს სამხედრო ან სპეციალური წოდების მქონე პირთა და სხვა საჯარო მოხელეთა სოციალური დაცვისა და მატერიალური უზრუნველყოფის შესახებ” საქართველოს პრეზიდენტის 2005 წლის 23 დეკემბრის №1082 ბრძანებულებაში ცვლილების შეტანის თაობაზე

საქართველოს პრეზიდენტის

ბრძანებულება №692

2012 წლის 9 აგვისტო

ქ. თბილისი

,,საქართველოს შინაგან საქმეთა სამინისტროს სამხედრო ან სპეციალური წოდების მქონე პირთა და სხვა საჯარო მოხელეთა სოციალური დაცვისა და მატერიალური უზრუნველყოფის შესახებ” საქართველოს პრეზიდენტის 2005 წლის 23 დეკემბრის №1082 ბრძანებულებაში ცვლილების შეტანის თაობაზე

1. „ნორმატიული აქტების შესახებ” საქართველოს კანონის მე-20 მუხლის შესაბამისად, „საქართველოს შინაგან საქმეთა სამინისტროს სამხედრო ან სპეციალური წოდების მქონე პირთა და სხვა საჯარო მოხელეთა სოციალური დაცვისა და მატერიალური უზრუნველყოფის შესახებ” საქართველოს პრეზიდენტის 2005 წლის 23 დეკემბრის №1082  ბრძანებულებაში (სსმ III, 2005 წ., №151, მუხ. 1671) შეტანილ იქნეს ცვლილება და ბრძანებულების 3¹ პუნქტი ჩამოყალიბდეს შემდეგი რედაქციით:

„3¹ . სამინისტროს  საჯარო მოხელეს ეძლევა ყოველთვიური ფულადი სარგო – ხელფასი (თანამდებობრივი სარგო),  საჭიროების შემთხვევაში,  დადგენილი ნორმით სასურსათო ულუფა, ფორმის ტანსაცმელი და კანონმდებლობით დადგენილი დანამატები. მინისტრის მიერ განსაზღვრულ სამინისტროს საჯარო მოხელეებს შეიძლება მიეცეთ ხელფასზე ( თანამდებობრივი სარგო) ყოველთვიური პროცენტული დანამატი შრომის საერთო სტაჟის გათვალისწინებით, კალენდარული  წლების მ იხედვით.“.

2. ეს ბრძანებულება ამოქმედდეს გამოქვეყნებისთანავე და გავრცელდეს 2012 წლის 1 აგვისტოდან წარმოშობილ სამართლებრივ ურთიერთობებზე .

მ.  სააკაშვილი