„საჯარო სამართლის იურიდიული პირის- საერთაშორისო თანამშრომლობის საქართველოს სააგენტოს შექმნის შესახებ“ საქართველოს პრეზიდენტის 2012 წლის 4 აპრილის №279 ბრძანებულებაში ცვლილების შეტანის თაობაზე

საქართველოს პრეზიდენტის

ბრძანებულება №679

2012 წლის 7 აგვისტო

ქ. თბილისი

 „საჯარო სამართლის იურიდიული პირის – საერთაშორისო თანამშრომლობის საქართველოს სააგენტოს შექმნის შესახებ “ საქართველოს პრეზიდენტის 2012 წლის 4 აპრილის №279 ბრძანებულებაში ცვლილების შეტანის თაობაზე

1. „ნორმატიული აქტების შესახებ“ საქართველოს კანონის მე-20 მუხლის შესაბამისად, „საჯარო სამართლის იურიდიული პირის – საერთაშორისო თანამშრომლობის საქართველოს სააგენტოს შექმნის შესახებ “ საქართველოს პრეზიდენტის 2012 წლის 4 აპრილის №279 ბრძანებულებაში ( www.matsne.gov.ge, 05/04/2012, 040030000.08.002.016480) შეტანილ იქნეს შემდეგი დამატება და ცვლილებები:

ა) ბრძანებულებას დაემატოს შემდეგი შინაარსის 2¹ პუნქტი:

„2¹. დიასპორის საკითხებში საქართველოს სახელმწიფო მინისტრმა (სახელმწიფო მინისტრის აპარატი):

ა) განახორციელოს სააგენტოს სახელმწიფო კონტროლი;

ბ) უზრუნველყოს სააგენტოს უფროსის თანამდებობაზე დანიშვნა და თანამდებობიდან გათავისუფლება;

გ) უზრუნველყოს სააგენტოს საშტატო ნუსხისა და სახელფასო ფონდის შეთანხმება.“;

ბ) ბრძანებულების მე-3 პუნქტის „გ“ ქვეპუნქტი ამოღებულ იქნეს;

გ) ბრძანებულების მე-4 პუნქტი ამოღებულ იქნეს.

2. ეს ბრძანებულება ამოქმედდეს გამოქვეყნებისთანავე.

მ. სააკაშვილი