„ჩოხატაურის მუნიციპალიტეტის ტერიტორიაზე სამშენებლო სამუშაოების მშენებლობის ნებართვით დადგენილ ვადაში დაუსრულებლობისთვის ჯარიმის ოდენობის განსაზღვრის თაობაზე“ - ჩოხატაურის მუნიციპალიტეტის საკრებულოს 2012 წლის 25 მაისის №27 დადგენილებაში ცვლილების შეტანის თაობაზე

,,ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ,,ჩოხატაურის მუნიციპალიტეტის  ტერიტორიაზე სამშენებლო სამუშაოების მშენებლობის ნებართვით დადგენილ ვადაში დაუსრულებლობისთვის ჯარიმის ოდენობის განსაზღვრის თაობაზე’’  ჩოხატაურის მუნიციპალიტეტის საკრებულს 2012 წლის 25 მაისის №27 დადგენილებაში (სსმ,04.06.2012) შეტანილ იქნეს შემდეგი ცვლილება

დადგენილების პრეამბულა ჩამოყალიბდეს ახალი რედაქციით: ,,ადგილობრივი თვითმმართველობის შესახებ“ საქართველოს ორგანული კანონის მე-16 მუხლის მე-2 პუნქტის ,,ლ“ ქვეპუნქტის, 22-ე მუხლის პირველი პუნქტის ,,ძ“ ქვეპუნქტისა და ,,პროდუქტის უსაფრთხოებისა და თავისუფალი მიმოქცევის კოდექსის“  46-ე მუხლის შესაბამისად საკრებულო ადგენს“

დადგენილების პირველი მუხლის ,,ა“ ქვეპუნქტში სიტყვები ,,ტერიტორიულ ორგანოს“  შეიცვალოს სიტყვებით ,,ადმინისტრაციული ერთეულის“.

დადგენილების პირველი მუხლის ,,ბ“ ქვეპუნქტში სიტყვები ,,ტერიტორიულ ორგანოების“  შეიცვალოს სიტყვებით ,,ადმინისტრაციული ერთეულების“.

დადგენილება ამოქმედდეს გამოქვეყნებისთანავე.