„ქალაქ ბათუმის ტერიტორიაზე ადგილობრივი მოსაკრებლების შემოღების შესახებ” თვითმმართველი ქალაქის - ბათუმის საკრებულოს 2007 წლის 30 იანვრის №1-5 დადგენილებაში ცვლილების შეტანის თაობაზე

თვითმმართველი ქალაქის – ბათუმის საკრებულოს

დ ა დ გ ე ნ ი ლ ე ბ ა №39

2012 წლის 12 ივლისი

ქ. ბათუმი

„ქალაქ ბათუმის ტერიტორიაზე ადგილობრივი მოსაკრებლების შემოღების შესახებ”  თვითმმართველი ქალაქის – ბათუმის საკრებულოს 2007 წლის 30 იანვრის №1-5 დადგენილებაში ცვლილების შეტანის თაობაზე

„ნორმატიული აქტების შესახებ” საქართველოს კანონის მე-20 მუხლის შესაბამისად, თვითმ­მართველი ქალაქის – ბათუმის საკრებულო ა დ გ ე ნ ს :

    მუხლი 1.

„ქ. ბათუმის ტერიტორიაზე ადგილობრივი მოსაკრებლების შემოღების შესახებ” თვითმ­­მართველი ქ. ბათუმის საკრებულოს 2007 წლის 30 იანვრის №1-5 დადგენილებაში (გაზეთი „აჭარა” №24, 14.02.2007წ. გვ. 8,9,10,15,16) შეტანილ იქნეს ცვლილება და დადგენილებით დამტკიცებული „თვითმმართველი ქალაქ ბათუმის ტერიტორიაზე დასახლებული ტერიტორიის დასუფთავე-ბისათვის შემოღებული ადგილობრივი მოსაკრებლის გამოანგარიშებისა და გადახდის შესახებ“ ინსტრუქციის (დანართი 5–1) მე-7 პუნქტის „ე“ ქვეპუნქტ ს დაემატოს შემდეგი შინაარსის (რედაქციის) „ე¹“ და „ე²“ ქვეპუნქტი:

„ე¹) 2012 წლის 1 მაისიდან მოსაკრებლის გადახდისაგან დროებით განთავისუფლებულია  ქ. ბათუმის ტერიტორიაზე მაცხოვრებელი მოსახლეობა, რომელსაც არ მიეწოდება დასუფთავების სერვისი;“.

„ე²) იმ მოსახლეობას, რომელიც დასუფთავების სერვისის მიუწოდებლობის გამო დროებით განთავისუფლდა მოსაკრებლის გადახდის ვალდებულებისაგან, მათ აღუდგება მოსაკრებლის გადახდის ვალდებულება სერვისის მიწოდებისთანავე.“.

      მუხლი 2.

  თვითმმართველი ქალაქის – ბათუმის მერიამ წინამდებარე დადგენილების აღსრულების მიზნით უზრუნველყოს შესაბამისი ორგანიზაციულ-სამართლებრივი ღონისძიებების განხორ-ციელება.

      მუხლი 3.

 დადგენილება ძალაშია გამოქვეყნებისთანავე.

საკრებულოს თავმჯდომარე                გ. კირთაძე