დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
კონსოლიდირებული პუბლიკაციები
უკან დაბრუნება | სამშენებლო სამუშაოების სახელმწიფო შესყიდვისას ზედნადები ხარჯებისა და გეგმური მოგების განსაზღვრის წესის დამტკიცების შესახებ | |
|---|---|
| დოკუმენტის ნომერი | 1-1/1463 |
| დოკუმენტის მიმღები | საქართველოს ეკონომიკისა და მდგრადი განვითარების მინისტრი |
| მიღების თარიღი | 12/07/2012 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | ვებგვერდი, 12/07/2012 |
| სარეგისტრაციო კოდი | 330130000.22.024.016188 |
| კონსოლიდირებული პუბლიკაციები | |
დოკუმენტის კონსოლიდირებული ვარიანტის ნახვა ფასიანია, აუცილებელია სისტემაში შესვლა და საჭიროების შემთხვევაში დათვალიერების უფლების ყიდვა, გთხოვთ გაიაროთ რეგისტრაცია ან თუ უკვე რეგისტრირებული ხართ, გთხოვთ, შეხვიდეთ სისტემაში
პირველადი სახე (12/07/2012 - 30/07/2012)
საქართველოს ეკონომიკისა და მდგრადი განვითარების მინისტრის
ბრძანება №1-1/1463
2012 წლის 12 ივლისი
ქ. თბილისი
სამშენებლო სამუშაოების სახელმწიფო შესყიდვისას ზედნადები ხარჯებისა და გეგმური მოგების განსაზღვრის წესის დამტკიცების შესახებ
,,სამშენებლო საქმიანობის შესახებ’’ საქართველოს კანონის მე-8 მუხლის მე-2 პუნქტის შესაბამისად, ვბრძანებ:
1. დამტკიცდეს სამშენებლო სამუშაოების სახელმწიფო შესყიდვისას ზედნადები ხარჯებისა და გეგმიური მოგების განსაზღვრის თანდართული წესი.
2. ამ ბრძანების მოქმედება არ ვრცელდება ამა წლის 1 ივლისამდე აღიარებულ სამუშაოებზე.
3. ეს ბრძანება ამოქმედდეს გამოქვეყნებისთანავე.
მინისტრის მოვალეობის
შემსრულებელი ი. მატკავა
დანართი
სამშენებლო სამუშაოების სახელმწიფო შესყიდვისას ზედნადები ხარჯებისა და გეგმური მოგების განსაზღვრის წესი
1. სამშენებლო სამუშაოების სავარაუდო ღირებულების დასადგენად სახარჯთაღრიცხვო დოკუმენტაციაში საერთო სამშენებლო სამუშაოებზე ზედნადები ხარჯების ზღვრული ოდენობა განისაზღვროს არა უმეტეს 10%-ით. ზედნადები ხარჯების ზღვრული ნორმა სამონტაჟო და სპეციალური სამშენებლო სამუშაოებისათვის განისაზღვროს ცხრილი №1-ის მიხედვით , გეგმური მოგება ყველა სახის სამუშაოებისათვის არაუმეტეს 8%-ით.
2. ცხრილი №1-ის მე-5, მე-6 და მე-7 პუნქტში მოცემულ საერთო სამშენებლო სამუშაოებზე გეგმური მოგება უნდა დაერიცხოს პირდაპირი დანახარჯებისა და ზედნადები ხარჯების ჯამს, ხოლო ცხრილი №1-ის პირველ, მე-2 , მე-3 და მე-4 პუნქტში მოცემულ სამუშაოებზე პირდაპირი დანახარჯებისა და ზედნადები ხარჯების ჯამს მოწყობილობის ღირებულების გამოკლებით.
ზედნადები ხარჯების ზღვრული ნორმა სამონტაჟო და სპეციალურ სამშენებლო სამუშაოებზე
ცხრილი №1
| № | სამუშაოთა დასახელება | ზედნადები ხარჯების ზღვრული ნორმა %-ში პირდაპირი დანახარჯებიდან | ზედნადები ხარჯების ზღვრული ნორმა %-ში მუშახელის ძირითადი ხელფასიდან |
| 1 | დანადგარებისა და მოწყობილობების მონტაჟი |
| 68 |
| 2 | რადიო-სატელევიზიო, ვიდეომეთვალყურეობისა და ელექტრონული მოწყობილობების მონტაჟი |
| 72 |
| 3 | სუსტი დენის ქსელების გაყვანა |
| 65 |
| 4 | ელექტრო-სამონტაჟო სამუშაოები |
| 75 |
| 5 | შიდა სანტექნიკური სამუშაოები | 12 |
|
| 6 | ლითონკონსტრუქციების მონტაჟი | 8 |
|
| 7 | ბურღვითი, ბურღვა-აფეთქებითი სამუშაოები | 14,5 |
|
3. სამშენებლო სამუშაოების გამარტივებული შესყიდვის დროს:
ა) შესრულებული სამუშაოების ღირებულებ ა განისაზღვრება ფაქტობრივი დანახარჯების მიხედვით. ზედნადები ხარჯები და გეგმური მოგება ქვეკონტრაქტორის მიერ შესრულებულ სამუშაოებს (პირდაპირ დანახარჯებს) უნდა დაერიცხოს მიმწოდებელსა და შემსყიდველ ორგანიზაციას შორის დადებული ხელშეკრულებით განსაზღვრული პროცენტის ფარგლებში პირველი და მე-2 პუნქტების გათვალისწინებით;
ბ) სამუშაოების შემსრულებელი კომპანიის მიერ დაქირავებული სამშენებლო მანქანა-მექანიზმებისა და ინვენტარის ქირავნობის ღირებულება შესრულებული სამუშაოების აქტში გათვალისწინებული უნდა იყოს ზედნადები ხარჯების და გეგმური მოგების დარიცხვის გარეშე;
გ) იმ შემთხვევაში, როდესაც სამშენებლო კომპანიის მიერ ცხრილი №1-ის პირველ და მე-2 პუნქტში მოცემული სამონტაჟო სამუშაოების შესასრულებლად დანადგარებისა და მოწყობილობების შეძენა ხორციელდება უშუალოდ მწარმოებლისგან, შემდგომი მოწოდებით უშუალოდ სამშენებლო მოედანზე (საშუამავლო კომპანიის გარეშე), მათ თვითღირებულებას შესრულებული სამუშაოების აქტში დაერიცხება გეგმური მოგება .
დოკუმენტის კომენტარები