დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
საქართველოს ზოგიერთ საკანონმდებლო აქტში დამატებების შეტანის თაობაზე | |
---|---|
დოკუმენტის ნომერი | 255 |
დოკუმენტის მიმღები | საქართველოს პარლამენტი |
მიღების თარიღი | 20/04/2000 |
დოკუმენტის ტიპი | საქართველოს კანონი |
გამოქვეყნების წყარო, თარიღი | სსმ, 16, 02/05/2000 |
სარეგისტრაციო კოდი | 000000000.00(0).00.000000 |
საქართველოს კანონი
საქართველოს ზოგიერთ საკანონმდებლო აქტში დამატებების შეტანის თაობაზე
საქართველოს პარლამენტი ადგენს:
I. „საქართველოს პარლამენტის წევრის სტატუსის შესახებ“ საქართველოს კანონს (პარლამენტის უწყებანი, №13-14, 8.04.1998) დაემატოს შემდეგი შინაარსის 151 მუხლი:
„მუხლი 151. სასჯელაღსრულების დაწესებულებაში სპეციალური ნებართვის გარეშე შესვლის უფლება
პარლამენტის წევრს პარლამენტის რეგლამენტით განსაზღვრული წესის შესაბამისად შეიძლება მიეცეს საქართველოს ტერიტორიაზე მოქმედ სასჯელაღსრულების დაწესებულებაში სპეციალური ნებართვის გარეშე შესვლის უფლება“.
II. „საქართველოს პარლამენტის კომიტეტების შესახებ“ საქართველოს კანონს (პარლამენტის უწყებანი, №002, 9.03.1996) დაემატოს შემდეგი შინაარსის 191 მუხლი:
„მუხლი 191
კომიტეტს უფლება აქვს თავისი საქმიანობის საჭიროებიდან გამომდინარე, პარლამენტის რეგლამენტით განსაზღვრული წესის შესაბამისად დასვას საკითხი მის შემადგენლობაში შემავალი პარლამენტის წევრისთვის საქართველოს ტერიტორიაზე მოქმედ სასჯელაღსრულების დაწესებულებაში სპეციალური ნებართვის გარეშე შესვლის უფლების მინიჭების შესახებ“.
III. „საპარლამენტო ფრაქციის შესახებ“ საქართველოს კანონს (პარლამენტის უწყებანი, №41, 8.10.1997) დაემატოს შემდეგი შინაარსის 171 მუხლი:
„მუხლი 171. სასჯელაღსრულების დასებულებაში სპეციალური ნებართვის გარეშე შესვლის უფლება
ფრაქციას უფლება აქვს თავისი საქმიანობის საჭიროებიდან გამომდინარე, პარლამენტის რეგლამენტით განსაზღვრული წესის შესაბამისად დასვას საკითხი მის შემადგენლობაში შემავალი პარლამენტის წევრისათვის საქართველოს ტერიტორიაზე მოქმედ სასჯელაღსრულების დაწესებულებაში სპეციალური ნებართვის გარეშე შესვლის უფლების მინიჭების შესახებ“.
IV. „საქართველოს პარლამენტის დროებითი საგამოძიებო კომისიის შესახებ“ საქართველოს კანონის (პარლამენტის უწყებანი, №008, 8.05.1996) 24-ე მუხლს დაემატოს შემდეგი შინაარსის მე-5 ნაწილი:
„კომისიას უფლება აქვს თავისი საქმიანობის საჭიროებიდან გამომდინარე, პარლამენტის რეგლამენტით განსაზღვრული წესის შესაბამისად დასვას საკითხი მის შემადგენლობაში შემავალი პარლამენტის წევრისათვის საქართველოს ტერიტორიაზე მოქმედ სასჯელაღსრულების დაწესებულებაში სპეციალური ნებართვის გარეშე შესვლის უფლების მინიჭების შესახებ“.
V. „საქართველოს პარლამენტის დროებითი კომისიების შესახებ“ საქართველოს კანონის (პარლამენტის უწყებანი, №41, 8.10.1997) მე-4 მუხლს დაემატოს შემდეგი შინაარსის მე-4 პუნქტი:
„4. დროებით კომისიას უფლება აქვს თავისი საქმიანობის საჭიროებიდან გამომდინარე, პარლამენტის რეგლამენტით განსაზღვრული წესის შესაბამისად დასვას საკითხი მის შემადგენლობაში შემავალი პარლამენტის წევრისათვის საქართველოს ტერიტორიაზე მოქმედ სასჯელაღსრულების დაწესებულებაში სპეციალური ნებართვის გარეშე შესვლის უფლების მინიჭების შესახებ“.
VI. ეს კანონი ამოქმედდეს გამოქვეყნებისთანავე.
საქართველოს პრეზიდენტი ე. შევარდნაძე.
თბილისი,
2000 წლის 20 აპრილი.
დოკუმენტის კომენტარები