ლაგოდეხის მუნიციპალიტეტის მოსახლეობის ჯანმრთელობისა და სოციალური დაცვის 2012 წლის პროგრამისა და მისი ბიუჯეტის დამტკიცების შესახებ

ლაგოდეხის მუნიციპალიტეტის საკრებულოს

დადგენილება №26

2012 წლის 29 ივნისი

ქ.ლაგოდეხი

ლაგოდეხის მუნიციპალიტეტის მოსახლეობის ჯანმრთელობისა და სოციალური დაცვის 2012 წლის პროგრამისა და მისი ბიუჯეტის დამტკიცების შესახებ

„ადგილობრივი თვითმმართველობის შესახებ“ საქართველოს ორგანული კანონის მე-16 მუხლის მე-2 პუნქტის „ქ“ ქვეპუნქტის და 22-ე მუხლის პირველი პუნქტის „ლ“ ქვეპუნქტის შესაბამისად, აგრეთვე „ნორმატიული აქტების შესახებ’’ საქართველოს კანონის 25-ე მუხლის თანახმად, ლაგოდეხის მუნიციპალიტეტის საკრებულო ადგენს:

    მუხლი 1

დამტკიცდეს ლაგოდეხის მუნიციპალიტეტის მოსახლეობის ჯანმრთელობისა და სოციალური დაცვის 2012 წლის პროგრამა და პროგრამის ბიუჯეტი №1 და №2 დანართის შესაბამისად.

მუხლი 2

ამ დადგენილების ამოქმედებისთანავე ძალადაკარგულად გამოცხადდეს ლაგოდეხის მუნიციპალიტეტის საკრებულოს 2012 წლის 27 იანვრის №11 დადგენილება „ლაგოდეხის მუნიციპალიტეტის მოსახლეობის ჯანმრთელობისა და სოციალური დაცვის 2012 წლის პროგრამისა და მისი ბიუჯეტის დამტკიცების შესახებ’’.

    მუხლი 3

დადგენილება ამოქმედდეს გამოქვეყნებისთანავე.

საკრებულოს თავმჯდომარე   გ. გოზალიშვილი

 დანართი

ლაგოდეხის მუნიციპალიტეტის მოსახლეობის ჯანმრთელობისა და სოციალური დაცვის 2012 წლის პროგრამა

თავი I

ლაგოდეხის მუნიციპალიტეტის მოსახლეობის ჯანმრთელობისა და სოციალური დაცვის პროგრამის ზოგადი მიმოხილვა

 მუხლი 1. ლაგოდეხის მუნიციპალიტეტის მოსახლეობის ჯანმრთელობისა და სოციალური დაცვის პროგრამა

 ლაგოდეხის მუნიციპალიტეტის მოსახლეობის ჯანმრთელობისა და სოციალური დაცვის პროგრამა (შემდგომში „პროგრამა“) განსაზღვრავს ლაგოდეხის მუნიციპალიტეტის 2012 წლის ბიუჯეტიდან „სოციალური და ჯანდაცვის“ მუხლში გათვალისწინებული სოციალური დახმარებების გაცემასთან დაკავშირებულ ურთიერთობებს, ადგენს სოციალური დახმარების სახეებს, დადგენილი კრიტერიუმების მიხედვით სოციალურად დაუცველ მოქალაქეებზე დახმარების გაცემის პირობებს.

მუხლი 2. პროგრამის აქტუალობა

 1. საქართველოში მცხოვრებ მოქალაქეთა სოციალური მდგომარეობის გაუმჯობესება სახელმწიფო სოციალური პოლიტიკის ერთ-ერთ პრიორიტეტად ითვლება.

 2. სიღარიბის დაძლევის სახელმწიფო პროგრამის ამოქმედების მიუხედავად, არსებობს ადამიანთა გარკვეული რაოდენობა, რომელიც საჭიროებს დახმარებას.

 3. სახელმწიფოს მიერ სამედიცინო პროგრამების დაფინანსების მიუხედავად, იმ მოქალაქეთა ცალკეული კატეგორიები, რომელნიც არ ფლობენ სამედიცინო დაზღვევის ბარათს (პოლისს), ხშირ შემთხვევაში ვერ ახერხებენ ჯანმრთელობის მდგომარეობის კვლევას ან/და სტაციონარულ მომსახურებას (სამედიცინო ჩარევა, მკურნალობა).

 მუხლი 3. პროგრამის მიზანი და ამოცანები

 1. აქტიური სოციალური პოლიტიკის გატარება.

 2. სოციალურად დაუცველთა დახმარების სისტემის სრულყოფა.

 3. სოციალური დახმარების პრიორიტეტების გამოკვლევა.

 4.მოსახლეობის ინფორმაციული უზრუნველყოფა ჯანმრთელობისა და სოციალური დაცვის პროგრამის შესახებ.

 5. მოქალაქეთა ჯანმრთელობის მდგომარეობის გაუმჯობესებისა და რეაბილიტაციის ხელშეწყობა.

 6. მარტოხელა დედების,ობოლ და მზრუნველობამოკლებული ბავშვების, მრავალშვილიანი ოჯახების სოციალური დაცვა.

 7. ახალშობილთა ოჯახების დახმარება.

 8. სოციალურად დაუცველი ოჯახების დახმარება.

 9. სტიქიის შედეგად დაზარალებული და უსახლკაროდ დარჩენილი ოჯახების დახმარება.

 10.სამშობლოს დაცვისას დაღუპულთა და ომის შემდეგ გარდაცვლილ მეომართა ხსოვნის უკვდავყოფა.

 11. უკიდურესად გაჭირვებულ მოქალაქეთა ჩართვა უფასო კვების ობიექტებში.

 12. იძულებით გადაადგილებულ პირთა (დევნილთა) ოჯახების დახმარება.

 13. საზოგადოებრივი ჯანდაცვის სფეროს კოორდინირება.

 14. სოციალური ინფრასტრუქტურის განვითარების ხელშეწყობა.

  15. 100 წლის და მეტი ასაკის მოხუცებულთა სოციალური დაცვა.

 მუხლი 4. პროგრამის რეალიზაციის ძირითადი მიმართულებები

პროგრამის რეალიზაციის ძირითადი მიმართულებებია:

 1. სამართალებრივი საფუძვლების შექმნა;

 2. მიზნობრივი პროგრამული მართვის პრინციპებზე გადასვლა;

 3. სოციალური დახმარებების პროგრამის სრულყოფა და განახლება;

 4. სოციალური სტატისტიკის მოწესრიგება, მონაცემთა ბაზის შექმნა;

 5. ანალიზი, მონიტორინგი და შეტყობინების ეფექტური ფორმის დანერგვა;

 6. პროგრამის საინფორმაციო უზრუნველყოფა;

 7. სამშობლოს დაცვისას დაღუპულთა და ომის შემდეგ გარდაცვლილ მეომართა მონაცემთა ბაზის სისტემატური განახლება და სტატისტიკური ანალიზი.

თავი II

სოციალური დახმარების პრიორიტეტები და სოციალური ღონისძიებები

 მუხლი 5. სოციალური დახმარების პრიორიტეტები

 სოციალური დახმარების პრიორიტეტებია:

 1. მკვეთრად შეზღუდული შესაძლებლობის სტატუსის მქონე (პირველი ჯგუფის ინვალიდი) პირთა ოჯახი;

 2. შეზღუდული შესაძლებლობის სტატუსის მქონე ბავშვთა (18 წლამდე ასაკის) ოჯახი;

 3. ობოლ და მარჩენალდაკარგულ ბავშვთა ოჯახი;

 4. ახალდაბადებული ბავშვიანი ოჯახი;

 5. უკიდურესად გაჭირვებული და სოცაილურად დაუცველი ოჯახი (რომელსაც ერთხელ მაინც მიუმართავს სოციალური მომსახურების სააგენტოს ლაგოდეხის რაიონული განყოფილებისათვის და მისი სარეიტინგო ქულა „სიღარიბის ზღვარს ქვემოთ მყოფი მოსახლეობის ერთიანი სოციალური დაცვის პროგრამის "მიხედვით 57000 - ზე მეტი და 150000-ზე ნაკლებია);

 6. მრავალშვილიანი ოჯახი, რომელსაც ჰყავს 4 და მეტი არასრულწლოვანი (18 წლამდე ასაკის) შვილი ან/და ცხოვრობს საშიშ-გაუსაძლის პირობებში;

 7. მარტოხელა მშობელი, რომელსაც ჰყავს ერთი ან მეტი არასრულწლოვანი (18 წლამდე ასაკის) შვილი;

 8. სამშობლოს დაცვისას დაღუპული და ომის შემდეგ გარდაცვლილი მეომრის ოჯახი;

 9. იძულებით გადაადგილებულ პირთა (დევნილთა) ოჯახი;

 10. მარტოხელა და სოციალურად დაუცველი პირი (გარდაცვალების შემთხვევაში, დაკრძალვის სარიტუალო ხარჯებისათვის);

 11. ოჯახი, რომლის წევრი საჭიროებს სასწრაფო სამედიცინო დახმარებას - სამედიცინო ჩარევას, კვლევას, მკურნალობას (გარდა ფიზიოლოგიური მშობიარობისა და გეგმური განმეორებითი საკეისრო კვეთისა), მაგრამ არ ფლობს სამედიცინო დაზღვევის ბარათს (პოლისს)ან გაცემული პოლისი არ ითვალისწინებს ფორმა №100-სში მითითებული სამედიცინო ჩარევის,კვლევის,მკურნალობის დაფინანსებას;

 12. ოჯახი, რომელსაც სტიქიის შედეგად დაზიანებული ავარიული საცხოვრებელი სახლი საფრთხეს უქმნის ადამიანთა სიცოცხლეს;

 13. უკიდურესად გაჭირვებული მოსახლეობის უზრუნველყოფა სათბობი შეშით;

 14. 100 წლის და მეტი ასაკის მქონე მოხუცები.

    მუხლი 6. სოციალური ღონისძიებები

სოციალური ღონისძიებებია:

1. სამშობლოს დაცვისას დაღუპულთა და ომის შემდეგ გარდაცვლილ მეომართა ოჯახების ინტერესების დაცვა:

ა) მეორე მსოფლიო ომისა და საქართველოს ტერიტორიული მთლიანობისათვის მებრძოლთა გარდაცვალების შემთხვევაში;

ბ) სადღესასწაულო ღონისძიებების შემთხვევაში (მეორე მსოფლი ომის მონაწილეთათვის).

2. ჯანდაცვის ღონისძიებების - სამედიცინო ჩარევის, კვლევის, მკურნალობის თანადაფინანსება.

3.  უკიდურესად გაჭირვებული ოჯახებისათვის ერთჯერადი ფულადი დახმარების გაწევა.

4. მარტოხელა მშობლების, ობოლი და მარჩენალდაკარგული ბავშვების,მრავალშვილიანი ოჯახების დახმარება.

5. იძულებით გადაადგილებულ პირთა(დევნილთა) ოჯახების სოციალური და ყოფითი პირობების გაუმჯობესების ხელშეწყობა.

6. ზამთრის სეზონთან დაკავშირებით, უკიდურესად გაჭირვებული მოსახლეობის უზრუნველყოფა სათბობი შეშით.

7. სტიქიის შედეგად გაუსაძლის პირობებში მცხოვრები ოჯახებისათვის უსაფრთხო საცხოვრებელი გარემოს შექმნის ხელშეწყობა.

8. უფასო კვების ობიექტების დაფინანსება.

9. საზოგადოებრივი ჯანდაცვის სფეროს მიმართულებით განხორციელებული საქმიანობის მონიტორინგი.

10. ადგილობრივ და საერთაშორისო ორგანიზაციებთან ურთიერთობა - სოციალური ინფრასტრუქტურის განვითარების, სოციალური პროექტებისა და ჰუმანიტარული პროგრამების განხორციელების მიზნით.

თავი III

სოციალური დახმარების დაფინანსება, ბიუჯეტი, რეალიზაციის ვადა, საჭირო დოკუმენტაცია და დახმარების ოდენობა

    მუხლი 7. სოციალური დახმარების დაფინანსება

 პროგრამის დაფინანსების წყაროა ლაგოდეხის მუნიციპალიტეტის 2012 წლის ადგილობრივი ბიუჯეტი, სადაც სოციალური დაცვისათვის გათვალისწინებულია 418000 (ოთხას თვრამეტი ათასი) ლარი.

    მუხლი 8. ბიუჯეტი და რეალიზაციის ვადა

 პროგრამის ბიუჯეტი და რეალიზაციის ვადა განისაზღვრება პროგრამის დანართი 2-ის შესაბამისად (დანართი 2 დადგენილებას თან ერთვის).

    მუხლი 9. სოციალური დახმარების მისაღებად საჭირო დოკუმენტაცია

 სოციალური დახმარების მისაღებად საჭიროა შემდეგი დოკუმენტაცია:

 1. მკვეთრად შეზღუდული შესაძლებლობის სტატუსის მქონე (პირველი ჯგუფის ინვალიდი) პირთა ოჯახისათვის:

 ა) განცხადება;

 ბ) პირადობის მოწმობის ასლი;

 გ) მკვეთრად შეზღუდული შესაძლებლობის მდგომარეობის დამადასტურებელი ცნობა.

 2. შეზღუდული შესაძლებლობის სტატუსის მქონე ბავშვთა (18 წლამდე ასაკის) ოჯახისათვის:

 ა) განცხადება;

 ბ)განმცხადებლის (მშობლის, მეურვის, სრულწლოვანი და-ძმის)პირადობის მოწმობის ასლი;

 გ) ბავშვის დაბადების მოწმობის ასლი;

 დ) შეზღუდული შესაძლებლობის მდგომარეობის ცნობა;

 ე) ადგილობრივი ტერიტორიული ორგანოს რწმუნებულის მომართვა.

 3. ობოლ და მარჩენალდაკარგულ ბავშვთა (18 წლამდე ასაკის) ოჯახისათვის:

 ა) განცხადება;

 ბ)განმცხადებლის (მშობლის, მეურვის) პირადობის მოწმობის ასლი;

 გ) ბავშვ(ებ)ის დაბადების მოწმობის ასლ(ებ)ი;

 დ) მშობლის გარდაცვალების მოწმობის ასლი.

 4. ახალდაბადებული ბავშვის ოჯახებისათვის:

 ა) განცხადება;

 ბ) მშობლების პირადობის მოწმობის ასლები;

 გ) ბავშვის დაბადების მოწმობის ასლი;

 5. უკიდურესად გაჭირვებული და სოციალურად დაუცველი ოჯახისათვის, რომელსაც ერთხელ მაინც მიუმართავს სოციალური მომსახურების სააგენტოს ლაგოდეხის რაიონული განყოფილებისათვის და მისი სარეიტინგო ქულა "სიღარიბის ზღვარს ქვემოთ მყოფი მოსახლეობის ერთიანი სოციალური დაცვის პროგრამის "მიხედვით 57000 -ზე მეტი და 150000-ზე ნაკლებია:

 ა) განცხადება;

 ბ) პირადობის მოწმობის ასლი;

 გ) ცნობა სოციალური მომსახურების სააგენტოს ლაგოდეხის რაიონული განყოფილებიდან;

 დ) ტერიტორიული ორგანოს რწმუნებულის ცნობა /მომართვა პირის სოციალური მდგომარეობის შესახებ.

 6. მრავალშვილიანი ოჯახებისათვის, რომელთაც ჰყავთ 4 და მეტი არასრულწლოვანი (18 წლამდე ასაკის(შვილი ან)და ცხოვრობს საშიშ-გაუსაძლის პირობებში:

 ა) განცხადება;

 ბ) მშობლების პირადობის მოწმობის ასლები;

 გ) ყველა ბავშვის დაბადების მოწმობის ასლი.

 7. მარტოხელა დედისათვის, რომელსაც ჰყავს ერთი ან მეტი არასრულწლოვანი (18 წლამდე ასაკის)შვილი:

 ა) განცხადება;

 ბ) მშობლების პირადობის მოწმობის ასლები;

 გ) ბავშვ(ებ)ის დაბადების მოწმობის ასლ(ებ)ი.

 8. სამშობლოს დაცვისას დაღუპულთა და ომის შემდეგ გარდაცვლილ მეომართა ოჯახისათვის:

 8.1. მეორე მსოფლიო ომისა და საქართველოს ტერიტორიული მთლიანობისათვის მებრძოლთა გარდაცვალების შემთხვევაში დაკრძალვის სარიტუალო ხარჯებისათვის:

 ა) განცხადება;

 ბ) განმცხადებლის პირადობის მოწმობის ასლი;

 გ) გარდაცვლილი ვეტერანის გარდაცვალების მოწმობის ასლი;

 დ) ვეტერანობის დამადასტურებელი მოწმობის ასლი.

 8.2. სადღესასწაულო ღონისძიებების ორგანიზების შემთხვევაში (მეორე მსოფლიო ომის მონაწილეთათვის) :

 ა) ინფორმაცია საქართველოს ვეტერანთა საქმეების დეპარტამენტის ერთიანი მონაცემთა ბაზიდან.

 9. იძულებით გადაადგილებული (დევნილი)ოჯახისათვის:

 ა) განცხადება;

 ბ) პირადობის მოწმობის ასლი;

 გ) სტატუსის დამადასტურებელი მოწმობის ასლი.

 10. მარტოხელა სოციალურად დაუცველი პირის დაკრძალვის სარიტუალო ხარჯებისათვის:

 ა) განცხადება;

 ბ) განმცხადებლის პირადობის მოწმობის ასლი;

 გ) გარდაცვალების მოწმობის ასლი;

 დ) ტერიტორიული ორგანოს რწმუნებულის ცნობა (მომართვა პირის სოციალური მდგომარეობის შესახებ).

 11. ოჯახისათვის, რომლის წევრი საჭიროებს სასწრაფო სამედიცინო დახმარებას:

 ა) განცხადება;

 ბ) პაციენტის პირადობის მოწმობის ასლი;

 გ) ფორმა №IV/100 ჯანმრთელობის მდგომარეობის შესახებ;

 დ) ანგარიშფაქტურა - კალკულაცია;

 ე) ცნობა სოციალური მომსახურების სააგენტოდან იმის თაობაზე, რომ ოჯახი არ არის რეგისტრირებული სოციალურად დაუცველი ოჯახების მონაცემთა ერთიან ბაზაში და არ ფლობს სამედიცინო დაზღვევის ბარათს (პოლისს).

 ვ) ცნობა ტერიტორიული ორგანოს რწმუნებულისაგან ოჯახის ფაქტობრივი საცხოვრებელი ადგილისა და სოციალური მდგომარეობის შესახებ.

 ზ) ცნობა - მიმართვა სადაზღვევო კომპანიიდან.

 12. ოჯახისათვის, რომელსაც სტიქიის შედეგად დაზიანებული საცხოვრებელი სახლი საფრთხეს უქმნის ადამიანთა სიცოცხლეს:

 ა) განცხადება;

 ბ) ოჯახის სრულწლოვანი წევრის პირადობის მოწმობის ასლი;

 გ) აქტი შესაბამისი სამსახურიდან სიცოცხლისათვის საშიში ავარიული სახლის შესახებ;

 დ) ცნობა ლაგოდეხის მუნიციპალიტეტის შესაბამისი ტერიტორიული ორგანოს რწმუნებულისგან იმის თაობაზე, რომ ოჯახი ნამდვილად განიცდის მძიმე ეკონომიურ გაჭირვებას და არ გააჩნია თავშესაფარი;

 ე) დროებითი თავშესაფარის დაქირავების შემთხვევაში, გამქირავებლის პირადობის მოწმობის ასლი;

 ვ) გასაქირავებელი ბინის კერძო საკუთრებაში ფლობის დამადასტურებელი დოკუმენტი;

 ზ) ცნობა სოციალური მომსახურების სააგენტოს ლაგოდეხის რაიონული განყოფილებიდან.

 13. უკიდურესად გაჭირვებული მოსახლეობის სათბობი შეშით უზრუნველსაყოფად:

 ა) განცხადება;

 ბ) ცნობა სოციალური მომსახურების სააგენტოდან ოჯახის სარეიტინგო ქულის მითითებით;

 გ) განმცხადებლის პირადობის მოწმობის ასლი.

 14. 100 წლის და მეტია ასაკის მქონე მოხუცებულთა დასახმარებლად:

 ა) განცხადება;

 ბ) მოხუცებულის პირადობის მოწმობის ასლი;

 გ) ცნობა ტერიტორიული ორგანოს რწმუნებულისაგან ფაქტობრივი საცხოვრებელი ადგილის შესახებ.

    მუხლი 10. სოციალური დახმარების ოდენობა

 1. მკვეთრად შეზღუდული შესაძლებლობის სტატუსის მქონე პირთა ოჯახზე - ერთჯერადი ფულადი დახმარების სახით - 100 ლარი.

 2. შეზღუდული შესაძლებლობის სტატუსის მ,ქონე ბავშვთა (18 წლამდე ასაკის)ოჯახზე - ერთჯერადი ფულადი დახმარების სახით - 100 ლარი; აგრეთვე სადღესასწაულო საჩუქრები (საახალწლოდ და ბავშვთა დაცვის საერთაშორისო დღისადმი).

 3. ობოლ და მარჩენალდაკარგულ ბავშვთა ოჯახზე ერთჯერადი ფულადი დახმარების სახით - 100 ლარი.

 4. ახალდაბადებულ ბავშვთა ოჯახზე - ერთჯერადი ფულადი დახმარების სახით - 100 ლარი.

 5. უკიდურესად გაჭირვებულ და სოციალურად დაუცველთა ოჯახზე - ერთჯერადი ფულადი დახმარების სახით - 100 ლარი.

 6. მრავალშვილიან ოჯახზე, რომელსაც ჰყავს 4 და მეტი არასრულწლოვანი შვილი - ერთჯერადი ფულადი დახმარების სახით - 200 ლარი.

 6.1. მრავალშვილიანი ოჯახები, რომლებიც ცხოვრობენ საშიშ - გაუსაძლის პირობებში - ერთჯერადი ფულადი დახმარების სახით - არა უმეტეს 500 ლარი.

 7. მარტოხელა დედაზე, რომელსაც ჰყავს ერთი ან მეტი არასრულწლოვანი (18 წლამდე ასაკის) შვილი - ერთჯერადი ფულადი დახმარების სახით - 100 ლარი.

 8. სამშობლოს დაცვისას დაღუპულთა და ომის შემდეგ გარდაცვლილ მეომართა ოჯახებზე:

 ა)გარდაცვალების შემთხვევაში, დაკრძალვის სარიტუალო ხარჯებისათვის, ერთჯერადი ფულადი დახმარების სახით - 250 ლარი;

 ბ) სადღესაწაულო ღონისძიებების შემთხვევაში (მეორე მსოფლიო ომის მონაწილე ვეტერანთათვის) - ერთჯერადი ფულადი დახმარება.

 9. იძულებით გადაადგილებულ (დევნილთა)ოჯახზე ერთჯერადი ფულადი დახმარების სახით - 100 ლარი.

 10. მარტოხელა და სოციალურად დაუცველი პირის გარდაცვალებასთან დაკავშირებით, სარიტუალო ხარჯებისათვის - 200 ლარი.

 11. ოჯახზე, რომლის წევრი საჭიროებს სასწრაფო სამედიცინო დახმარებას - გამოკვლევას ან სტაციონარულ მკურნალობას, თანადაფინანსების სახით, ერთჯერადი ფულადი დახმარება არა უმეტეს 500 ლარი.

 12. ოჯახზე, რომელსაც სტიქიის შედეგად დაზიანებული საცხოვრებელი სახლი საფრთხეს უქმნის ადამიანთა სიცოცხლეს, - ყოველთვიურად არა უმეტეს 100 ლარი, ბინის ქირის დასაფარად.

 13. ოჯახი, რომელიც თბობის სეზონთან დაკავშირებით საჭიროებს დახმარებას - შეშა 3მ³-ის ოდენობით, დადგენილი ლიმიტის ფარგლებში ოჯახთა შერჩევისას გათვალისწინებული იქნება ოჯახის დაბალი სარეიტინგო ქულა, ოჯახის წევრთა რაოდებობა და ასაკი.

 14. 100 წლის და მეტი ასაკის მქონე მოხუცებზე - ერთჯერადი ფულადი დახმარების სახით - 200 ლარი.

    მუხლი 11. სოციალური ღონისძიებების დაფინანსება

 1. მოქალაქეთა ჯანმრთელობის მდგომარეობისა და სოციალური პირობების გაუმჯობესების მიზნით, თანადაფინანსებისა და დაფინანსების შესახებ, მუნიციპალიტეტის საკრებულოს დადგენილებით დამტკიცებული პროგრამის საფუძველზე, გამგეობის ჯანმრთელობისა და სოციალური დაცვის სამსახურის მიერ მიღებული გადაწყვეტილება წარედგინება მუნიციპალიტეტის გამგებელს, რომელიც მტკიცდება ინდივიდუალური სამართლებრივი აქტით(ბრძანებით).

 2. უფასო კვების ობიექტის დაფინანსება მოხდება მუნიციპალიტეტის 2012 წლის ადგილობრივი ბიუჯეტის გეგმის შესაბამისად.

 3. საზოგადოებრივი ჯანდაცვის ღონისძიებების დაფინანსება მოხდება მუნიციპალიტეტის 2012 წლის ადგილობრივი ბიუჯეტის გეგმის შესაბამისად.

 4. სამშობლოს დაცვისას დაღუპულთა და ომის შემდეგ გარდაცვლილ მეომართა ოჯახების, აგრეთვე, სადღესასწაულო ღონისძიებების დაფინანსება მოხდება 2012 წლის ადგილობრივი ბიუჯეტის გეგმის შესაბამისად.

თავი IV

დასკვნითი დებულებები

    მუხლი 12. სოციალური დახმარების განხორციელების მექანიზმი

სოციალური დახმარების განხორციელების მექანიზმია:

 1. სოციალური დახმარების გასაცემად საჭირო თანხა გამოიყოფა მუნიციპალიტეტის გამგებლის ბრძანების საფუძველზე, როგორც ამ პროგრამით გათვალისწინებული კრიტერიუმების, ასევე სხვა გამონაკლის შემთხვევაში.

 2. სოციალური დახმარების მისაღებად მოქალაქეთა მიერ წარმოდგენილი საბუთების სისწორეს აკონტროლებს ლაგოდეხის მუნიციპალიტეტის გამგეობის ჯანმრთელობისა და სოციალური დაცვის სამსახური.

 3. მუნიციპალიტეტის გამგეობის მიერ (ამ პროგრამით გათვალისწინებული ვადის შესაბამისად) გაწეული დახმარება ჩაირიცხება მოქალაქ ის მიერ წარმოდგენილ საბანკო რეკვიზიტებზე.

 4. სამედიცინო კვლევის ან სტაციონალური მომსახურების გაწევის თანადაფინანსების სახით გამოყოფილი თანხა ჩაირიცხება შესაბამისი სამედიცინო დაწესებულების ანგარიშზე, წარმოდგენილ ანგარიშფაქტურაში მითითებულ რეკვიზიტებზე.

 5. არასრულწლოვანი პირის დახმარების შემთხვევაში, თანხა გაიცემა ოჯახის ერთ-ერთ სრულწლოვან წევრზე ან მეურვეზე , რომელმაც განცხადებით მიმართა გამგეობას.

  6. ახალდაბადებული ბავშვის ოჯახზე დახმარება გაიცემა დაბადებიდან ექვსი თვის ვადაში.

  7. შეზღუდული შესაძლებლობის მქონე ბავშვებზე სადღესასწაულო საჩუქრები (საახალწლოდ; ბავშვთა დაცვის საერთაშორისო დღეს ) გაიცემა ტერიტორიული ორგანოების რწმუნებულებისგან მიღებული ინფორმაციის საფუძველზე.

 8. მრავალშვილიანი ოჯახები რომლებიც ცხოვრობენ საშიშ - გაუსაძლის პირობებში ერთჯერადი დახმარება გაიცემა ოჯახის ადგილზე შემოწმების (შესაბამისი აქტის) საფუძველზე.

 9. სამშობლოს დაცვისას დაღუპულთა და ომის შემდეგ გარდაცვლილ მეომართათვის განსაზრვრული ღონისძიებების დაფინანსება მოხდება საქართველოს ვეტერანთა საქმეების დეპარტამენტის ერთიან მონაცემთა ბაზაში რეგისტრირებული მონაცემების საფუძველზე.

    მუხლი 13. სოციალური დახმარების პროგრამის რეალიზაციაზე პასუხისმგებელი სუბიექტები

სოციალური დახამრების პროგრამის რეალიზაციაზე პასუხისმგებელი სუბიექტები არიან:

 13.1. საორგანიზაციო ნაწილში - ლაგოდეხის მუნიციპალიტეტის გამგეობის ჯანმრთელობისა და სოციალური დაცვის სამსახური.

 13.2. საფინანსო ნაწილში - ლაგოდეხის მუნიციპალიტეტის გამგეობის საფინანსო სამსახური.

    მუხლი 14. პროგრამის განხორციელების ვადა

 პროგრამის განხორციელების ვადაა 2012 წლის 1 იანვარი-31 დეკემბერი.

    მუხლი 15. პროგრამის რეალიზაციის საინფორმაციო უზრუნველყოფა

 პროგრამის რეალიზაციის შესახებ მოსახლეობას პერიოდულად ეცნობება ადგილობრივი მედია-საშუალებებისა (რადიო, ტელევიზია)და ლაგოდეხის მუნიციპალიტეტის ოფიციალური ვებგვერდის მეშვეობით.

    მუხლი 16. პროგრამის შეფასების კრიტერიუმები

პროგრამის შეფასების კრიტერიუმებია:

16.1. მინიმალური სოციალური დახმარების ხელმისაწვდომობა.

16.2. დადგენილი კრიტერიუმების შესაბამისად, პროგრამაში ჩართულ მოქალაქეთა რაოდენობა.

16.3. დაგეგმილი და ფაქტობრივი მონაცემების შესაბამისობა.

16.4. პროგრამის განხორციელების ვადები.

    მუხლი 17. პროგრამის განხორცილების შედეგი

პროგრამის განხორციელების შედეგად:

17.1. უკეთესობისაკენ შეიცვლება სოციალური ფონი.

17.2. ხელი შეეწყობა უკიდურესად გაჭირვებული მოსახლეობის ფენის შემცირებას.

17.3. გაიზრდება დემოგრაფიული მონაცემები.

17.4. გაუმჯობესდება მოსახლოების ჯანმრთელობის მდგომარეობა.

17.5. ჩამოყალიბდება პროგრამაში ჩამოთვლილ კატეგორიებს მიკუთვნებულ პირთა მონაცემთა ბაზა.

დანართი 2

ლაგოდეხის მუნიციპალიტეტის მოსახლეობის ჯანმრთელობისა და სოციალური დაცვის პროგრამის 2012 წლის ბიუჯეტი და რეალიზაციის ვადა

№	დასახელება	ბენეფიციართა სავარაუდო რაოდ-ბა	სოციალური დახმარების მოცულობა /ლარი/		რეალიზაციის ვადა
			ერთ ბენეფიციარზე	სულ
1*	უფასო კვების ობიექტის დეაფინანსება			40000	ბიუჯეტის გეგმის შესაბამისად
2**	საზოგადოებრივი ჯანდაცვის დაფინანსება			70000	ბიუჯეტის გეგმის შესაბამისად
3	სოციალურად დაუცველი მოსახლეობის დახმარება, მათ შორის			200000	ბიუჯეტის გეგმის შესაბამისად
	უკიდურესად გაჭირვებულთა ერთჯერადი ფულადი დახმარება	500	100 ლარი		წელიწადში ერთხელ
	სამედიცინო კვლევებისა და სტაციონარული მომსახურების თანადაფინანსება	200	არა უმეტეს 500 ლარი		პროგრამის შესაბამისად
	გაუსაძლის პირობებში მცხოვრებ და უსახლკაროდ დარჩენილ ოჯახთა საცხოვრებელი პირობების გაუმჯობესების ხელშეწყობა (ბინის ქირა)	5	არა უმეტეს 100 ლარი ყოველთვიურად		პროგრამის შესაბამისად
	ობოლი და მარჩენალდაკარგული ვაბშვების ოჯახების ერთჯერადი ფულადი დახმარება	50	100 ლარი		წელიწადში ერთხელ
	მარტოხელა დედა, რომელსაც ჰყავს ერთი ან მეტი არასრულწლოვანი შვილი	30	100 ლარი		წელიწადში ერთხელ
	100 წლის და მეტი ასაკის მქონე მოხუცთა ერთჯერადი ფულადი დახმარება	10	200		წელიწადში ერთხელ
4	შეზღუდული შესაძლებლობის მქონე პირთა და შეზღუდული შესაძლებლობის მქონე ბავშვთა ფულადი დახმარება		100 ლარი  სადგესასწაულო საჩუქრები	5000 ლარი	პროგრამის შესაბამისად
5	მრავალშვილიანი ოჯახებისა და ბავშვების სოციალური დაცვა			70000 ლარი
	მრავალშვილიანი ოჯახები, რომელთაც ჰყავთ 4 და მეტი არასრულწლოვანი შვილი, ფულადი დახმარება	100	200 ლარი		წელიწადში ერთხელ
	მრავალშვილიანი ოჯახები რომლებიც ცხოვრობენ საშიშ-გაუსაძლის პირობებში	5	არა უმეტეს  500 ლარი		წელიწადში ერთხელ
	ახალდაბადებულ ბავშვთა ოჯახების ერთჯერადი ფულადი დახმარება	500	100 ლარი		დაბადებიდან 6 თვის ვადაში
6	იძულებით გადაადგილებულ პირთა (დევნილთა) დახმარება	250		10000 ლარი	პროგრამის შესაბამისად
7	სამშობლოს დაცვისას დაღუპულთა და ომის შემდეგ გარდაცვლილ მეომართა ოჯახების დახმარება (გარდაცვალების შემთხვევაში, დაკრძალვის სარიტუალო ხარჯებისათვის)	12	250 ლარი	3000 ლარი	პროგრამის შესაბამისად
	*** სადღესასწაულო ღონისძიებების დაფინანსება				ბიუჯეტის გეგმის შესაბამისად
8	უკიდურესად გაჭირვებული ოჯახის წევრის გარდაცვალებასთან დაკავშირებით, ფულადი დახმარება /სარიტუალო ხარჯებისათვის/	25	200	5000 ლარი	პროგრამის შესაბამისად
9	სოციალურად დაუცველი მოსახლეობის სათბობი შეშით უზრუნველყოფა			15000 ლარი	პროგრამის შესაბამისად
	სულ			418000

 

* შენიშვნა: უფასო კვების ობიექტის ფუნქციონირებ ს ქ. ლაგოდეხში მაისის ქუჩა №35 .

 

** შენიშვნა: საზოგადოებრივი ჯანდაცვის დაფინანსების ფარგლებში საკუთარი პროგრამით გათვალისწინებულ საქმიანობას ახორციელებს ა.ა.ი.პ. ლაგოდეხის მუნიციპალიტეტის საზოგადოებრივი ჯანდაცვის სამსახური.

*** შენიშვნა: სადღესასწაულო ღონისძიებების დაფინანსება მოხდება ადგილობრივი ბიუჯეტის გეგმის შესაბამისად.