„საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის – საჯარო რეესტრის ეროვნული სააგენტოს მიერ გაწეული მომსახურების საფასურის განაკვეთების, საფასურის გადახდევინების წესისა და მომსახურების ვადების დამტკიცების შესახებ“ საქართველოს მთავრობის 2011 წლის 29 დეკემბრის №509 დადგენილებაში ცვლილების შეტანის თაობაზე

საქართველოს მთავრობის

დადგენილება №207

2012 წლის 8 ივნისი

ქ. თბილისი

„საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის – საჯარო რეესტრის ეროვნული სააგენტოს მიერ გაწეული მომსახურების საფასურის განაკვეთების, საფასურის გადახდევინების წესისა და მომსახურების ვადების დამტკიცების შესახებ“ საქართველოს მთავრობის 2011 წლის 29 დეკემბრის №509 დადგენილებაშიცვლილების შეტანის თაობაზე

მუხლი 1. „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, „საქართველოს იუსტიციის სამინის­ტ­როს მმართველობის სფეროში მოქმედი საჯარო სამართლის იურიდიული პირის – საჯარო რეესტრის ეროვნული სააგენტოს მიერ გაწეული მომსახუ­რების საფასურის განაკვეთების, საფასურის გადახდევინების წესისა და მომ­სახურების ვადების დამტკიცების შესახებ“ საქართველოს მთავრობის 2011 წლის 29 დეკემბრის №509 დადგენილებაში ( www.mats­ ne.gov.ge, 30/12/2011, 040150000.10.003.016669) შე­ტანილ იქნეს ცვლილება და ამ დადგენილებით და­მ­ტკიცებული დანართის :

1. მე‑2 მუხლს დაემატოს შემდეგი შინაარსის „პ“ ქვეპუნქტი:

„პ) მეწარმეთა და არასამეწარმეო (არაკომერციული) იურიდიული პი ­რე ­ბის რეგისტრირებულ მონაცემებში სუბიექტის ელექტრონული ფოსტის მი ­სამართის, ტელეფონის ნომრისა და იურიდიული მისამართისაგან განს­ხ­ვა­­ვე­ბული მისამართის რეგისტრაციის, ასევე რეგისტრირებული მონაცემის ცვლილების ან შეწყვეტის რეგისტრაცია – 1 სამუშაო დღის ვადაში – 20 ლა­რი.“.

2. მე‑3 მუხლის პირველ პუნქტს დაემატოს შემდეგი შინაარსის „ნ“ და „ო“ ქვეპუნქტები:

„ნ) მეწარმეთა და არასამეწარმეო (არაკომერციული) იურიდიული პი­რების რეესტრიდან ამონაწერის ინგლისურ ენაზე მომზადება – 1 სამუშაო დღის ვადაში – 20 ლარი;

ო) სუბიექტის შესახებ, რომლის საქმიანობა დაკავშირებულია სურსა­თის/ცხოველის საკვების წარმოებასთან, გადამუშავებასთან, დისტრიბუციას­თან, რეალიზაციასთან, საკვებწარმოების ობიექტებთან, მეწარმეთა და არა­სამეწარმეო (არაკომერციული) იურიდიული პირების რეესტრიდან „მეწარ­მეთა და არასამეწარმეო (არაკომერციული) იურიდიული პირების რეგისტრა­ციის შესახებ ინსტრუქციით“ დადგენილი წესით ინფორმაციის მომზადება ინგლისურ ენაზე – 1 სამუშაო დღის ვადაში – 20 ლარი.“.

3. მე‑4 მუხლის პირველ პუნქტს დაემატოს შემდეგი შინაარსის „ნ“ ქვე­პუნქტი:

„ნ) მეწარმეთა და არასამეწარმეო (არაკომერციული) იურიდიული პი­რების რეგისტრირებულ მონაცემებში სუბიექტის ელექტრონული ფოსტის მი­სამართის, ტელეფონის ნომრისა და იურიდიული მისამართისაგან განს­ხვა­ვებული მისამართის რეგისტრაციის, ასევე რეგისტრირებული მონაცემის ცვლილების ან შეწყვეტის რეგისტრაცია – განცხადების შეტანის დღეს – 50 ლარი.“.

4. მე‑6 მუხლის „კ“ ქვეპუნქტი ჩამოყალიბდეს შემდეგი რედაქციით:

„კ) სახელმწიფო, თვითმმართველი ერთეული, საქართველოს ეროვნუ­ლი ბან­კი, აჭარის ან აფხაზეთის ავტონომიური რესპუბლიკა, იმ მეწარმის ან არასამეწარმეო (არაკომერციული) იურიდიული პირის რეგისტრა­ცი­ის, რე­გის­ტრირებულ მონაცემებში ცვლილებისა და მათი შეწყვე­ტის რე­­გისტრა­ცი­ის, აგრეთვე ამონაწერის ან ინფორმაციის მომ­ზადების მოთხოვნის შემთხვე­ვაში, რომელშიც იგი წარმოდგენილია პარტნიო­რის/დამფუძნებლის სახით . საფასურის გადახდისგან გათავისუფლება ვრცელდება ასევე ამ სუბიექტების მონაწილეობით დადებულ გარიგებაზე მხარეთა ხელმოწერების დადასტუ­რე­ბაზე;“.

5. მე‑6 მუხლს დაემატოს შემდეგი შინაარსის „ფ“, „ქ“, „ღ“, „ყ“, „შ“ და „ჩ“ ქვე­პუნქტები:

„ფ) ფაქტობრივ მფლობელობაში არსებული მიწის ნაკვეთების საზღვ­რის დადგენის რეგისტრაცია – 4 სამუშაო დღის ვადაში;

ქ) ამ დანართის მე-2 მუხლის „პ“ ქვეპუნქტით გათვალის­წინე­ბული მომ­სახურება, თუ ის მოთხოვნილია იმავე მუხლის „მ“ და „ნ“ ქვე­პუნქტებით გათვალისწინებულ მომსახურებასთან ერთად;

ღ) შეზღუდული პასუხისმგებლობის საზოგადოებისა და კომანდიტუ­რი საზოგადოების პარტნიორთა წილზე გირავნობის უფ­ლების, მათში ცვლი­ლების და მათი შეწყვეტის 1 სამუშაო დღის ვადაში რეგისტრაცია, თუ ის მო­თხოვნილია ამ დანართის მე-2 მუხლის „მ“ და „ნ“ ქვე­პუნქტებით გათვალის­წინებულ მომსახურებასთან ერთად;

ყ) „სააღსრულებო წარმოებათა შესახებ“ საქართველოს კანონის 69-ე მუხლის 1³ პუნქტით გათვალისწინებულ შემთხვევაში, საქართველოს იუს­ტი­ციის სამინისტროს მმართველობის სფეროში შემავალი საჯარო სამართ­ლის იურიდიული პირის – აღსრულების ეროვნული ბიუროს მიმართვის საფუძველზე ქონების რეგისტრაცია;

შ) პოლიტიკური პარტიის რეგისტრაცია, მასში ცვლილება და რეგის­ტრა­ციის შეწყვეტა;

ჩ) ადგილობრივი თვითმმართველობის ორგანოს განცხადების საფუძ­ველზე მრავალბინიან სახლებზე მიკუთვნებული მიწის ნაკვეთის საზღვრის და მასში ცვლილების რეგისტრაცია – 4 სამუშაო დღის ვადაში.“.

მუხლი 2. დადგენილება ამოქმედდეს გამოქვეყნებისთანავე.

პრემიერ‑მინისტრი                              ნ. გილაური