აქციონერ ჯიარდისი ბ.ვ.-ს მიერ სავალდებულო სატენდერო შეთავაზება სს „თბილისი ცენტრალი“-ს დარჩენილი აქციების გამოსასყიდად

განცხადება

სავალდებულო სატენდერო შეთავაზების თაობაზე

2012 წლის 14 ივნისი

სავალდებულო სატენდერო შეთავაზება სს „თბილისი ცენტრალის“ (ს/კ: 205129653) აქციათა ყიდვის თაობაზე კეთდება საქართველოს მეწარმეთა კანონის 53 ² მუხლის შესაბამისად, რომლის საფუძველიცაა აქციონერ ჯიარდისი ბ.ვ.-ს (მყიდველი) მიერ სს „თბილისი ცენტრალის“ კაპიტალში აქციათა საერთო რაოდენობის 1/2-ზე მეტის შეძენა.

გამოსყიდვის პირობები და პროცედურები :

● შემთავაზებელი ფლობს სს „თბილისი ცენტრალის” მიერ გამოშვებულ 7,506,750 (შვიდი მილიონ ხუთას ექვსი ათას შვიდას ორმოცდაათი) ცალ ჩვეულებრივ სახელობით აქციას, რაც შეადგენს გამოშვებული საწესდებო კაპიტალის 99.900190%-ს და სურს გამოისყიდოს სს „თბილისი ცენტრალის” დარჩენილი 7500 (შვიდი ათას ხუთასი) ცალი ჩვეულებრივი სახელობითი აქცია, რაც შეადგენს სს „თბილისი ცენტრალის“ გამოშვებული საწესდებო კაპიტალის 0.099810%-ს.

● სს „თბილისი ცენტრალის“ დარჩენილი აქციების გამოსასყიდი ფასი შეადგენს 1 (ერთი) ლარს ერთ ცალ აქციაზე (საშემოსავლო გადასახადის ჩათვლით). გამოსასყიდი ფასი სავალდებულო სატენდერო შეთავაზების მიზნისათვის დადგენილია ბროკერის მიერ და არის იმ ფასის ანალოგიური, რა ფასადაც ჯიარდისი ბ.ვ.-მ შეიძინა 2011 წლის 8 ივლისს გამოშვებული საწესდებო კაპიტალის 49.900190%.

● სავალდებულო სატენდერო შეთავაზება გამოყვეყნებული იქნება 2012 წლის 14 ივნისს და გაგრძელდება 2012 წლის 1 4 ივნისიდან 2012 წლის 14 ივლისამდე .

● განცხადებები მიიღება 2012 წლის 14 ივნისიდან 2012 წლის 14 ივლისამდე.

● განცხადებები განიხილება 2012 წლის 14 ივლისიდან 2012 წლის 21 ივლისამდე და იმავე ვადაში მიღებული იქნება გადაწყვეტილება.

● სს „თბილისი ცენტრალის“ გამოშვებული აქციების დარჩენილი 0.099810 %-ის, ანუ 7500 (შვიდი ათას ხუთასი) ცალი აქციის სრულად გაყიდვის თანხმობის არსებობის შემთხვევაში, შემთავაზებელი გამოისყიდის აქციათა სრულ რაოდენობას.

● სავალდებულო სატენდერო შეთავაზების რომელიმე პირობის შეცვლის შემთხვევაში, გაკეთდება შეთავაზების განცხადების განახლებული ვერსია და გავრცელდება დადგენილი წესით.

● შესყიდვა მოხდება სავალდებულო სატენდერო შეთავაზების ვადის გასვლის შემდეგ.

● სს „თბილისი ცენტრალის“ აქციონერთაგან აქციების გაყიდვაზე განაცხადების შეგროვებას განახორციელებს შეთავაზების აგენტი შპს „თიბისი ბროკერი“ (ლიცენზიის №20020), იურიდიული მისამართი: ქ. თბილისი, ჭავჭავაძის 11ა, საკონტაქტო ტელ.: 2272733 .

● „მეწარმეთა შესახებ” საქართველოს კანონის 53² მუხლის შესაბამისად, შესაძენ აქციათა გამოსასყიდი ფასის შეფასების ანგარიშის გაცნობა აქციონერებს შეუძლიათ შპს „თიბისი ბროკერ ში“ (ლიცენზიის №20020), საკონტაქტო მისამართი: ქ. თბილისი, მარჯანიშვილის ქ. 7, საკონტაქტო ტელ.: 2272733.

შემთავაზებელი

ჯიარდისი ბ.ვ.

უფლებამოსილი წარმომადგენელი: ზ. ცისკარიშვილი