ერედვის მუნიციპალიტეტის ბიუჯეტის ასიგნებების გადანაწილების წესის დამტკიცების შესახებ

ერედვის მუნიციპალიტეტის საკრებულოს

დადგენილება №11

2012 წლის 4 ივნისი

ქ. თ ბილისი

ერედვის მუნიციპალიტეტის ბიუჯეტის ასიგნებების  გადანაწილების წესის დამტკიცების შესახებ

საქართველოს საბიუჯეტო კოდექსის 69-ე მუხლის საფუძველზე, ერედვის მუნიციპალიტეტის საკრებულომ დაადგინა:

    მუხლი 1.

დამტკიცდეს ერედვის მუნიციპალიტეტის ბიუჯეტის ასიგნებების გადანაწილების წესი №1 დანართის შესაბამისად.

    მუხლი 2.

დამტკიცდეს ერედვის მუნიციპალიტეტის გამგეობის საფინანსო-საბიუჯეტო სამსახურის მიერ შესადგენი ხარჯთაღრიცხვის ცვლილების ცნობის ფორმა №2 დანართის შესაბამისად.

    მუხლი 3.

ეს დადგენილება ძალაში შევიდეს გამოქვეყნებისთანავე.

  საკრებულოს თავმჯდომარე                      ე . ბერუაშვილი

დანართი №1

ერედვის მუნიციპალიტეტის ბიუჯეტის ასიგნებების

გადანაწილების წესი

    მუხლი 1. ზოგადი დებულებანი

1. ერედვის მუნიციპალიტეტის ბიუჯეტის ასიგნებების გადანაწილების წესი (შემდგომში – წესი) შემუშავებულია საქართველოს საბიუჯეტო კოდექსის 69-ე მუხლის უზრუნველყოფის მიზნით.

2. ეს წესი განსაზღვრავს ერედვის მუნიციპალიტეტის ბიუჯეტის დაფინანსებაზე მყოფი მხარჯავი დაწესებულებებისათვის წლიური საბიუჯეტო გადაწყვეტილებით გამოყოფილი ასიგნების გადანაწილების მექანიზმს.

   მუხლი 2. ერედვის მუნიციპალიტეტის ბიუჯეტის ასიგნებების გადანაწილების ძირითადი პრინციპები

1. ერედვის მუნიციპალიტეტის ბიუჯეტის ასიგნებების გადანაწილება შეიძლება განხორციელდეს:

ა) მუნიციპალიტეტის დაფინანსებაზე მყოფ ერთი მხარჯავი დაწესებულებიდან სხვა მხარჯავ დაწესებულებაზე მხოლოდ დამტკიცებულ ბიუჯეტში ცვლილების შეტანით;

ბ) მხარჯავი დაწესებულების საბიუჯეტო კლასიფიკაციის მუხლებსა და კოდებს შორის , მხარჯავი დაწესებულებისათვის წლიური ბიუჯეტით დამტკიცებული გადასახდელების 5% -ის ფარგლებში, გარდა საქართველოს საბიუჯეტო კოდექსის 67-ე და 68-ე მუხლების შესაბამისად გამოყოფილი ასიგნებებისა.

2. ასიგნების გადანაწილების მომენტისათვის გასულ კვარტალში არსებული ასიგნება არ ექვემდებარება ცვლილებას, გარდა ერედვის მუნიციპალიტეტის საკრებულოს მიერ ბიუჯეტში განხორციელებული ცვლილებისა.

3. მუნიციპალიტეტის ბიუჯეტის დასაგეგმი წლის დაწყებამდე დაუმტკიცებლობის შემთხვევაში გამგეობა უფლებამოსილია მხარჯავ დაწესებულებებზე ყოველთვიურად გასცეს თანხა არა უმეტეს გასული საბიუჯეტო წლის ასიგნების 1/12-ისა.

    მუხლი 3. ერედვის მუნიციპალიტეტის ბიუჯეტის ასიგნებების გადანაწილების მოთხოვნის წარდგენა, განხილვა და შესრულება

1. საბიუჯეტო წლის განმავლობაში ბიუჯეტით დამტკიცებული ასიგნებების ეფექტურად ხარჯვის მიზნით, მხარჯავი დაწესებულება ბიუჯეტით მისთვის გამოყოფილი ასიგნების გადანაწილების შესახებ წარუდგენს ერედვის მუნიციპალიტეტის საფინანსო-საბიუჯეტო სამსახურს (შემდგომში – საფინანსო-საბიუჯეტო სამსახური) მხარჯავი დაწესებულების ხელმძღვანელის ხელმოწერით. წერილში აუცილებელია მოყვანილ იქნეს სათანადო არგუმენტაცია და დასაბუთება მხარჯავი დაწესებულების მიერ მოთხოვნილ ასიგნებათა გადანაწილებისა და მასზე ვალდებულების არსებობის თაობაზე.

2. წლიური საბიუჯეტო გადაწყვეტილებით დამტკიცებულ ასიგნებათა გადანაწილების შესახებ საფინანსო-საბიუჯეტო სამსახურში წარმოდგენილ მოთხოვნაზე პასუხის მიღებამდე მხარჯავმა დაწესებულებამ არ უნდა წარადგინოს განაცხადი იმ ასიგნებაზე, რომელთა გადანაწილებაზე არსებობს მოთხოვნა.

3. საფინანსო-საბიუჯეტო სამსახური განიხილავს წარმოდგენილ წერილობით მოთხოვნას და არა უგვიანეს სამი სამუშაო დღისა მუნიციპალიტეტის გამგებელს წარუდგენს შესაბამის წინადადებას ასიგნების გადანაწილების თაობაზე.

4. გამგებელი, საფინანსო-საბიუჯეტო სამსახურის მოსაზრებების გათვალისწინებით, წინადადებით მიმართავს საკრებულოს თავმჯდომარეს მხარჯავი დაწესებულების საბიუჯეტო კლასიფიკაციის მუხლებსა და კოდებს შორის თანხების გადანაწილებაზე თანხმობის თაობაზე.

5. საკრებულოს თავმჯდომარის ბრძანების საფუძველზე, საფინანსო-საბიუჯეტო სამსახური ამზადებს მხარჯავი დაწესებულებისათვის ბიუჯეტით გამოყოფილი ასიგნების ეკონომიკური კლასიფიკაციის მუხლებსა და კოდებს შორის გადანაწილების ცნობას.

6. წლიური საბიუჯეტო გადაწყვეტილებით გამოყოფილი ასიგნება ზუსტდება „ხარჯთაღრიცხვის ცვლილების ცნობით“. ცნობა დგება ორ ეგზემპლარად, რომლის პირველი ეგზემპლარი რჩება საფინანსო-საბიუჯეტო სამსახურში, ხოლო მეორე ეგზემპლარი გადაეცემა მხარჯავ დაწესებულებას.

7. იმ შემთხვევაში, თუ მხარჯავ დაწესებულებას წლიური საბიუჯეტო გადაწყვეტილებით გათვალისწინებული ასიგნების გადამეტებით სახსრები გამოეყოფა სარეზერვო ან წინა წლებში წარმოქმნილი დავალიანების დაფარვისა და სასამართლო გადწყვეტილებების აღსრულების ფონდიდან, ხარჯთაღრიცხვის ცვლილებების ცნობის საფუძველზე, შესაბამისი თანხებით მცირდება აღნიშნული ფონდები და იზრდება წლიური საბიუჯეტო გადაწყვეტილებით გათვალისწინებული შესაბამისი გასაცემლები. ამ შემთხვევაში მხარჯავი დაწესებულების დაფინანსების წლიური გეგმის დაზუსტება და ასიგნების გაცემა ხორციელდება ამ წესის მე-3 მუხლის მე-6 პუნქტის შესაბამისად.

დანართი №2

ერედვის მუნიციპალიტეტის გამგეობის საფინანსო-საბიუჯეტო სამსახური

ხარჯთაღრიცხვის ცვლილების ცნობა

№

201         წლის

___________________________________________________________________________________

მხარჯავი ორგანიზაციის დასახელება, ორგანიზაციული კოდი

___________________________________________________________________________________

(ცვლილების საფუძველი – დადგენილება, განკარგულება, ბრძანება)

201         წლის

___________________________________________________________________________________

ცვლილებების შინაარსი

(ლარებში)

დაფარვის ან მიმართვის წყარო

1. დამტკიცებული ბიუჯეტით გათვალისწინებული ასიგნება.

2. სარეზერვო ფონდი.

3. სხვა ცვლილება, ვალდებულების დაფარვა.

საფინანსო-საბიუჯეტო სამსახურის უფროსი: