„საჯარო სამართლის იურიდიული პირის – საქართველოს შინაგან საქმეთა სამინისტროს არქივის შექმნის შესახებ“ საქართველოს პრეზიდენტის 2011 წლის 6 სექტემბრის №494 ბრძანებულებაში ცვლილების შეტანის თაობაზე

საქართველოს პრეზიდენტის

ბრძანებულება №448

2012 წლის 31 მაისი

ქ. თბილისი

„ საჯარო სამართლის იურიდიული პირის – საქართველოს შინაგან საქმეთა სამინისტროს არქივის შექმნის შესახებ“ საქართველოს პრეზიდენტის 2011 წლის 6 სექტემბრის №494 ბრძანებულებაში ცვლილების შეტანის თაობაზე

1. ,,ნორმატიული აქტების შესახებ“ საქართველოს კანონის მე-20 მუხლის შესაბამისად, ,,საჯარო სამართლის იურიდიული პირის – საქართველოს შინაგან საქმეთა სამინისტროს არქივის შექმნის შესახებ“ საქართველოს პრეზიდენტის 2011 წლის 6 სექტემბრის №494 ბრძანებულებაში (სსმ, ვებგვერდი, 110907028, 07/09/2011 წ.) შეტანილ იქნეს ცვლილება და ამოღებულ იქნეს ბრძანებულების მე-3 პუნქტი და მე-3 პუნქტით დამტკიცებული საჯარო სამართლის იურიდიული პირის – საქართველოს შინაგან საქმეთა სამინისტროს არქივის დებულება.

2. განხორციელდეს საჯარო სამართლის იურიდიული პირის – საქართველოს შინაგან საქმეთა სამინისტროს არქივის რეორგანიზაცია საქართველოს შინაგან საქმეთა სამინისტროს მმართველობის სფეროში მოქმედ საჯარო სამართლის იურიდიულ პირთან – საქართველოს შინაგან საქმეთა სამინისტროს აკადემიასთან შერწყმის გზით.

3. საქართველოს შესაბამის საკანონმდებლო აქტებში ცვლილებების განხორციელებამდე, საჯარო სამართლის იურიდიული პირის – საქართველოს შინაგან საქმეთა სამინისტროს არქივის უფლებამონაცვლედ განისაზღვროს საქართველოს შინაგან საქმეთა სამინისტროს მმართველობის სფეროში მოქმედი საჯარო სამართლის იურიდიული პირი – საქართველოს შინაგან საქმეთა სამინისტროს აკადემია.

4. ეს ბრძანებულება, გარდა პირველი და მე-3 პუნქტებისა, ამოქმედდეს გამოქვეყნებისთანავე.

5. ამ ბრძანებულების პირველი და მე-3 პუნქტები ამოქმედდეს საქართველოს შინაგან საქმეთა მინისტრის შესაბამისი ნორმატიული აქტის ამოქმედებისთანავე.

მ . სააკაშვილი