„საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის – სამოქალაქო რეესტრის სააგენტოს და დელეგირებული უფლებამოსილების ფარგლებში საკონსულო თანამდებობის პირის მიერ გაწეული მომსახურების ვადების, ამ მომსახურებისათვის დაწესებული საფასურების ოდენობების და საფასურის გადახდის წესის დამტკიცების შესახებ“ საქართველოს მთავრობის 2011 წლის 29 დეკემბრის №508 დადგენილებაში ცვლილების შეტანის თაობაზე

საქართველოს მთავრობის

დადგენილება №166

2012 წლის 8 მაისი

ქ. თბილისი

„საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის – სამოქალაქო რეესტრის სააგენტოს და დელეგირებული უფლებამოსილების ფარგლებში საკონსულო თანამდებობის პირის მიერ გაწეული მომსახურების ვადების, ამ მომსახურებისათვის დაწესებული საფასურების ოდენობების და საფასურის გადახდის წესის დამტკიცების შესახებ“ საქართველოს მთავრობის 2011 წლის 29 დეკემბრის №508 დადგენილებაში ცვლილების შეტანის თაობაზე

მუხლი 1. „ნორმატიული აქტების შესახებ“ საქართველოს კანონის მე-20 მუხლის მე‑4 პუნქტის შესაბამისად, „საქართველოს იუსტიციის სამი­ნისტროს მმართველობის სფეროში მოქმედი საჯარო სამართლის იური­დი­ული პირის – სამოქალაქო რეესტრის სააგენტოს და დელეგირებული უფ­­ლებამოსილების ფარგლებში საკონსულო თანამდებობის პირის მიერ გა­წეული მომსახურების ვადების, ამ მომსახურებისათვის დაწესებული სა­ფა­სურების ოდენობების და საფასურის გადახდის წესის დამტკიცების შე­სა­ხებ“ საქართველოს მთავრობის 2011 წლის 29 დეკემბრის №508 დადგე­ნი­ლე­ბაში (www.matsne.gov.ge, 30.12.2011, 010240060.10.003.016668) შეტანილ იქნეს ცვლილება და დადგე­ნილე­ბით დამტკიცებული დანართის:

1. მე‑2 მუხლის:

ა) მე‑20 პუნქტის „ა“, „ბ“ და „გ“ ქვეპუნქტები ჩამოყალიბდეს შემდეგი რედაქციით:

„ა) მე-80 კალენდარულ დღეს მომზადებისათვის – მომსახურების სა­ფა­სური 250 ლარი;

ბ) მე-60 კალენდარულ დღეს მომზადებისათვის – მომსახურების სა­ფასური 250 ლარი და დაჩქარებული მომსახურების საფასური 100 ლა­რი;

გ) 30 კალენდარული დღის ვადაში მომზადებისათვის – მომსახუ­რე­ბის საფასური 250 ლარი და დაჩქარებული მომსახურების საფასური 250 ლა­რი.“;

ბ) მე‑40 და 41‑ე პუნქტები ჩამოყალიბდეს შემდეგი რედაქციით:

„40. უცხოეთში მცხოვრები თანამემამულის სტატუსის მინიჭების სა­კით­ხის განხილვისა და შესაბამისი გადაწყვეტილების მომზადები­სათვის განცხადების შეტანიდან:

ა) მე-80 კალენდარულ დღეს – მომსახურების საფასური 50 ლარი;

ბ) 70 კალენდარული დღის ვადაში – მომსახურების საფასური 50 ლა­რი და დაჩქარებული მომსახურების საფასური 50 ლარი.

41. უცხოეთში მცხოვრები თანამემამულის სტატუსის დამადასტუ­რე­ბელი მოწმობის გაცემისათვის განცხადების შეტანიდან:

ა) მე-10 სამუშაო დღეს – მომსახურების საფასური 50 ლარი;

ბ) მე-5 სამუშაო დღეს – მომსახურების საფასური 50 ლარი და დაჩქა­რებული მომსახურების საფასური 10 ლარი;

გ) მე-3 სამუშაო დღეს – მომსახურების საფასური 50 ლარი და დაჩქა­რე­ბული მომსახურების საფასური 20 ლარი;

დ) 24 საათის გასვლისთანავე – მომსახურების საფასური 50 ლარი და დაჩქარებული მომსახურების საფა­სური 30 ლარი;

ე) იმავე დღეს – მომსახურების საფასური 50 ლარი და დაჩქარებული მომსახურების საფასური 50 ლარი.“.

2. მე‑3 მუხლის მე‑2 პუნქტი ჩამოყალიბდეს შემდეგი რედაქციით:

„2. ელექტრონული კომუნიკაციის საშუალებით მიღებული განაცხა­დე­ბის საფუძველზე ამ დანართის მე-2 მუხლის მე-15–27‑ე, მე‑40 და 41‑ე პუნქტე­ბით გათვალისწინებული მომსახურებების გაწევისათვის საფასუ­რები გადაიხდევინება იმავე პუნქტებით გათვალისწინებული განაკვეთე­ბით.“.

3. მე-4 მუხლს დაემატოს შემდეგი შინაარსის 9¹ პუნქტი:

„9¹. უცხოეთში მცხოვრები თანამემამულის სტატუსის მინიჭების სა­კი­­თხის განხილვისა და შესაბამისი გადაწყვეტილების მომზადები­სათვის განცხადების შეტანიდან მე-80 კალენდარულ დღეს – მომსახურების საფა­სუ­რი 30 აშშ დოლარი.“.

4. მე‑8 მუხლს დაემატოს შემდეგი შინაარსის 6¹ პუნქტი:

„6¹. საქართველოს მოქალაქეობის მიღების საკითხის განხილვისა და შე­­საბამისი დასკვნის მომზადებისათვის ამ დადგენილებით გათვალის­წი­ნე­ბული მომსახურების საფასური არ გადაიხდევინება, თუ საქართ­ველოს მო­ქალაქეობის მიღების საკითხის განხილვის საფუძველია მეურვეობისა და მზრუნველობის ორგანოს მომართვა იმ პირთან დაკავ­შირებით, რომე­ლიც იმყოფება ამ ორგანოს მეურვეობის/მზრუნ­ველობის ქვეშ.“.

5. მე‑8 მუხლის მე‑18 პუნქტი ჩამოყალიბდეს შემდეგი რედაქციით:

„18. სააგენტო უფლებამოსილია საქართველოს მოქალაქის ბიომეტრი­ული პასპორტის, საქართველოს მოქალაქის პირადობის ელექტრონული მოწ­მობისა და სააგენტოსა და მის ტერიტორიულ სამსახურში ფოტოსუ­რა­თის გადაღებისათვის ამ დადგენილებით გათვალისწინებული მომსახურე­ბის საფასურის და დაჩქარებული მომსახურების საფასურის გადახდისაგან გაათავისუფლოს საქართველოს იუსტიციის სამინისტროს, საქართველოს იუსტიციის სამინისტროს მმართველობის სფეროში მოქმედი საჯარო სა­მართლის იურიდიული პირის ან მის მიერ ზემოაღნიშნულ დაწესე­ბუ­ლე­ბათა მომსახურების/საქმიანობის ცნობადობის გაზრდის ან/და საქა­რთ­ვე­ლოს მოქალაქის პირადობის ელექტრონული მოწმობის პოპულარი­ზა­ციის მიზნით გამოცხადებულ კონკურსში/ჩატარებულ ღონისძიებაში მო­ნაწი­ლე/გა­მარჯვებული პირი/პირები.“.

მუხლი 2. დადგენილება ამოქმედდეს გამოქვეყნებისთანავე.

პრემიერ‑მინისტრი               ნ . გილაური