სს „საქართველოს ბანკის“ აქციონერთა საყურადღებოდ!

განცხადება

სს „საქართველოს ბანკის” აქციონერთა საერთო კრების მოწვევის შესახებ

სს „საქართველოს ბანკის” (შემდგომში „ბანკი”) აქციონერთა მორიგი საერთო კრების ჩატარება განსაზღვრულია 2012 წლის 24 მაისს, 15:00 საათზე. ბანკის აქციონერთა მორიგი საერთო კრების დღის წესრიგი მოიცავს შემდეგ საკითხებს:

1. ბანკის 2011 წლის აუდიტირებული შედეგების დამტკიცების შესახებ;

2. დირექტორატის ანგარიში ბანკის 2011 წლის საქმიანობისა და ბანკის მომავალი გეგმებისა და სტრატეგიის შესახებ;

3. ბ-ნ კახა კიკნაველიძის სამეთვალყურეო საბჭოში არჩევის შესახებ;

4. მოგების განაწილების (დივიდენდების გადახდის) შესახებ;

5. დივიდენდების სააღრიცხვო თარიღის დადგენის შესახებ;

6. დივიდენდების გაცემის დაწყების თარიღის დადგენის შესახებ.

2012 წლის 24 მაისის აქციონერთა მორიგი საერთო კრების დღის წესრიგთან დაკავშირებით, ბანკის სამეთვალყურეო საბჭო და დირექტორატი აქციონერებს წარუდგენენ შემდეგი სახის რეკომენდაციებს:

დღის წესრიგის პირველ საკითხთან დაკავშირებით:

1. დამტკიცდეს „ერნსტ ენდ იანგის” მიერ აუდიტირებული ბანკის 2011 წლის ფინანსური შედეგები.

დღის წესრიგის მეორე საკითხთან დაკავშირებით:

1. დამტკიცდეს დირექტორატის ანგარიში ბანკის 2011 წლის საქმიანობის შესახებ;

2. ცნობად იქნეს მიღებული დირექტორატის ანგარიში ბანკის მომავალი გეგმებისა და სტრატეგიის შესახებ.

დღის წესრიგის მესამე საკითხთან დაკავშირებით:

1. ბ-ნ კახა კიკნაველიძეს გაუგრძელდეს სამეთვალყურეო საბჭოს წევრობის ვადა დამატებით 4 წლით.

დღის წესრიგის მეოთხე საკითხთან დაკავშირებით:

2. დამტკიცდეს ბანკის დირექტორატისა და სამეთვალყურეო საბჭოს ერთობლივი წინადადება 2011 წლის შედეგების მიხედვით მოგების განაწილების შესახებ და მოგების ნაწილი მიმართულ იქნეს დივიდენდების გასაცემად – ერთ აქციაზე 0.70 ლარის ოდენობით.

დღის წესრიგის მეხუთე საკითხთან დაკავშირებით:

1. დივიდენდების სააღრიცხვო თარიღად განისაზღვროს 2012 წლის 8 ივნისი 18.00 სთ-ის მდგომარეობით (თანახმად ბანკის წესდების 5.2.1 პუნქტისა).

დღის წესრიგის მეექვსე საკითხთან დაკავშირებით :

1. დივიდენდების გაცემის დაწყების თარიღად განისაზღვროს 2012 წლის 25 ივნისი (თანახმად ბანკის წესდების 5.2.2 პუნქტისა).

ბანკის აქციონერთა წლიური საერთო კრება გაიმართება სასტუმრო „შერატონ მეტეხი პალასის” საკონფერენციო დარბაზ „ოდიშში” შემდეგ მისამართზე: საქართველო, თბილისი, 0103, თელავის ქ. №20.

აქციონერთა რეგისტრაცია დაიწყება 2012 წლის 24 მაისს, 14:00 საათზე.

აქციონერთა სააღრიცხვო თარიღად დადგენილია 2012 წლის 23 აპრილი.

აქციონერთა საერთო წლიურ კრებაში მონაწილეობის უფლება შეიძლება გადამოწმებულ იქნეს 2012 წლის 14 მაისიდან სს „საქართველოს ბანკის” აქციების რეგისტრატორთან – სს „კავკასრეესტრი” შემდეგ მისამართზე: ჭავჭავაძის გამზირი №74ა, თბილისი, საქართველო.