„საქართველოს პროკურატურის ორგანოებში სტაჟირების გავლის წესის დამტკიცების შესახებ” საქართველოს იუსტიციის მინისტრის 2010 წლის 31 მაისის №105 ბრძანებაში ცვლილების შეტანის თაობაზე

საქართველოს იუსტიციის მინისტრის

ბრძანება № 58

2012 წლის 27 აპრილი

ქ. თბილისი

 „საქართველოს პროკურატურის ორგანოებში სტაჟირების გავლის წესის დამტკიცების შესახებ” საქართველოს იუსტიციის მინისტრის 2010 წლის 31 მაისის №105 ბრძანებაში ცვლილების შეტანის თაობაზე

„ნორმატიული აქტების შესახებ” საქართველოს კანონის მე-20 მუხლის მე-4 პუნქტის შესაბამისად, ვბრძანებ:

მუხლი 1. „საქართველოს პროკურატურის ორგანოებში სტაჟირების გავლის წესის დამტკიცების შესახებ” საქართველოს იუსტიციის მინისტრის 2010 წლის 31 მაისის №105 ბრძანებით (სსმ III, 2010 წ., №61, მუხ. 909 ) დამტკიცებულ წესში შეტანილ იქნეს შემდეგი ცვლილება:

1. მე-7 მუხლის მე-4 და მე-5 პუნქტები ჩამოყალიბდეს შემდეგი რედაქციით:

„4. სტაჟიორთა კონკურსში მონაწილეობის მისაღებად სტაჟიორობის კანდიდატმა სამდივნოში უნდა წარადგინოს ან შესაბამის ელექტრონული ფოსტის მისამართზე გააგზავნოს შემდეგი დოკუმენტები:

ა) წერილობითი განცხადება;

ბ) მოქალაქის პირადობის დამადასტურებელი დოკუმენტისან/და საცხოვრებელი ადგილის მიხედვით რეგისტრაციის მოწმობის ასლები;

გ) ავტობიოგრაფია (ნაბეჭდი ფორმით);

დ) დიპლომის და ნიშნების ფურცლის ასლი ან ცნობა ბაკალავრიატის დამამთავრებელი კურსის გავლის შესახებ;

ე) სერტიფიკატის ასლი პროკურატურის მუშაკთა საკვალიფიკაციო გამოცდის ჩაბარების, მოსამართლეობის საკვალიფიკაციო გამოცდის ან ადვოკატთა ტესტირების გავლის შესახებ (ასეთის არსებობის შემთხვევაში).

5. სტაჟიორობის კანდიდატმა სტაჟიორთა კონკურსის წარმატებით გავლის შემთხვევაში სამდივნოს დამატებით უნდა წარუდგინოს:

ა) ცნობა ჯანმრთელობის მდგომარეობის შესახებ;

ბ) სამედიცინო-ნარკოლოგიური შემოწმების ცნობა;

გ) სამხედრო ბილეთის ან მიწერის მოწმობის ასლი;

დ) დიპლომისა და ნიშნების ფურცლის ასლები;

ე) შრომის წიგნაკი ან ცნობა შრომითი საქმიანობის შესახებ (ასეთის არსებობის შემთხვევაში);

ვ) ორი ფოტოსურათი;

ზ) სერტიფიკატის ასლი პროკურატურის მუშაკთა საკვალიფიკაციო გამოცდის ჩაბარების, მოსამართლეობის საკვალიფიკაციო გამოცდის ან ადვოკატთა ტესტირების გავლის შესახებ.“.

2. მე-8 მუხლის მე-2 პუნქტი ჩამოყალიბდეს შემდეგი რედაქციით:

„2. კონკურსის პროგრამას და გამსვლელი სატესტო ქულის ბარიერს განსაზღვრავს მინისტრი.“.

3. 23-ე მუხლის მე-2 პუნქტი ჩამოყალიბდეს შემდეგი რედაქციით:

„2. საკადრო უზრუნველყოფის დეპარტამენტი უზრუნველყოფს სტაჟიორებისათვის შესაბამისი პირადობის მოწმობების დამზადებას და გაცემას.“.

4. 25-ე მუხლი ჩამოყალიბდეს შემდეგი რედაქციით:

     „მუხლი 25

სტაჟირებას კოორდინაციას უწევს საკადრო უზრუნველყოფის დეპარტამენტი, რომელიც ვალდებულია სტაჟირების ხელმძღვანელის მიერ სტაჟიორის შეფასების ფორმის (დანართი №2 ) მიწოდების შემდეგ, სტაჟიორზე დაკისრებული უფლება-მოვალეობების შესრულებასთან დაკავშირებით,შესაბამისი მონაცემები წარუდგინოს კომისიის თავმჯდომარეს და მთავარ პროკურორს.“.

5. 27-ე მუხლის პირველი პუნქტი ჩამოყალიბდეს შემდეგი რედაქციით:

„1. სტაჟირების საერთო ვადის გასვლის შემდეგ, სტაჟირების მიმდინარეობისას მიღებული შეფასებების გათვალისწინებით, კომისია ატარებს გასაუბრებას და ახდენს სტაჟიორთა შეფასებას.“.

6. წესს დაემატოს დანართი №2, თანდართული რედაქციით.

მუხლი 2. ეს ბრძანება ამოქმედდეს გამოქვეყნებისთანავე.

ზ. ადეიშვილი

დანართი №2

სტაჟიორის შეფასების ფორმა

ზოგადი კომპეტენციების შეფასება

დანართი №2

სტაჟიორის შეფასების ფორმა

პროფესიული უნარ-ჩვევების შეფასება

დანართი №2

სტაჟიორის შეფასების ფორმა