დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „საჯარო მოსამსახურეთა შემოსავლებისა და ქონებრივი მდგომარეობის დეკლარაციების წარდგენის, შენახვისა და გამოყენების წესის შესახებ დებულების თაობაზე“ საქართველოს პრეზიდენტის 1998 წლის 8 დეკემბრის №684 ბრძანებულებაში ცვლილების შეტანის შესახებ | |
|---|---|
| დოკუმენტის ნომერი | 318 |
| დოკუმენტის მიმღები | საქართველოს პრეზიდენტი |
| მიღების თარიღი | 19/04/2012 |
| დოკუმენტის ტიპი | საქართველოს პრეზიდენტის ბრძანებულება |
| გამოქვეყნების წყარო, თარიღი | ვებგვერდი, 20/04/2012 |
| ძალის დაკარგვის თარიღი | 29/05/2013 |
| სარეგისტრაციო კოდი | 010340000.08.002.016494 |
საქართველოს პრეზიდენტის
ბრძანებულება №318
2012 წლის 19 აპრილი
ქ. თბილისი
�საჯარო მოსამსახურეთა შემოსავლებისა და ქონებრივი მდგომარეობის დეკლარაციების წარდგენის, შენახვისა და გამოყენების წესის შესახებ დებულების თაობაზე� საქართველოს პრეზიდენტის 1998 წლის 8 დეკემბრის №684 ბრძანებულებაში ცვლილების შეტანის შესახებ
1. �ნორმატიული აქტების შესახებ� საქართველოს კანონის მე-20 მუხლის შესაბამისად, �საჯარო მოსამსახურეთა შემოსავლებისა და ქონებრივი მდგომარეობის დეკლარაციების წარდგენის, შენახვისა და გამოყენების წესის შესახებ დებულების თაობაზე� საქართველოს პრეზიდენტის 1998 წლის 8 დეკემბრის №684 ბრძანებულებაში (სსმ III, 1998 წ., №6, მუხ. 144) შეტანილ იქნეს ცვლილებები და ბრძანებულების პირველი პუნქტით დამტკიცებული დებულების:
ა) მე-4 მუხლის პირველი პუნქტი ჩამოყალიბდეს შემდეგი რედაქციით:
�1. საჯარო მოსამსახურე ვალდებულია თანამდებობაზე ყოფნისას ყოველწლიურად, საანგარიშო წლის მომდევნო წლის პირველ ივნისამდე, საცხოვრებელი ან სამუშაო ადგილის მიხედვით შემოსავლების სამსახურში (შემდეგში � საგადასახადო ორგანო) წარადგინოს თავისი და ოჯახის წევრების შემოსავლებისა და ქონებრივი მდგომარეობის ამსახველი დეკლარაცია თანდართული ფორმის შესაბამისად (დანართი №1).�;
ბ) მე-16 მუხლი ჩამოყალიბდეს შემდეგი რედაქციით:
��� ��მუხლი 16.
საგადასახადო ორგანოში დეკლარაციის მატერიალური ფორმით წარდგენისთანავე საჯარო მოსამსახურეზე (პრეტენდენტზე) თანდართული ფორმის შესაბამისად (დანართი №2) გაიცემა ცნობა დეკლარაციის წარდგენის შესახებ. ცნობას ხელს აწერს საგადასახადო ორგანოს უფროსი და ესმება ბეჭედი. ელექტრონული ფორმით დეკლარირების შემთხვევაში, საგადასახადო ორგანოს მიერ შესაბამის დაწესებულებას ეგზავნება ცნობა დეკლარაციის წარდგენის შესახებ არა უგვიანეს საანგარიშო წლის მომდევნო წლის 15 ივნისისა, ხოლო პრეტენდენტის შემთხვევაში � დეკლარაციის ბაზაში ასახვიდან არა უგვიანეს მეორე სამუშაო დღისა.�.
2. ეს ბრძანებულება ამოქმედდეს გამოქვეყნებისთანავე.
მ . სააკაშვილი
დოკუმენტის კომენტარები