„გარდაბნის მუნიციპალიტეტის გამგეობის დებულების დამტკიცების შესახებ” გარდაბნის მუნიციპალიტეტის საკრებულოს 2012 წლის 16 თებერვლის № 13 დადგენილებაში ცვლილების შეტანის შესახებ

გარდაბნის მუნიციპალიტეტის საკრებულოს

დადგენილება №19

2012 წლის 10 აპრილი

 ქ. გარდაბანი

„გარდაბნის მუნიციპალიტეტის გამგეობის დებულების დამტკიცების შესახებ ” გარდაბნის მუნიციპალიტეტის საკრებულოს 2012 წლის 16 თებერვლის № 13 დადგენილებაში ცვლილების შეტანის შესახებ

„ ადგილობრივი თვითმმართველობის შესახებ” საქართველოს ორგანული კანონის მე-16 მუხლის მე-2 პუნქტის „ ლ” ქვეპუნქტისა და „ნორმატიული აქტების შესახებ“ საქართველოს კანონის მე-2 0 მუხლის მე-4 პუნქტის საფუძველზე, გარდაბნის მუნიციპალიტეტის საკრებულომ დაადგინა:

    მუხლი 1

შევიდეს შემდეგი სახის ცვლილებ ები „გარდაბნის მუნიციპალიტეტის გამგეობის დებულების დამტკიცების შესახებ” გარდაბნის მუნიციპალიტეტის საკრებულოს 2012 წლის 16 თებერვლის №13 დადგენილები ს (სსმ, 20.02.2012) დანართში:

1. შევიდეს ცვლილება მე-13 მუხლის მე-2 პუნქტ ში და ჩამოყალიბდეს შემდეგი რედაქციით:

„2. გამგებელი:

ა) შეიმუშავებს და საკრებულოს თავმჯდომარეს წარუდგენს:

ა¹) გამგეობის სტრუქტურული ერთეულებისა და ტერიტორიული ორგანოების დებულებების პროექტებს;

ა²) გამგეობის საშტატო ნუსხას, გამგეობის მოსამსახურეთა თანამდებობრივ ინსტრუქციებსა და გამგეობის შინაგანაწესს;

ა³) წინადადებებს, რეკომენდაციებსა და სამართლებრივი აქტების პროექტებს, რომელიც კანონმდებლობის თანახმად აუცილებელია გამგეობის ფუნქციონირებისათვის;

ა⁴) გამგეობის სამუშაო გეგმებს;

ა⁵) გამგეობის საქმიანობის შესახებ ანგარიშს;

ა⁶) მუნიციპალიტეტის ბიუჯეტის, დამტკიცებულ ბიუჯეტში ცვლილებებისა და დამატებების შეტანის პროექტებს, აგრეთვე წინადადებებს დამტკიცებულ ბიუჯეტში ცვლილებების შეს ატა ნად, „ საქართველოს საბიუჯეტო კოდექსის” შესაბამისად, მხარჯავი დაწესებულების საბიუჯეტო კლასიფიკაციის მუხლებსა და კოდებს შორის თანხების გადანაწილების თაობაზე თანხმობის მიღების მიზნით;

ა⁷) ბიუჯეტის შესრულების შესახებ ყოველწლიურ და მიმდინარე ანგარიშს;

ა⁸) მუნიციპალური პროგრამების პროექტებს;

ა⁹) ადგილობრივი გადასახადებისა და ადგილობრივი მოსაკრებლების შემოღების, ცვლილებებისა და გაუქმების შესახებ წინადადებებსა და შესაბამისი ნორმატიული აქტების პროექტებს;

ა¹⁰) ადგილობრივი შესყიდვების გეგმის დამტკიცების თაობაზე წინადადებებს და შესაბამისი სამართლებრივი აქტების პროექტებს;

ა¹¹) თვითმმართველი ერთეულის სივრცით-ტერიტორიული დაგეგმვის და ამ მიზნით თვითმმართველი ერთეულის ტერიტორიის ზონებად დაყოფის, მათი საზღვრების დადგენისა და შეცვლის, საქართველოს კანონმდებლობით გათვალისწინებული ქალაქთ მშენებლობის დოკუმენტების შესახებ სამართლებრივი აქტების პროექტებს;

ა¹²) გამგეობის მოსამსახურეთა წახალისებისა და მათთვის დისციპლინური პასუხისმგებლობის დაკისრების შეს ახებ წინადადებებს;

ა¹³) წინადადებებს და სამართლებრივი აქტების პროექტებს თვითმმართველი ერთეულის ქონების მართვასთან და განკარგვასთან დაკავშირებით;

ბ) უშუალოდ ხელმძღვანელობს თვითმმართველი ერთეულის ბიუჯეტის პროექტის მომზადებას და შესრულებას ;

გ) საკრებულოს სამუშაო გეგმებიდან და სხდომების დღის წესრიგიდან გამომდინარე, კოორდინაციას უწევს შესაბამის საკითხთა მომზადებას. საკრებულოს თავმჯდომარეს განსახილველად წარუდგენს გამგეობის მიერ მომზადებულ საკითხებს, წინადადებებს, დასკვნებსა და რეკომენდაციებს. კოორდინაციას უწევს საკრებულოს გადაწყვეტილებათა შესრულებას;

დ) ანაწილებს ფუნქციებს გამგეობის მოსამსახურეთა შორის, აძლევს დავალებებს სტრუქტურული ერთეულებისა და თითმმართველი ერთეულის ტერიტორიული ორგანოების ხელმძღვანელებს და ისმენს მათ ანგარიშებს გაწეული მუშაობის შესახებ;

ე) კოორდინაციასა და ორგანიზებას უწევს გამგეობის სტრუქტურული ერთეულებისა და თვითმმართველი ერთეულის ტერიტორიული ორგანოების საქმიანობას;

ვ) „ საჯარო სამსახურის შესახებ” საქართველოს კანონით დადგენილი წესით თანამდებობაზე ნიშნავს და თანამდებობიდან ათავისუფლებს გამგეობის სტრუქტურული ერთეულებისა და თვითმმართველი ერთეულის ტერიტორიული ორგანოების ხელმძღვანელებს, გამგეობის სხვა თანამშრომლებს;

ზ) „ ადგილობრივი თვითმმართველობის შესახებ” საქართველოს ორგანული კანონით გათვალისწინებულ შემთხვევებში გამოსცემს ბრძანებებს;

ზ¹) გამოსცემს ინდივიდუალურ-ადმინისტრაციულ აქტებს მშენებლობის ნებართვისა და შენობა-ნაგებობების ექსპლუატაციაში მიღებასთან დაკავშირებით;

თ) ახორციელებს მოქმედი კანონმდებლობით, გამგეობის დებულებითა და საკრებულოს სამართლებრივი აქტებით გათვალისწინებულ სხვა უფლებამოსილებებს.”.

2. შევიდეს ცვლილება მე-11 მუხლის მე-3 პუნქტში და ჩამოყალიბდეს შემდეგი რედაქციით:

„ 3. თვითმმართველი ერთეულის ტერიტორიული ორგანოების უფლებამოსილებანი განისაზღვრება შესაბამისი დებულებით, რომლის პროექტს შეიმუშავებს გამგებელი და წარუდგენს საკრებულოს თავმჯდომარეს, საკრებულოს მიერ დამტკიცების მიზნით.”

    მუხლი 2

დადგენილება ძალაშია გამოქვეყნებისთანავე.

    მუხლი 3

დადგენილება შეიძლება გასაჩივრდეს სასამართლოში საქართველოს ადმინისტრაციული საპროცესო კოდექსის 22-ე მუხლის მე-3 ნაწილით დადგენილი წესით, უშუალო ზიანის მიყენებიდან 3 თვის ვადაში.

საკრებულოს თავმჯდომარე        გ. ფეიქრიშვილი