საქართველოს საგადასახადო კოდექსში ცვლილებებისა და დამატებების შეტანის თაობაზე

საქართველოს კანონი

საქართველოს საგადასახადო კოდექსში ცვლილებებისა და დამატებების შეტანის შესახებ

საქართველოს პარლამენტი ადგენს:

I. საქართველოს საგადასახადო კოდექსში (პარლამენტის უწყებანი, №32, 24 ივლისი, 1997) შეტანილ იქნეს შემდეგი ცვლილებები და დამატებები:

1. 43-ე მუხლის მე-2 ნაწილს დაემატოს შემდეგი შინაარსის „ვ“ ქვეპუნქტი:

„ვ. პირებისა, რომლებმაც აღსაზრდელად (შვილობილად) აიყვანეს ბავშვი“.

2. 92-ე მუხლის პირველ ნაწილში სიტყვები „20000 ლარს“ შეიცვალოს სიტყვებით „35000 ლარს“.

3. 101-ე მუხლის პირველი ნაწილის „ტ“ ქვეპუნქტი ჩამოყალიბდეს შემდეგი რედაქციით:

„ტ. პერიოდული ჟურნალ-გაზეთების, მხატვრული ლიტერატურის ბეჭდვა, მიწოდება, იმპორტი და რეალიზაციის მომსახურება;“.

4. 130-ე მუხლის ცხრილი ჩამოყალიბდეს შემდეგი რედაქციით:

5. 150-ე მუხლის პირველი ნაწილის:

ა)  „ა“ ქვეპუნქტში სიტყვის „ადმინისტრაციული“ წინ დაემატოს სიტყვები „საქალაქო (სადაბო)“; ხოლო ცხრილის მე-7 პუნქტიდან სიტყვა „ახალციხე“ გადატანილ იქნეს მე-12 პუნქტში;

ბ) „ბ“ ქვეპუნქტის ცხრილის პირველი პუნქტიდან სიტყვა „ახალციხე“ გადატანილ იქნეს მე-2 პუნქტში.

6. 154-ე მუხლიდან ამოღებულ იქნეს მე-2 და მე-3 ნაწილები.

7.   188-ე მუხლის პირველი ნაწილის „ა“ ქვეპუნქტში სიტყვები „ა“, „ბ“ და „დ“ პუნქტებით“ შეიცვალოს სიტყვებით  „ა“, „ბ“, „დ“ და „ე“ ქვეპუნქტებით.“

8.  189-ე მუხლის მე-3 ნაწილში სიტყვები „დ“ ქვეპუნქტში“ შეიცვალოს სიტყვებით „დ“ და „ე“ ქვეპუნქტებში“.

9. 194-ე მუხლის:

ა) მე-4 ნაწილის „ბ“ ქვეპუნქტიდან ამოღებულ იქნეს სიტყვა „ხოლო“. ამავე ქვეპუნქტს დაემატოს სიტყვები „ხოლო კომუნალური და სოფლის წყალსადენებისათვის მტკნარი (მიწისქვეშა და ზედაპირული) წყლის რესურსებით სარგებლობისათვის 1 კუბ.მ წყალზე – 0,01 თეთრს;“;

მე-5 ნაწილს დაემატოს შემდეგი შინაარსის „დ“ ქვეპუნქტი:

„დ. გარემოდან გადამფრენი ფრინველების ამოღებაზე ერთჯერადი ფიქსირებული გადასახადი სეზონზე შეადგენს 5 ლარს“.

10. 197-ე მუხლის „გ“ ქვეპუნქტი ამოღებულ იქნეს, ხოლო „ბ“ ქვეპუნქტი ჩამოყალიბდეს შემდეგი რედაქციით:

„ბ. ახორციელებენ ბენზინის, დიზელის საწვავის, ნავთის, მაზუთის, ბუნებრივი და თხევადი აირის (საქონლის საწარმოებლად ნედლეულის სახით გამოყენებული ბუნებრივი აირის გარდა) იმპორტსა და მის წარმოებას.“

11. 198-ე მუხლის:

ა) მე-2 ნაწილს დაემატოს სიტყვები „(გარდა საქონლის საწარმოებლად ნედლეულის სახით გამოყენებული ბუნებრივი აირისა)“;

ბ) მე-3 ნაწილი ამოღებულ იქნეს, ხოლო მე-4 ნაწილი ჩაითვალოს მე-3 ნაწილად.

12.  მე-200 მუხლის:

ა) პირველი ნაწილის „ბ“ ქვეპუნქტის ცხრილში სიტყვა „ცინკი“ შეიცვალოს სიტყვით „თუთია“;

ბ) მე-4 და მე-5 ნაწილები ჩამოყალიბდეს შემდეგი რედაქციით:

„4. სტაციონარული წყაროებიდან ლიმიტის ზევით ატმოსფეროში (წყალში) გამოფრქვეულ (ჩაშვებულ) ყოველ ტონა მავნე ნივთიერებაზე გადაიხდება ლიმიტის ფარგლებში დადგენილი გადასახადის განაკვეთის ხუთმაგი ოდენობა.

5. იმპორტირებული, აგრეთვე საქართველოში წარმოებული და მიწოდებული ბენზინის, დიზელის საწვავის, ნავთის, მაზუთის, ბუნებრივი და თხევადი აირის (გარდა საქონლის საწარმოებლად ნედლეულის სახით გამოყენებული ბუნებრივი აირისა) გადასახადის განაკვეთები განისაზღვრება შემდეგი ოდენობით:

                                                                                                                                                           “

13.  202-ე მუხლის მე-2 ნაწილიდან ამოღებულ იქნეს სიტყვა „ბუნებრივი“.

14.  205-ე მუხლის:

ა) პირველი ნაწილის ცხრილი ჩამოყალიბდეს შემდეგი რედაქციით:

ბ) მე-3 ნაწილი ჩამოყალიბდეს შემდეგი რედაქციით:

„3. ამ კოდექსის 204-ე მუხლში მითითებული ავტოსატრანსპორტო საშუალებათა მფლობელები თითოეულ ღერძზე ზენორმატიული დატვირთვისას დამატებით გადაიხდიან გადასახადს: 0,5 ტონამდე (ჩათვლით) – 50 ლარს, 0,5-იდან 1 ტონამდე (ჩათვლით) – 80 ლარს, 1-იდან 1,5 ტონამდე (ჩათვლით) – 100 ლარს, 1,5-იდან 2 ტონამდე (ჩათვლით) – 125 ლარს, 2-იდან 2,5 ტონამდე (ჩათვლით) – 170 ლარს, 2,5-იდან 3 ტონამდე (ჩათვლით) – 250 ლარს“.

15.  207-ე მუხლის პირველ ნაწილში სიტყვები „10 ლარს”, „12 ლარს“, „20 ლარს“, „32 ლარს“ შეიცვალოს შესაბამისად სიტყვებით „20 ლარს“, „25 ლარს“, „40 ლარს“, „60 ლარს“.

16.  218-ე მუხლს დაემატოს შემდეგი შინაარსის მე-7 ნაწილი:

„7. შემოსავლების რეალობის დადგენის მიზნით საგადასახადო ორგანოები ახდენენ გადამხდელთა საქმიანობაზე დაკვირვებას და მის გამოკვლევას ქრონომეტრაჟის, საკონტროლო შესყიდვების ჩატარების ან ამ კოდექსით გათვალისწინებული სხვა მეთოდის გამოყენებით. ამასთან, თუ დადგინდა, რომ საშუალო დღიური ბრუნვა (წარმოების მოცულობა) 20 და მეტი პროცენტით აღემატება გადამხდელის მიერ დეკლარირებულ წინა ერთი თვის საშუალო დღიურ ბრუნვას, გადამხდელს გადახდება ჯარიმა დაკვირვებით გაანგარიშებულ და დეკლარირებულ ბრუნვებს შორის სხვაობის ორმოცდაათმაგი ოდენობით. აღნიშნული მეთოდების გამოყენებით გადამხდელთა საქმიანობაზე დაკვირვებისა და გამოკვლევის ჩატარების წესს საქართველოს ფინანსთა სამინისტროსთან შეთანხმებით ადგენს საქართველოს სახელმწიფო საგადასახადო დეპარტამენტი.“

17. 252-ე მუხლის პირველ ნაწილს დაემატოს შემდეგი შინაარსის ტექსტი:

„ამასთან, იმ შემთხვევაში, როცა საგადასახადო ვალდებულებების შეუსრულებლობის პერიოდში გადამხდელი ახდენს სხვა მიზნებზე თანხების მიმართვას, ან საგადასახადო ორგანოებში დაუფიქსირებელი საბანკო ანგარიშებიდან ახორციელებს თანხების ხარჯვას, მაშინ გადამხდელს სანქციის სახით, უმცირესი თანხის მიხედვით გადახდება დაუფარავი საგადასახადო ვალდებულებების საერთო თანხის ან სხვა მიზნებზე მიმართული თანხების 30 %, ხოლო სანქციის გამოყენებიდან 1 წლის განმავლობაში დარღვევის განმეორების შემთხვევაში გადამხდელს გადახდება აღნიშნული თანხების 50 %“.

18. 270-ე მუხლი ჩამოყალიბდეს შემდეგი რედაქციით:

     „მუხლი 270. საგადასახადო ორგანოთა მატერიალური წახალისება და მატერიალურ-ტექნიკური უზრუნველყოფა

1. საგადასახადო ორგანოთა მატერიალური წახალისებისა და მატერიალურ-ტექნიკური უზრუნველყოფისათვის საგადასახადო ორგანოების მიერ კონტროლირებადი შემოსავლების მიხედვით სახელმწიფო ბიუჯეტსა და სპეციალურ ფონდებში ფაქტიურად ჩარიცხული თანხების 3 პროცენტი, აგრეთვე ბიუჯეტისა და სპეციალური ფონდების სასარგებლოდ დამატებით დარიცხული და ჩარიცხული თანხების 10 პროცენტი ირიცხება ხაზინაში საგადასახადო ორგანოებისათვის გახსნილ სპეციალურ ანგარიშზე. აღნიშნულ ანგარიშზე თანხების ჩარიცხვა ხდება სახელმწიფო ბიუჯეტში და სპეციალურ ფონდებში ჩარიცხული თანხების პროპორციულად საბანკო დაწესებულების მიერ“.

2. საგადასახადო ორგანოთა მატერიალური წახალისებისა და მატერიალურ-ტექნიკური უზრუნველყოფისათვის სახსრების ხარჯვის წესს ადგენს საქართველოს სახელმწიფო საგადასახადო დეპარტამენტი.“.

19.  273-ე მუხლის:

მე-2 ნაწილი ჩამოყალიბდეს შემდეგი რედაქციით:

„2. 2000 წლის 31 დეკემბრამდე მსუბუქი ავტომობილების იმპორტის დროს იმპორტიორის მიერ გადასახდელი აქციზი იმპორტული ავტომობილის ძრავის მოცულობის ყოველ კუბურ სანტიმეტრზე განისაზღვროს 0,1 ლარის ოდენობით.“;

ბ) მე-3 ნაწილი ჩამოყალიბდეს შემდეგი რედაქციით:

„3. საწარმოებისათვის, რომლებიც ახორციელებენ სასმელი და სარწყავი წყლის მიწოდებას, საკანალიზაციო წყლების გატარება-ჩაშვებისა და გაწმენდის სამუშაოებსა და მომსახურებას, აგრეთვე საბიუჯეტო დაფინანსებაზე მყოფი ჯანმრთელობის დაცვის ორგანიზაციებისათვის 2000 წლის 1 იანვრამდე საქონლის (სამუშაოს, მომსახურების) მიწოდების მოცულობა განისაზღვრება ფაქტობრივად ანაზღაურებული ღირებულების მიხედვით. ამასთან, ამ საწარმოების მიერ მიწოდებული საქონლის (სამუშაოს, მომსახურების) მიხედვით დღგ-ის ჩათვლა განხორციელდეს მათი ღირებულების ფაქტობრივად ანაზღაურების შემთხვევაში.“;

გ) მე-13 ნაწილში სიტყვები „1999 წლის 1 ივლისამდე“ შეიცვალოს სიტყვებით „2000 წლის 1 იანვრამდე“. ამავე ნაწილის „ა“ ქვეპუნქტში სიტყვები „უმაღლესი, I, II, A და B კლასის სიგარეტი და სიგარილა“ შეიცვალოს სიტყვებით „ფილტრიანი სიგარეტი და სიგარილა“; ხოლო სიტყვები „ყველა დანარჩენი კლასის სიგარეტი და პაპიროსი“ – სიტყვებით „ყველა დანარჩენი უფილტრო სიგარეტი და პაპიროსი“.

II. ეს კანონი ამოქმედდეს გამოქვეყნებიდან მე-15 დღეს;

III. ამ კანონის I მუხლის:

1. მე-10–12 პუნქტების მოქმედება პლასტმასის ბოთლებთან მიმართებაში გავრცელდეს 1998 წლის 1 დეკემბრიდან წარმოშობილ ურთიერთობებზე.

2. მე-19 პუნქტის „გ“ ქვეპუნქტის პირველი წინადადება ამოქმედდეს გამოქვეყნებისთანავე, ხოლო მისი მოქმედება გავრცელდეს 1999 წლის 1 ივლისიდან წარმოშობილ ურთიერთობებზე.

საქართველოს პრეზიდენტი            ე. შევარდნაძე

თბილისი,

1999 წლის 25 ივნისი.

№2180–IIს