მარტვილის მუნიციპალიტეტის ქონების სასყიდლიან სარგებლობაში გადაცემისას საწყისი წლიური ქირის ოდენობის განსაზღვრის შესახებ

მარტვილის მუნიციპალიტეტის საკრებულოს

დადგენილება №10

2012 წლის 23 მარტი

ქ. მარტვილი

მარტვილის მუნიციპალიტეტის ქონების სასყიდლიან სარგებლობაში გადაცემისას საწყისი წლიური ქირის ოდენობის განსაზღვრის შესახებ

საქართველოს ორგანული კანონი „ადგილობრივი თვითმმართველობის შესახებ“ მუხლი 22, პუნქტი „ 1“-ის „ქ“ ქვეპუნქტის, საქართველოს კანონი „ ადგილობრივი თვითმმართველი ერთეულის ქონების შესახებ“ მუხლი 19⁵, პუნქტი 3-ის შესაბამისად, მარტვილის მუნიციპალიტეტის საკრებულომ დაადგინა:

    მუხლი 1

მარტვილის მუნიციპალიტეტის ქონების სასყიდლიან სარგებლობაში გადაცემისას საწყისი წლიური ქირა განისაზღვროს შემდეგი ოდენობით:

1. არასასოფლო-სამეურნეო დანიშნულების 1² მეტრ მიწაზე 5 ლარით.

2. სხვა უძრავ ნივთებზე – ნივთის საბაზრო ღირებულების არანაკლებ 5%-ის ოდენობით.

3. მოძრავ ნივთებზე – ნივთის საბაზრო ღირებულების არანაკლებ 5%-ის ოდენობით.

    მუხლი 2

ამ დადგენილების 1-ლი მუხლის მე-2 და მე-3 პუნქტებით გათვალისწინებული ნივთების საბაზრო ღირებულება განისაზღვროს მოქმედი კანონმდებლობის შესაბამისად.

    მუხლი 3

ძალადაკარგულად გამოცხადდეს ,,მარტვილის მუნიციპალიტეტის ქონების სასყიდლიან სარგებლობაში გადაცემისას საწყისი წლიური ქირის ოდენობის განსაზღვრის შესახებ“ მარტვილის მუნიციპალიტეტის საკრებულოს 2011 წლის 29 აპრილის №11 დადგენილება.

    მუხლი 4

დადგენილება ძალაში შედის გამოქვეყნებისთანავე.   

საკრებულოს თავმჯდომარის მ.შ

საკრებულოს თავმჯდომარის მოადგილე          ბ. მიქავა