„საქართველოში უნაღდო ანგარიშსწორების წესების დამტკიცების შესახებ“ საქართველოს ეროვნული ბანკის პრეზიდენტის 2007 წლის 26 ივნისის №166 ბრძანებაში ცვლილების შეტანის თაობაზე

საქართველოს ეროვნული ბანკის პრეზიდენტის

ბრძანება №41/04

2012 წლის 20 მარტი

ქ. თბილისი

 „საქართველოში უნაღდო ანგარიშსწორების წესების დამტკიცების შესახებ“ საქართველოს ეროვნული ბანკის პრეზიდენტის 2007 წლის 26 ივნისის №166 ბრძანებაში ცვლილების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის და „საქართველოს ეროვნული ბანკის შესახებ“ საქართველოს ორგანული კანონის მე-15 მუხლის პირველი პუნქტის „ზ“ ქვეპუნქტის  შესაბამისად, ვბრძანებ:

მუხლი 1. „საქართველოში უნაღდო ანგარიშსწორების წესების დამტკიცების შესახებ“ საქართველოს ეროვნული ბანკის პრეზიდენტის 2007 წლის 26 ივნისის №166 ბრძანებით (სსმ III, 10.07.2007, №97, მუხ. 1040) დამტკიცებულ წესებში განხორციელდეს შემდეგი ცვლილება:

1. მე-2 მუხლის მე-6 პუნქტის შემდეგ დაემატოს შემდეგი რედაქციის მე-7 პუნქტი:

„7. კომერციული ბანკი იურიდიულ პირთან ანგარიშსწორებას ახორციელებს იურიდიული პირის საბანკო ანგარიშის მეშვეობით.“.

2. მე-9 მუხლის 3¹ პუნქტის შემდეგ დაემატოს შემდეგი რედაქციის 3² და 3³ პუნქტები:

„3². ფიზიკური პირის მიერ ანგარიშის გახსნის გარეშე ფულადი სახსრების გადარიცხვა დასაშვებია, თუ გადასარიცხი თანხის ოდენობა არ აღემატება 1500 ლარს, გარდა იმ შემთხვევისა, როდესაც გადარიცხვა დაკავშირებულია:

ა) საგანმანათლებლო დაწესებულებაში სწავლების საფასურის გადახდასთან;

ბ) კომუნალური გადასახადების გადახდასთან;

გ) ცენტრალური ან/და ადგილობრივი ბიუჯეტის სასარგებლოდ გადახდებთან;

დ) საჯარო სამართლის იურიდიული პირების სასარგებლოდ გადახდებთან.

3³. ამ მუხლის 3² პუნქტის მოთხოვნები არ ვრცელდება სპეციალური სისტემების საშუალებით განხორციელებულ ფულად გზავნილზე.“.

მუხლი 2. ეს ბრძანება ამოქმედდეს  2012 წლის 15 აპრილიდან.

გ. ქადაგიძე