„ტექნიკური რეგლამენტის „საჰაერო მოძრაობის სამსახურების და საშუალებების სერტიფიცირების წესების“ დამტკიცების შესახებ“ საქართველოს ეკონომიკური განვითარების სამინისტროს ერთიანი სატრანსპორტო ადმინისტრაციის უფროსის 2008 წლის 19 მაისის №64 ბრძანებაში ცვლილებების შეტანის თაობაზე

სსიპ – სამოქალაქო ავიაციის სააგენტოს დირექტორის

ბრძანება №52

2012 წლის 16 მარტი

ქ. თბილისი

„ტექნიკური რეგლამენტის „საჰაერო მოძრაობის სამსახურების და საშუალებების სერტიფიცირების წესების“ დამტკიცების შესახებ“ საქართველოს ეკონომიკური განვითარების სამინისტროს ერთიანი სატრანსპორტო ადმინისტრაციის უფროსის 2008 წლის 19 მაისის №64 ბრძანებაში ცვლილებების შეტანის თაობაზე

„ტრანსპორტის სფეროს მართვისა და რეგულირების შესახებ“ საქართველოს მე -10 მუხლის მე–3 და მე -4 პუნქტების, „ნორმატიული აქტების შესახებ” საქართველოს კანონის მე -20 მუხლის მე -4 პუნქტის საფუძველზე,  ვბრძანებ:

  მუხლი 1. „ტექნიკური რეგლამენტის „საჰაერო მოძრაობის სამსახურების და საშუალებების სერტიფიცირების წესების“ დამტკიცების შესახებ” საქართველოს ეკონომიკური განვითარების სამინისტროს ერთიანი სატრანსპორტო ადმინისტრაციის უფროსის 2008 წლის 19 მაისის №64 ბრძანებასა (სსმ III, 23.05.2008 წ., №75, მუხ. 812) და ამ ბრძანებით დამტკიცებულ ტექნიკურ რეგლამენტში „საჰაერო მოძრაობის სამსახურებისა და საშუალებების სერტიფიცირების წესები“ (შემდეგ – წესები) შეტანილ იქნეს შემდეგი ცვლილებები:

1. ბრძანების პრეამბულა ჩამოყალიბდეს შემდეგი რედაქციით:

„საქართველოს საჰაერო კოდექსის 56-ე მუხლის, „ტრანსპორტის სფეროს მართვისა და რეგულირების შესახებ“ საქართველოს კანონის მე-7 მუხლის მე-4 პუნქტის „გ“ ქვეპუნქტისა და „ტრანსპორტის სფეროში ტექნიკური რეგლამენტების ნუსხის დამტკიცების შესახებ“ საქართველოს ეკონომიკისა და მდგრადი განვითარების მინისტრის 2011 წლის 9 ივნისის №1-1/883 ბრძანებით დამტკიცებული „ტრანსპორტის სფეროში ტექნიკური რეგლამენტების ნუსხის“ მე-2 მუხლის „ბ“ ქვეპუნქტის საფუძველზე, ვბრძანებ :“.

 2. წესების პირველი მუხლის:

 ა) მე-4 და მე-5 პუნქტები ჩამოყალიბდეს შემდეგი რედაქციით:

„4. პირს არა აქვს უფლება საქართველოს საჰაერო სივრცეში განახორციელოს საჰაერო მოძრაობის მომსახურება და ამ მიზნით გამოიყენოს ტექნიკური საშუალებები, თუ მას არ გააჩნია ამ წესის შესაბამისად გაცემული და მოქმედი „საჰაერო მოძრაობის სამსახურის სერტიფიკატი“ (შემდგომ – სამსახურის სერტიფიკატი), ხოლო ტექნიკურ საშუალებებს არ გააჩნიათ მწარმოებლის მიერ გაცემული სერტიფიკატ(ებ)ი ან სხვა ეკვივალენტური საბუთ(ებ)ი და ეს ტექნიკური საშუალებები არ არის აღიარებული ამ წესის შესაბამისად.

5. სამსახურის სერტიფიკატის გაცემას, გაცემაზე უარის თქმას, სერტიფიკატის მოქმედების ვადის შეჩერებას, განახლებას, სერტიფიკატის გაუქმებას, სამსახურის ფრენის უსაფრთხოებასთან დაკავშირებულ საქმიანობაზე ზედამხედველობასა და კონტროლს, აგრეთვე ტექნიკური საშუალებების აღიარებას, ამ წესის შესაბამისად, ახორციელებს საქართველოს ეკონომიკისა და მდგრადი განვითარების სამინისტროს სისტემაში შემავალი საჯარო სამართლის იურიდიული პირი – სამოქალაქო ავიაციის სააგენტო (შემდგომ – სააგენტო). სამსახურის სერტიფიკატის გაცემასთან, მოქმედების ვადის შეჩერებასთან, განახლებასთან, სერტიფიკატის გაუქმებასთან, სამსახურის საჰაერო მოძრაობის მომსახურების უფლებების შეზღუდვასთან დაკავშირებული ინფორმაცია, სააგენტოს მიერ, ამ წესის მე-9 მუხლით განსაზღვრული მოთხოვნების შესაბამისად, აისახება საქართველოს ჰაერსანაოსნო ინფორმაციის კრებულში (AIP).“;

ბ) მე-9, მე-10, მე-11 და მე-12 პუნქტები ჩამოყალიბდეს შემდეგი რედაქციით:

 „9. სააგენტოს მიერ აღიარებული ტექნიკური საშუალების ექსპლუატაციაზე ზედამხედველობას ახორციელებს:

 ა) სამსახური, ამ წესის მე-19 მუხლის მე-2 პუნქტის „ე“ ქვეპუნქტის, 22-ე მუხლის და საქართველოს კანონმდებლობის შესაბამისად;

 ბ) მწარმოებელი, მის მიერ შემუშავებული ან აღიარებული ტექნიკური რეგლამენტის/წესის და ამ წესის მე-19 მუხლის მე-2 პუნქტის „ე“ ქვეპუნქტის შესაბამისად;

 გ) სააგენტო, ამ წესის მე-20, 21-ე და 22-ე მუხლების შესაბამისად.“.

  10. სააგენტო, ამ წესით გათვალისწინებული ფუნქციების განსახორციელებლად, უფლებამოსილია, საქართველოს კანონმდებლობით დადგენილი წესით, მოიწვიოს ICAO-ს ან სამოქალაქო ავიაციის ევროპის კონფერენციის მიერ აღიარებული საერთაშორისო ორგანიზაციის ან ჩიკაგოს კონვენციის მონაწილე სახელმწიფოს უფლებამოსილი სპეციალისტ(ებ)ი. ამ პუნქტით განსაზღვრულ შემთხვევაში სერტიფიცირება/აღიარება ხორციელდება ამ წესის მე-7 მუხლის შესაბამისად.

 11. იმ პირობების შეცვლისას, რომელთა მიხედვითაც გაცემული იყო სამსახურის სერტიფიკატი, სამსახური მოვალეა ახალი პირობებით საჰაერო მოძრაობის მომსახურების განხორციელებამდე, სააგენტოში წარადგინოს განცხადება სამსახურის სერტიფიკატში და/ან მის დანართში საჭირო ცვლილებების შესატანად (დანართი №2). განცხადების განხილვა და შესაბამისი გადაწყვეტილების მიღება ხორციელდება იმავე წესით, როგორც სამსახურის სერტიფიკატის გაცემა.

 12. სამსახურის სერტიფიკატის მფლობელის მიერ საჰაერო მოძრაობის მომსახურებასთან დაკავშირებულ საქმიანობაზე, აგრეთვე, ტექნიკური საშუალებების ექსპლუატაციაზე მუდმივ ზედამხედველობას ახორციელებს სააგენტოს უფლებამოსილი წარმომადგენელი, რომლის დროსაც დგინდება ამ ტექნიკური საშუალებების გამართულობის, სამსახურის მიერ ფრენების მომსახურებასთან დაკავშირებული საქმიანობის, აგრეთვე ამ სამსახურის ობიექტების უსაფრთხო ფუნქციონირებისა და საჰაერო სივრცის მომხმარებელთა ინტერესების დაცვის შესაბამისობა ჩიკაგოს კონვენციით დადგენილ საერთაშორისო სტანდარტებთან და რეკომენდებულ პრაქტიკასთან, აგრეთვე საქართველოს კანონმდებლობით და ამ წესით განსაზღვრულ ნორმებთან.“;

 გ) მე-14 პუნქტი ჩამოყალიბდეს შემდეგი რედაქციით:

„14. სააგენტოს მიერ, სამსახურის სერტიფიკატის გაცემის ან გაცემაზე უარის თქმის შესახებ გადაწყვეტილება მიიღება განცხადების და თანდართული საბუთების წარდგენიდან 2 (ორი) თვის ვადაში. ამ პუნქტით გათვალისწინებული ვადის გაგრძელება ხორციელდება საქართველოს ზოგადი ადმინისტრაციული კოდექსით დადგენილი წესითა და პირობებით.“.

 3. მე-2 მუხლის პირველი პუნქტის „დ“ ქვეპუნქტი ჩამოყალიბდეს შემდეგი რედაქციით:

„დ) აღიარება – პროცესი, რომლის დროსაც სააგენტო, ამ წესით განსაზღვრული პირობების დაცვით, ადასტურებს საჰაერო მოძრაობის და/ან საავიაციო უშიშროების უზრუნველმყოფი საშუალებ(ებ)ის გამოყენების შესაძლებლობას სამსახურის მიერ საჰაერო მოძრაობის მომსახურების განსახორციელებლად და/ან საავიაციო უშიშროების უზრუნველსაყოფად;“.

 4. მე-3 მუხლი ჩამოყალიბდეს შემდეგი რედაქციით:

 „მუხლი 3. სამსახურის სერტიფიცირების ეტაპები

1. სამსახურის სერტიფიცირება სააგენტოს მიერ ხორციელდება ოთხ ეტაპად:

ა) I ეტაპი – წინასასერტიფიკაციო პროცედურა, რომელიც მოიცავს:

ა.ა)    განცხადებისა და თანდართული საბუთების წარდგენას სააგენტოში;

ა.ბ)    განცხადებისა და თანდართული საბუთების სააგენტოში წინასწარ განხილვას და შეფასებას;

ბ) II ეტაპი – განმცხადებლის სამუშაო ადგილზე ფაქტობრივი მდგომარეობის შემოწმება;

გ) III ეტაპი – სააგენტოს მიერ გადაწყვეტილების მიღება;

დ) IV ეტაპი – ზედამხედველობა და კონტროლი.

2. ამ მუხლის პირველი პუნქტის, „ა.ბ“ და „ბ“–”დ“ ქვეპუნქტებით გათვალისწინებული ეტაპების ადმინისტრაციულ წარმოებაში არ შეიძლება მონაწილეობდნენ სააგენტოს ის თანამშრომლები, რომლებიც საქართველოს ზოგადი ადმინისტრაციული კოდექსის 92-ე მუხლის შესაბამისად, უფლებამოსილნი არ არიან განახორციელონ ადმინისტრაციული წარმოება.”.

5. მე-4 მუხლის:

ა) პირველი და მე-2 პუნქტები ჩამოყალიბდეს შემდეგი რედაქციით:

„ 1. განმცხადებელი, სამსახურის სერტიფიკატის მისაღებად, სააგენტოში წარადგენს განცხადებას, რომელიც უნდა აკმაყოფილებდეს საქართველოს ზოგადი ადმინისტრაციული კოდექსის 78-ე მუხლის მოთხოვნებს და შეესაბამებოდეს ამ წესის დანართი №1-ით გათვალისწინებულ ფორმას. განცხადებას ხელს აწერს განმცხადებლის წარმომადგენლობითი უფლებამოსილებით აღჭურვილი პირი.

2. განცხადება სააგენტოსთვის წარმოადგენს ადმინისტრაციული წარმოების დაწყების საფუძველს, რომლის დროსაც, სააგენტო განიხილავს განმცხადებლის მიერ საჰაერო მოძრაობის მომსახურების (შემდგომში – სმმ) უსაფრთხოდ განხორციელებისა და საავიაციო უშიშროების უზრუნველყოფის შესაძლებლობას.“;

ბ) მე-3 პუნქტის:

ბ.ა) „ა“ ქვეპუნქტი ჩამოყალიბდეს შემდეგი რედაქციით:

„ა) ICAO-ს ოფიციალური გამოცემის DOC 9734 (,ფრენების უსაფრთხოების უზრუნველყოფის კონტროლის ორგანიზების სახელმძღვანელო“) მე-3 თავის 3.3.6.4 პუნქტის მოთხოვნის შესაბამისად – სამსახურის ფრენის უსაფრთხოების უზრუნველყოფის პროგრამის ასლი, რომელშიც ასახული უნდა იყოს ჩიკაგოს კონვენციის მე-11 დანართისა (,საჰაერო მოძრაობის მომსახურება”) და ICAO-ს ოფიციალური გამოცემის DOC 9859 (უსაფრთხოების მართვის სახელმძღვანელო) შესაბამისი მოთხოვნები;“;

ბ.ბ) „ჩ“ ქვეპუნქტი ჩამოყალიბდეს შემდეგი რედაქციით:

„ჩ) საავიაციო უშიშროების უზრუნველყოფის პროგრამა, აგრეთვე ინსტრუქცია, რომელშიც ასახული უნდა იყოს სამსახურის მიერ მართლსაწინააღმდეგო ქმედობისას ინფორმაციის მიღება-გადაცემის და საჰაერო მოძრაობის მართვის საკითხები ჩიკაგოს კონვენციის მე-17 დანართის („უშიშროება. სამოქალაქო ავიაციის დაცვა უკანონო ჩარევის აქტებისაგან”) მოთხოვნების გათვალისწინებით და სამსახურის საავიაციო უშიშროებაზე პასუხისმგებელი პირის მონაცემები (ბრძანების ასლი დანიშვნის შესახებ და შესაბამისი სერტიფიკატის ასლი);“;

ბ.გ) „ ც“ ქვეპუნქტი ჩამოყალიბდეს შემდეგი რედაქციით:

„ც) სამსახურის ხელმძღვანელის, აგრეთვე ფრენის უსაფრთხოების უზრუნველყოფასთან უშუალოდ დაკავშირებული სპეციალისტების (გარდა ამ პუნქტის „გ“ ქვეპუნქტით გათვალისწინებულისა) განათლებისა და კვალიფიკაციის მონაცემები. ამ ქვეპუნქტით განსაზღვრული ფრენის უსაფრთხოებასა და უზრუნველყოფასთან უშუალოდ დაკავშირებული სპეციალისტების განათლება და კვალიფიკაცია უნდა შეესაბამებოდეს სამოქალაქო ავიაციის სააგენტოს დირექტორის 2011 წლის 19 აგვისტოს №97 ბრძანებით დამტკიცებული ტექნიკური რეგლამენტის „ავიასპეციალისტთა სერტიფიცირების წესების“ და სამოქალაქო ავიაციის სააგენტოს დირექტორის 2011წლის 1 აგვისტოს №84 ბრძანებით დამატკიცებული რეგლამენტის „სამოქალაქო ავიაციის საავიაციო უშიშროების უზრუნველმყოფი პერსონალის შერჩევის, მიღების, მომზადების და სერტიფიცირების წესით“ გათვალისწინებულ მოთხოვნებს;’’.

6. მე-5 მუხლი ჩამოყალიბდეს შემდეგი რედაქციით:

    „მუხლი 5. სამსახურის სერტიფიკატის მისაღები განაცხადებისა და თანდართული საბუთების განხილვა და შეფასება

1. ამ წესის მე-4 მუხლის პირველი და მე-3 პუნქტებით განსაზღვრული განცხადებისა და თანდართული საბუთების განხილვა სააგენტოში ხორციელდება იმ მიზნით, რათა დადგინდეს, აკმაყოფილებს თუ არა განცხადება, თანდართული საბუთები და შემცველი ინფორმაცია საქართველოს კანონმდებლობისა და ამ წესის მოთხოვნებს.

2. სააგენტო 3 სამუშაო დღის ვადაში ამოწმებს, შეესაბამება თუ არა განცხადება ამ წესის მე-4 მუხლის პირველი პუნქტის მოთხოვნებს.

3. განცხადებისა და თანდართული საბუთების ამ წესის მე-4 მუხლის პირველი და მე-3 პუნქტების მოთხოვნებთან შესაბამისობას ადგენენ სააგენტოს შესაბამისი სტრუქტურული ერთეულები დასკვნის სახით.

4. განცხადებისა და თანდართული საბუთების ამ წესითა და მოქმედი კანონმდებლობით დადგენილ მოთხოვნებთან შეუსაბამობის (არასრულად, არაზუსტად) შემთხვევაში სააგენტო განმცხადებელს წერილობით მიუთითებს კონკრეტულ ნაკლოვანებებზე და განუსაზღვრავს გონივრულ ვადას, რომლის განმავლობაშიც განმცხადებელმა უნდა გამოასწოროს ნაკლოვანებები და წარმოადგინოს მათი გამოსწორების წერილობითი სათანადო დოკუმენტი ან ინფორმაცია.“.

 7. მე-6 მუხლის:

 ა) პირველი პუნქტი ჩამოყალიბდეს შემდეგი რედაქციით:

„1. ამ „წესის“ მე-5 მუხლის მე-3 პუნქტით განსაზღვრული დადებითი დასკვნის ან ამ წესის მე-5 მუხლის მე-4 პუნქტით განსაზღვრული ნაკლოვანებების გამოსწორების წერილობითი სათანადო დოკუმენტის/ინფორმაციის წარმოდგენის შემთხვევაში, სააგენტოს დირექტორის ბრძანებით შექმნილი მუდმივმოქმედი სასერტიფიკაციო კომისია (შემდგომში – კომისია), სამუშაო ადგილზე ამოწმებს განმცხადებლის ფაქტობრივ მდგომარეობას.“;

ბ) მე-2 პუნქტის:

ბ.ა) „ა“ ქვეპუნქტი ჩამოყალიბდეს შემდეგი რედაქციით:

„ა) სამსახურს გააჩნია საჰაერო მოძრაობის მომსახურებასთან დაკავშირებული, მწარმოებლის მიერ სერტიფიცირებული და სააგენტოს მიერ აღიარებული ტექნიკური საშუალებები და აღჭურვილობა, რომლებიც უნდა აკმაყოფილებდნენ ICAO-ს ოფიციალური გამოცემის DOC 9426 („საჰაერო მოძრაობის მომსახურების დაგეგმვის სახელმძღვანელო“) III ნაწილის პირველი განყოფილების და ამ წესის მე-19 მუხლის მე-4 პუნქტით განსაზღვრულ მოთხოვნებს:“

ბ.ბ) „გ“ქვეპუნქტი ჩამოყალიბდეს შემდეგი რედაქციით:

„გ) სამსახურის ფრენების უსაფრთხოების უზრუნველყოფასთან თავიანთი სამსახურებრივი მდგომარეობით დაკავშირებული სპეციალისტების განათლება და კვალიფიკაცია შეესაბამება სამოქალაქო ავიაციის სააგენტოს დირექტორის 2011 წლის 19 აგვისტოს №97 ბრძანებით „ავიასპეციალისტთა სერტიფიცირების წესის დამტკიცების შესახებ“გათვალისწინებულ მოთხოვნებს;“

ბ.გ) „ო“ ქვეპუნქტი ჩამოყალიბდეს შემდეგი რედაქციით:

”ო) სამსახური უზრუნველყოფს უკანონო ჩარევის აქტებთან დაკავშირებული ინფორმაციის მიღება-გადაცემას, აგრეთვე ასეთი აქტების დროს საჰაერო მოძრაობის მართვას ჩიკაგოს კონვენციის მე-17 დანართის (“უშიშროება. სამოქალაქო ავიაციის დაცვა უკანონო ჩარევის აქტებისაგან”) მოთხოვნების შესაბამისად;”

 გ) მე-7 პუნქტი ჩამოყალიბდეს შემდეგი რედაქციით:

„7. უარყოფითი დასკვნის შემთხვევაში, სააგენტო წერილობით ატყობინებს განმცხადებელს კონკრეტულ ნაკლოვანებებზე და განსაზღვრავს ვადას, რომლის განმავლობაშიც განმცხადებელმა უნდა გამოასწოროს ნაკლოვანებები და წარმოადგინოს ნაკლოვანებების გამოსწორების წერილობითი სათანადო დოკუმენტი ან ინფორმაცია.“.

8. მე-7 მუხლის:

ა) მე-3 პუნქტის „ ა“ და „ბ“ ქვეპუნქტები ჩამოყალიბდეს შემდეგი რედაქციით:

 „ა) შემოწმებას ახორციელებს საკუთარი მეთოდიკის შესაბამისად, რომელიც წინასწარ თანხმდება სააგენტოსთან;

 ბ) უფლებამოსილია, სააგენტოსთან შეთანხმებით, მოითხოვოს ამ წესის მე-6 მუხლის მე-3 პუნქტით გათვალისწინებული საცდელი ფრენა, ამავე პუნქტით განსაზღვრული მიზნებისათვის და პირობებით;“

ბ) მე-5 პუნქტი ჩამოყალიბდეს შემდეგი რედაქციით:

„5. ჯგუფის ან მოწვეული სპეციალისტის მიერ ჩატარებულ სამუშაოებზე მუდმივ ზედამხედველობას ახორციელებენ სააგენტოს შესაბამისი უფლებამოსილებით აღჭურვილი თანამშრომლები.“.

9. მე-8 მუხლი ჩამოყალიბდეს შემდეგი რედაქციით:

    „მუხლი 8. სააგენტოს მიერ სამსახურის სერტიფიკატის გაცემაზე ან გაცემაზე უარის თქმის შესახებ გადაწყვეტილების მიღება. სამსახურის სერტიფიკატის მოქმედების ვადა

 

1. სააგენტო, ამ წესის მე-6 მუხლის მე-5 პუნქტის „ა“ ქვეპუნქტით, ან ამავე მუხლის მე-8 პუნქტისა და ამ წესის მე-7 მუხლის მე-3 პუნქტის „გ“ ქვეპუნქტით განსაზღვრული დადებითი დასკვნის გამოტანიდან 3 (სამი) სამუშაო დღის ვადაში, იღებს გადაწყვეტილებას სამსახურის სერტიფიკატის გაცემის თაობაზე.

2. სააგენტო, ამ მუხლის პირველი პუნქტით განსაზღვრული გადაწყვეტილების მიღებიდან 3 (სამი) სამუშაო დღის ვადაში, გასცემს სამსახურის სერტიფიკატს.

3. გაცემული სამსახურის სერტიფიკატი რეგისტრირდება „საჰაერო მოძრაობის სამსახურების უწყებრივ სასერტიფიკაციო რეესტრში“ (შემდგომში – რეესტრი), რომელსაც, ამ წესის მე-15 მუხლის შესაბამისად, აწარმოებს სააგენტო.

4. სამსახურის სერტიფიკატის მოქმედება უვადოა. სამსახურის წერილობითი თხოვნის საფუძველზე, სამსახურის სერტიფიკატი შეიძლება გაიცეს განსაზღვრული ვადით.

5. სააგენტოს მიერ სამსახურის სერტიფიკატის გაცემაზე უარი ითქმება:

ა) ამ წესის მე-6 მუხლის მე-7 პუნქტით განსაზღვრულ ვადაში განმცხადებლის მიერ ნაკლოვანებების გამოუსწორებლობის შემთხვევაში;

ბ) ამ წესის მე-6 მუხლის მე-8 პუნქტით განსაზღვრული უარყოფითი დასკვნის შემთხვევაში;

გ) საქართველოს კანონმდებლობით განსაზღვრულ სხვა შემთხვევებში.“.

10. მე-9 მუხლის პირველი პუნქტი ჩამოყალიბდეს შემდეგი რედაქციით:

 „1.სამსახურის სერტიფიკატის გაცემის შემდეგ სააგენტო, ჩიკაგოს კონვენციის მე-15 დანართის („სააერნაოსნო ინფორმაციის სამსახურები“) და ICAO-ს ოფიციალური გამოცემის DOC 8126 („სააერნაოსნო ინფორმაციის სახელმძღვანელო“) მოთხოვნების შესაბამისად, უზრუნველყოფს ამ სამსახურის შესახებ მონაცემების გამოქვეყნებას საქართველოს AIP-ში.“

11. მე-10 მუხლის:

 ა) პირველი და მე-2 პუნქტები ჩამოყალიბდეს შემდეგი რედაქციით:

„1. სააგენტო იღებს გადაწყვეტილებას სამსახურის სერტიფიკატის მოქმედების ვადის შეჩერების თაობაზე, თუ:

ა) სამსახურის სერტიფიკატის მფლობელი არღვევს ჩიკაგოს კონვენციით, მისი დანართებით, საქართველოს კანონმდებლობით და/ან ამ წესით დადგენილ ფრენის უსაფრთხოებისა და/ან საავიაციო უშიშროების უზრუნველყოფის მოთხოვნებს, რამაც გამოიწვია (შეიძლება გამოიწვიოს) საავიაციო შემთხვევა ან ინციდენტი;

ბ) კანონმდებლობით დადგენილ სხვა შემთხვევებში.

2. სამსახურის სერტიფიკატის მოქმედების ვადის შეჩერების თაობაზე სააგენტოს გადაწყვეტილება ეგზავნება სამსახურს, რომელშიც დეტალურად უნდა აისახოს სამსახურის სერტიფიკატის მოქმედების ვადის შეჩერების მიზეზ(ებ)ი. ”

 ბ) მე-4 და მე-5 პუნქტები ჩამოყალიბდეს შემდეგი რედაქციით:

„4. სამსახურის სერტიფიკატის მოქმედების ვადა განახლდება, თუ აღმოფხვრილი იქნა ის ნაკლოვანებები, რომელიც გახდა მისი მოქმედების ვადის შეჩერების საფუძველი და სამსახურის სერტიფიკატის მფლობელმა წერილობით აცნობა სააგენტოს ამ ნაკლოვანებების აღმოფხვრის თაობაზე და, ამასთან ერთად, სააგენტო დარწმუნდა ამ ნაკლოვანებების გამოსწორებაში.

5. სამსახურის სერტიფიკატის გაუქმება ნიშნავს სამსახურის სერტიფიკატის გაცემის თაობაზე სააგენტოს გადაწყვეტილების ძალადაკარგულად გამოცხადებას.“

გ) მე-7 პუნქტი ჩამოყალიბდეს შემდეგი რედაქციით:

 7. სამსახურის სერტიფიკატით გათვალისწინებული უფლებების შეზღუდვა ხორციელდება სამსახურის განცხადების საფუძველზე, ან ამ წესის მე-20 და 22-ე მუხლებით განსაზღვრული მუდმივი ზედამხედველობის და კონტროლის, აგრეთვე, საინსპექციო შემოწმებების მოქმედი კანონმდებლობით გათვალისწინებული პროცედურებით გამოვლენილი ნაკლოვანებების არსებობისას და ისინი აისახება სერტიფიკატის დანართში.

 12. მე-11 მუხლის:

ა) პირველი და მე-2 პუნქტები ჩამოყალიბდეს შემდეგი რედაქციით:

„1. სააგენტო უფლებამოსილია, ამ მუხლის მე-4 პუნქტით განსაზღვრულ შემთხვევებში, სამსახურის წერილობითი განცხადების საფუძველზე, გაათავისუფლოს სამსახური კონკრეტული სასერტიფიკაციო მოთხოვნებიდან, რაც, საჭიროების შემთხვევაში, აღინიშნება სერტიფიკატში და/ან მის დანართში.

2. სასერტიფიკაციო მოთხოვნებიდან გათავისუფლების გადაწყვეტილების მიღებამდე, სააგენტო უნდა დარწმუნდეს, რომ სამსახურის მიერ უზრუნველყოფილი იქნება ფრენის უსაფრთხოება.“

ბ) მე-4 პუნქტი ჩამოყალიბდეს შემდეგი რედაქციით:

„4. თუ სამსახურის ტექნიკური საშუალებების საექსპლუატაციო მახასიათებლები არ შეესაბამება ჩიკაგოს კონვენციის მე-10 („საავიაციო კავშირგაბმულობა“) და მე-11 დანართებით („საჰაერო მოძრაობის მომსახურება“) დადგენილ სტანდარტებს და/ან რეკომენდებულ პრაქტიკას, ICAO-ს ოფიციალური გამოცემის DOC 9426 (“საჰაერო მოძრაობის მომსახურების დაგეგმვის სახელმძღვანელო“) III ნაწილის, მე-2 განყოფილების, პირველი თავის ან საქართველოს კანონმდებლობით დადგენილ მოთხოვნებს, სააგენტოს შეუძლია განსაზღვროს ის პირობები და პროცედურები, რომლებიც აუცილებელია ფრენის უსაფრთხოების უზრუნველმყოფი ეკვივალენტური დონის შესანარჩუნებლად.“

13. მე-12 მუხლი ჩამოყალიბდეს შემდეგი რედაქციით:

„12. სამსახურის სერტიფიკატის გადაცემა

1. სამსახურის სერტიფიკატის გადაცემა ნიშნავს სამსახურის სერტიფიკატის მფლობელის შეცვლას ამ მუხლით დადგენილი მოთხოვნების შესაბამისად.

2. სამსახურის სერტიფიკატის გადაცემაზე, სააგენტოს მიერ დადებითი გადაწყვეტილების მიღების შემთხვევაში, დაინტერესებულ პირზე (სამსახურის სერტიფიკატის ახალ მფლობელზე) გაიცემა ახალი სამსახურის სერტიფიკატი. სამსახურის სერტიფიკატის ძველი მფლობელი სააგენტოს უბრუნებს სამსახურის სერტიფიკატს მისი გაუქმების მოთხოვნით, რის თაობაზეც კეთდება შესაბამისი ჩანაწერი რეესტრში.

3. სააგენტო იხილავს სამსახურის სერტიფიკატის სხვა პირისათვის გადაცემის თაობაზე განცხადებას, თუ:

ა) სამსახურის სერტიფიკატის მფლობელი 60 (სამოცი) დღით ადრე მაინც წარუდგენს სააგენტოს განცხადებას სამსახურის ფუნქციონირების შეწყვეტის თაობაზე;

ბ) განცხადებაში სავალდებულოდ აღინიშნება პირი, რომელსაც უნდა გადაეცეს სამსახურის სერტიფიკატი;

გ) სამსახურის სერტიფიკატის მიღების მსურველი პირი სააგენტოში წარადგენს წერილობით განცხადებას სამსახურის სერტიფიკატის მფლობელის მიერ სმმ-ის შეწყვეტამდე არა უგვიანეს 60 დღისა.

4. სამსახურის სერტიფიკატის მიღების მსურველი პირი, მისი ორგანიზაციულ-სამართლებრივი ფორმის მიუხედავად, უნდა უზრუნველყოფდეს სამსახურის სერტიფიკატის მფლობელის მიმართ ამ წესით განსაზღვრულ მოთხოვნებს.

5. სააგენტო, სამსახურის სერტიფიკატის მიღების მსურველის განცხადების განხილვისას უნდა დარწმუნდეს, რომ განმცხადებელი, სამსახურის სერტიფიკატით და მისი დანართით განსაზღვრული პირობების დაცვით, უზრუნველყოფს საჰაერო მოძრაობის უსაფრთხო და მოწესრიგებული ფორმით მომსახურებას ამასთან:

ა) საჰაერო მოძრაობის მომსახურების ტექნიკური საშუალებები, აგრეთვე, განმცხადებლის სტრუქტურული ერთეულები არ განიცდის არსებით ცვლილებებს;

ბ) სამსახურის მეთვალყურეები და საინჟინრო-ტექნიკური პერსონალი რჩებიან თავის სამუშაო ადგილზე, ან იცვლებიან ეკვივალენტური კვალიფიკაციის მქონე სხვა სპეციალისტებით;

გ)  ფრენის უსაფრთხოების უზრუნველყოფის მართვის სისტემები იფუნქციონირებს იმავე ეფექტურობით;

დ) როგორც საჰაერო მოძრაობის მომსახურების, ასევე ტექნიკური საშუალებების ექსპლუატაციის პროცედურები რჩება უცვლელი ან იცვლება ფრენის უსაფრთხოების უზრუნველმყოფი პროცედურებით.

6. სააგენტო, სამსახურის სერტიფიკატის გადაცემაზე ან გადაცემაზე უარის თქმის გადაწყვეტილებას იღებს ამ წესის II თავის შესაბამისად.

7. ამ მუხლით განსაზღვრული სერტიფიკატის გადაცემა ხორციელდება ამ წესის მე-13 მუხლით განსაზღვრული სერტიფიკატის უკან დაბრუნების შემდეგ. ’’

14. მე-13 მუხლი ჩამოყალიბდეს შემდეგი რედაქციით:

    „მუხლი 13. სამსახურის სერტიფიკატის უკან დაბრუნება

1. სამსახურის სერტიფიკატი უბრუნდება მის გამცემ ორგანოს და უქმდება სამსახურის სერტიფიკატის მფლობელის განცხადების საფუძველზე ამ წესის მე-12 და მე-14 მუხლებით განსაზღვრულ შემთხვევებში ან სამსახურის სერტიფიკატის მფლობელის სურვილით.

2. განცხადების მიღების შემდეგ სააგენტო ვალდებულია:

ა)  შეამოწმოს განმცხადებლის, როგორც სამსახურის სერტიფიკატის მფლობელის, უფლებამოსილება სამსახურის სერტიფიკატის უკან დაბრუნების თაობაზე;

ბ)  შეამოწმოს, რომ სამსახურისაგან მიღებული განცხადება შეესაბამება საქართველოს ზოგადი ადმინისტრაციული კოდექსის 78-ე მუხლის მოთხოვნებს;

გ)  დარწმუნდეს, რომ სამსახურის სერტიფიკატის უკან დაბრუნების შესახებ განცხადება წარმოდგენილია მის გაუქმებამდე 60 დღით ადრე. განმცხადებლის მიერ ამ ქვეპუნქტით განსაზღვრულ ვადაზე ადრე სმმ-ს შეჩერებისა და ამის თაობაზე სააგენტოს ინფორმირების შემთხვევაში, სააგენტო აჩერებს სამსახურის სერტიფიკატის მოქმედების ვადას და აღნიშნულის თაობაზე აქვეყნებს NOTAM-ს.

3. ამ მუხლის მე-2 პუნქტის მოთხოვნების დაკმაყოფილების შემთხვევაში სააგენტო, უკან დაბრუნებული სამსახურის სერტიფიკატის გაუქმებაზე გადაწყვეტილებას იღებს სამსახურის სერტიფიკატის დაბრუნების თაობაზე განცხადების სააგენტოში რეგისტრაციის დღიდან არა უგვიანეს ერთი თვის ვადაში და აღნიშნულზე წერილობით გადაწყვეტილებას აცნობებს განმცხადებელს, გადაწყვეტილების მიღებიდან 3 დღის ვადაში.

4. სააგენტო უზრუნველყოფს სმმ-ის და შესაბამისად, სამსახურის შესახებ ინფორმაციის გამოქვეყნებას ჩიკაგოს კონვენციის მე-15 დანართის (“სააერნაოსნო ინფორმაციის სამსახურები“) მოთხოვნების შესაბამისად.

5. სააგენტო უკან დაბრუნებულ სამსახურის სერტიფიკატს აუქმებს განცხადებაში აღნიშნული თარიღით, რის თაობაზეც კეთდება შესაბამისი ჩანაწერი რეესტრში.“

15. მე-14 მუხლი ჩამოყალიბდეს შემდეგი რედაქციით:

    „მუხლი 14. სამსახურის სერტიფიკატში ცვლილებების შეტანა

1. სამსახურის სერტიფიკატში ცვლილებ(ებ)ის შეტანა ნიშნავს მოქმედი სერტიფიკატის სააგენტოსათვის უკან დაბრუნებას და ამ მუხლის შესაბამისად ახალი სერტიფიკატის გაცემას, მასში შესაბამისი ცვლილებების შეტანით.

2. სამსახურის სერტიფიკატის მფლობელი, ამ მუხლის მე-3 პუნქტით განსაზღვრულ შემთხვევაში, მიმართავს სააგენტოს წერილობითი განცხადებით, რომელშიც აღინიშნება სამსახურის სერტიფიკატში ცვლილებ(ებ)ის შეტანის მიზეზ(ებ)ი. განცხადებას უნდა ერთოდეს სამსახურის სერტიფიკატში ცვლილებ(ებ)ის შეტანის მიზეზ(ებ)ის დამამტკიცებელი საბუთ(ებ)ი.

3. სააგენტოს შეაქვს სამსახურის სერტიფიკატში ცვლილებ(ებ)ი, თუ:

ა) შეიცვალა სამსახურის სერტიფიკატის მფლობელის დასახელება ან ორგანიზაციულ-სამართლებრივი ფორმა;

ბ) შეიცვალა სმმ-ის ის პირობები, რომელთა შესაბამისადაც იყო გაცემული სამსახურის სერტიფიკატი;

გ) სამსახურის სერტიფიკატის მფლობელი, კანონმდებლობით განსაზღვრულ სხვა საფუძველზე, ითხოვს სამსახურის სერტიფიკატში ცვლილებების შეტანას.

4. სააგენტო, განცხადებას და თანდართულ საბუთებს იხილავს სააგენტოში განცხადების რეგისტრაციიდან ერთი თვის ვადაში და ღებულობს გადაწყვეტილებას სამსახურის სერტიფიკატში ცვლილებ(ებ)ის შეტანის ან ცვლილებ(ებ)ის შეტანაზე უარის თქმის შესახებ.

5. სააგენტო ახალ სამსახურის სერტიფიკატს გასცემს გადაწყვეტილების მიღებიდან 3 დღის ვადაში და ამის თაობაზე აკეთებს შესაბამის ჩანაწერს რეესტრში. ძველი სამსახურის სერტიფიკატი უბრუნდება სააგენტოს.

16. მე-15 მუხლის მე-6, მე-7 და მე-8 პუნქტები ჩამოყალიბდეს შემდეგი რედაქციით:

 „6. სააგენტოს მიერ გაცემული სამსახურის სერტიფიკატი აღირიცხება რეესტრში, რომელსაც აწარმოებს სააგენტო.

 7. სამსახურის სერტიფიკატის დაკარგვის ან დაზიანების შემთხვევაში, მისი დუბლიკატი გაიცემა სააგენტოს მიერ, სამსახურის სერტიფიკატის მფლობელის განცხადების სააგენტოში რეგისტრაციიდან 3 (სამი) სამუშაო დღის ვადაში. დუბლიკატს, ზედა მარჯვენა კუთხეში უკეთდება წარწერა – „დუბლიკატი“.

8. რეესტრში შეიტანება სამსახურის სერტიფიკატით და მისი დანართით განსაზღვრული მონაცემები, აგრეთვე სამსახურის სერტიფიკატის გაცემის, მისი მოქმედების ვადის შეჩერების, განახლების, გაუქმების, ცვლილებების შეტანის, დუბლიკატის გაცემის შესახებ მონაცემები, აგრეთვე, საინსპექციო შემოწმების შესახებ ინფორმაცია.“.

17. მე-16 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. სამსახური, ჩიკაგოს კონვენციის მე-10 დანართის („საავიაციო ელექტროკავშირი”), მე-11 დანართის (“საჰაერო მოძრაობის მომსახურება”), ICAO-ს ოფიციალური გამოცემების DOC 9734 (“ფრენის უსაფრთხოების უზრუნველყოფის კონტროლის ორგანიზების სახელმძღვანელო”) და ICAO-ს ოფიციალური გამოცემის DOC 9859 (უსაფრთხოების მართვის სახელმძღვანელო) საფუძველზე, შეიმუშავებს ფრენის უსაფრთხოების პროგრამას.“

ბ) მე-3 პუნქტი ჩამოყალიბდეს შემდეგი რედაქციით:

„3. ამ მუხლის პირველი პუნქტით განსაზღვრული პროგრამა, სამსახურის ხელმძღვანელის მიერ დამტკიცებამდე, შესათანხმებლად წარედგინება სააგენტოს.“

     18. 17-ე მუხლის პირველი პუნქტი ჩამოყალიბდეს შემდეგი რედაქციით:

1. სამსახური უზრუნველყოფს, რათა ამ მუხლით განსაზღვრულ შემთხვევებში და ვადებში გადაცემული იყოს შესაბამისი ანგარიში/შეტყობინება:

ა) ჰაერსანაოსნო ინფორმაციის უზუსტობაზე – სამსახური, იმ შემთხვევაში, თუ ჰაერსანაოსნო ინფორმაციის უზუსტობა განეკუთვნება სამსახურის საქმიანობის სფეროს, ამოწმებს მას და შემოწმების შედეგებს დაუყოვნებლივ აცნობებს სააგენტოს;

ბ) წინასწარ დაგეგმილ ცვლილებებზე – შენობა-ნაგებობების, ტექნიკური საშუალებების, აგრეთვე მომსახურების დონის შესახებ სამსახური წერილობითი ფორმით, არანაკლებ 60 კალენდარული დღით ადრე, ატყობინებს სააგენტოს;

გ) დაუყოვნებლივი შეტყობინებით სააგენტოს წერილობით გადაეცემა ინფორმაცია:

გ.ა) სამსახურის მომსახურებად ზონაში არსებული ისეთი დაბრკოლებისა ან სახიფათო პირობების შესახებ, რამაც შეიძლება გავლენა იქონიოს ფრენის უსაფრთხოებაზე;

გ.ბ) საქართველოს AIP-ში, NOTAM-ში და ანალოგიურ ოფიციალურ გამოცემებში გამოქვეყნებული მომსახურების დონის გაუარესებაზე;

გ.გ) იმ სხვა ნებისმიერი პირობების შესახებ, რომლებიც გავლენას ახდენენ/შეუძლია მოახდინონ ფრენის უსაფრთხოებისა და საავიაციო უშიშროების უზრუნველყოფაზე და რომელთა მიმართ მიიღება ფრენის უსაფრთხოების უზრუნველყოფის დამატებითი ზომები.“

19. 17¹ მუხლი ჩამოყალიბდეს შემდეგი რედაქციით:

 „მუხლი 17 ¹ . ტერმინთა განმარტება

  „ამ თავში გამოყენებულ ტერმინებს და ცნებებს, ამ თავის მიზნებისათვის, აქვთ სამოქალაქო ავიაციის სააგენტოს დირექტორის 2012 წლის 13 თებერვლის №30 ბრძანებით დამტკიცებული ტექნიკური რეგლამენტით „საქართველოს სამოქალაქო ავიაციის მეტეოროლოგიური უზრუნველყოფის წესი“ განსაზღვრული მნიშვნელობანი.“

 20. 17² მუხლი ჩამოყალიბდეს შემდეგი რედაქციით:

 „მუხლი 17². სამოქალაქო ავიაციის მეტეოროლოგიური უზრუნველყოფა

1. სამსახური, საქართველოს სამოქალაქო ავიაციის მეტეოროლოგიური მომსახურების განსახორციელებლად, სააგენტოში წარადგენს განცხადებას, რომელიც უნდა აკმაყოფილებდეს საქართველოს ზოგადი ადმინისტრაციული კოდექსის 78-ე მუხლის მოთხოვნებს. განცხადებას ხელს აწერს განმცხადებლის წარმომადგენლობითი უფლებამოსილებით აღჭურვილი პირი.

2. განცხადება სააგენტოსათვის წარმოადგენს ადმინისტრაციული წარმოების დაწყების საფუძველს, რომლის დროსაც სააგენტო განიხილავს განმცხადებლის მიერ საქართველოს სამოქალაქო ავიაციის მეტეოროლოგიური მომსახურების უზრუნველყოფის შესაძლებლობას.

3. განცხადებას უნდა დაერთოს:

ა) სამსახურის იმ სტრუქტურული ერთეულის სტრუქტურა, რომლის კომპეტენციას განეკუთვნება საქართველოს სამოქალაქო ავიაციის მეტეოროლოგიური მომსახურება (შემდგომში – მეტეოსამსახური);

ბ) მეტეოროლოგიური უზრუნველყოფის სპეციალისტების (სინოპტიკოსი, დამკვირვებელი, აეროლოგიური და რადიოლოკაციური დაკვირვების ოპერატორი, ტელეკომუნიკაციების ოპერატორი) მონაცემები, მათი რაოდენობის ჩვენებით, ამ წესის დანართი №11-ით განსაზღვრული ფორმის შესაბამისად;

გ) მეტეოროლოგიური უზრუნველყოფის სპეციალისტების (შემდგომში – მეტეოსპეციალისტები) თანამდებობრივი ინსტრუქციები;

დ) მეტეოსპეციალისტების პროფესიული მომზადებისა და კვალიფიკაციის ამაღლების გეგმა (პროგრამა, წესი), რომელშიც გათვალისწინებული უნდა იყოს ჩიკაგოს კონვენციის მე-3 დანართის („საერთაშორისო აერნაოსნობის მეტეოროლოგიური უზრუნველყოფა“) მე-2 თავის პუნქტი 2.1.5-ით, მსოფლიო მეტეოროლოგიური ორგანიზაციის (WMO) №49 გამოცემის („ტექნიკური რეგლამენტი“) პირველი ტომის („ზოგადი მეტეოროლოგიური სტანდარტები და რეკომენდებული პრაქტიკა“) B.4 თავით („კადრების განათლება და მომზადება“) გათვალისწინებული მოთხოვნები;

ე) ინფორმაცია, სამსახურის მიერ, მეტეოინფორმაციის უზრუნველყოფის იმ ტექნიკური საშუალებების ფლობის შესახებ, რომლებითაც ხორციელდება ამ პუნქტის „ვ“ ქვეპუნქტით განსაზღვრულ მეტეოროლოგიურ ელემენტებზე ინსტრუმენტალური/სახელსაწყო დაკვირვება (შემდგომში – მეტეოსაშუალებები). ინფორმაცია უნდა შეიცავდეს მეტეოსაშუალებების მომსახურების/ტექნიკური ექსპლუატაციის წეს(ებ)ს და საქართველოს ტერიტორიაზე მათი განლაგების სქემას. მომსახურების/ტექნიკური ექსპლუატაციის წეს(ებ)ი უნდა შეესაბამებოდეს მეტეოსაშუალებების მწარმოებლის მიერ შემუშავებული ან აღიარებული ტექნიკური რეგლამენტ(ებ)ის მოთხოვნებს. ინფორმაციაში ასახული უნდა იყოს ამ ქვეპუნქტით განსაზღვრული მეტეოსაშუალებების სრული ნუსხა და საქართველოს კანონმდებლობის შესაბამისად, მათ მეტროლოგიურ დამოწმებასთან დაკავშირებული მონაცემები. მეტეოსაშუალებების ტექნიკური და საექსპლუატაციო პარამეტრები, აგრეთვე მათი განლაგება უნდა უზრუნველყოფდეს სათანადო კატეგორიის აეროდრომზე სამოქალაქო საჰაერო ხომალდების უსაფრთხო მიღების, მოძრაობისა და გაშვებისათვის აუცილებელ მეტეოინფორმაციით მომსახურებას და შეესაბამებოდეს სამოქალაქო ავიაციის სააგენტოს დირექტორის 2012 წლის 13 თებერვლის №30 ბრძანებით დამტკიცებული ტექნიკური რეგლამენტის „საქართველოს სამოქალაქო ავიაციის მეტეოროლოგიური უზრუნველყოფის წესის“, ჩიკაგოს კონვენციის მე-3 დანართის („საერთაშორისო აერნაოსნობის მეტეოროლოგიური უზრუნველყოფა“) მე-3 დამატებით („მეტეოროლოგიურ დაკვირვებებთან და შეტყობინებებთან დაკავშირებული ტექნიკური მოთხოვნები“), ICAO-ს ოფიციალური გამოცემა DOC 8896-ის („საავიაციო მეტეოროლოგიის სახელმძღვანელო“) მე-2 თავით („მეტეოროლოგიური დაკვირვებები და შეტყობინებები“) და ამავე გამოცემის მე-2 დამატებით („აეროდრომზე ხელსაწყოების განლაგება“) გათვალისწინებულ მოთხოვნებს;

ვ) ინფორმაცია მეტეოროლოგიურ ელემენტებზე (ქარი, ხილვადობა, ხილვადობის მანძილი ასაფრენ-დასაფრენ ზოლზე, ტემპერატურა, სინოტივე, წნევა, ღრუბლის ქვედა საზღვრის სიმაღლე) და სამოქალაქო ავიაციის სააგენტოს დირექტორის 2012 წლის 13 თებერვლის №30 ბრძანებით დამტკიცებული ტექნიკური რეგლამენტის „საქართველოს სამოქალაქო ავიაციის მეტეოროლოგიური უზრუნველყოფის წესით“ განსაზღვრულ ამინდის მოვლენებზე რეგულარული და სპეციალური დაკვირვებების და მათი გავრცელების კოდური ფორმის (METAR, SPECI) შესახებ, რომელიც უნდა შეესაბამებოდეს სამოქალაქო ავიაციის სააგენტოს დირექტორის 2012 წლის 13 თებერვლის №30 ბრძანებით დამტკიცებული ტექნიკური რეგლამენტის „საქართველოს სამოქალაქო ავიაციის მეტეოროლოგიური უზრუნველყოფის წესის“, ჩიკაგოს კონვენციის მე-3 დანართის („საერთაშორისო აერნაოსნობის მეტეოროლოგიური უზრუნველყოფა“) მე-4 თავის („მეტეოროლოგიური დაკვირვება და შეტყობინება“), ამავე დანართის მე-3 დამატების („მეტეოროლოგიურ დაკვირვებებთან და შეტყობინებებთან დაკავშირებული ტექნიკური მოთხოვნები“), ICAO-ს ოფიციალური გამოცემა DOC 8896-ის („საავიაციო მეტეოროლოგიის სახელმძღვანელო“) მე-2 თავის („მეტეოროლოგიური დაკვირვებები და შეტყობინებები“) მოთხოვნებს;

ზ) პროგნოზების (მათ შორის, პროგნოზები დაფრენისათვის) და პროგნოზების კორექტივების (TAF, TREND, AMD TAF) შედგენის და გავრცელების წესი, რომელიც უნდა შეესაბამებოდეს სამოქალაქო ავიაციის სააგენტოს დირექტორის 2012 წლის 13 თებერვლის №30 ბრძანებით დამტკიცებული ტექნიკური რეგლამენტის „საქართველოს სამოქალაქო ავიაციის მეტეოროლოგიური უზრუნველყოფის წესის“, ჩიკაგოს კონვენციის მე-3 დანართის („საერთაშორისო აერნაოსნობის მეტეოროლოგიური უზრუნველყოფა“) მე-6 თავით („პროგნოზები“), ამავე დანართის მე-5 დამატებით („პროგნოზებთან დაკავშირებული ტექნიკური მოთხოვნები“), ICAO-ს ოფიციალური გამოცემა DOC 8896-ის („საავიაციო მეტეოროლოგიის სახელმძღვანელო“) მე-3 თავით (“პროგნოზები“) გათვალისწინებულ მოთხოვნებს;

თ) ინფორმაცია SIGMET-ისა და AIRMET-ის, აგრეთვე, აეროდრომზე გაფრთხილებისა და ქარის წანაცვლების თაობაზე გაფრთხილების გამოცემის შესახებ, რომელიც უნდა შეესაბამებოდეს სამოქალაქო ავიაციის სააგენტოს დირექტორის 2012 წლის 13 თებერვლის №30 ბრძანებით დამტკიცებული ტექნიკური რეგლამენტის „საქართველოს სამოქალაქო ავიაციის მეტეოროლოგიური უზრუნველყოფის წესის“, ჩიკაგოს კონვენციის მე-3 დანართის („საერთაშორისო აერნაოსნობის მეტეოროლოგიური უზრუნველყოფა“) მე-7 თავის („ინფორმაცია SIGMET და AIRMET. გაფრთხილებები აეროდრომზე და გაფრთხილებები ქარის წანაცვლების შესახებ“), ამავე დანართის მე-6 დამატების („ინფორმაცია SIGMET და AIRMET, გაფრთხილებები აეროდრომზე და გაფრთხილებები ქარის წანაცვლებასთან დაკავშირებული ტექნიკური მოთხოვნები“), ICAO-ს ოფიციალური გამოცემა DOC 8896-ის („საავიაციო მეტეოროლოგიის სახელმძღვანელო“) მე-4 თავის (ინფორმაცია SIGMET, საკონსულტაციო ინფორმაცია ტროპიკული ციკლონების და ვულკანური ფერფლის შესახებ, ინფორმაცია AIRMET, გაფრთხილებები აეროდრომზე და გაფრთხილებები ქარის წანაცვლების შესახებ“) მოთხოვნებს;

ი) ინფორმაცია მეტეოსამსახურის მიერ საჰაერო ხომალდის ექსპლუატანტებისა და საჰაერო ხომალდის ეკიპაჟების წევრების მომსახურების შესახებ, რომელიც უნდა შეესაბამებოდეს სამოქალაქო ავიაციის სააგენტოს დირექტორის 2012 წლის 13 თებერვლის №30 ბრძანებით დამტკიცებული ტექნიკური რეგლამენტის „საქართველოს სამოქალაქო ავიაციის მეტეოროლოგიური უზრუნველყოფის წესის“, ჩიკაგოს კონვენციის მე-3 დანართის („საერთაშორისო აერნაოსნობის მეტეოროლოგიური უზრუნველყოფა“) მე-9 თავით („ექსპლუატანტებისა და ეკიპაჟის წევრების მომსახურება“), ამავე დანართის პირველი (“საფრენოსნო დოკუმენტაცია – რუკების ფორმა და ნიმუშები“) და მე-8 დამატებებით („ექსპლუატანტებისა და ეკიპაჟის წევრების მომსახურებასთან დაკავშირებული ტექნიკური მოთხოვნები“), ICAO-ს ოფიციალური გამოცემა DOC 8896-ის („საავიაციო მეტეოროლოგიის სახელმძღვანელო“) მე-5 თავით („ექსპლუატანტებისა და ეკიპაჟის წევრების მეტეოროლოგიური მომსახურება“) გათვალისწინებულ მოთხოვნებს;

კ) ინფორმაცია მეტეოსამსახურის ფუნქციონირებისათვის აუცილებელი კავშირის (მათ შორის, ფიქსირებული საავიაციო ელექტროკავშირის –სAFTN) საშუალებების ფლობის შესახებ. აღნიშნული კავშირის საშუალებებით მეტეოინფორმაციის მიღება/გადაცემა უნდა ხორციელდებოდესსამოქალაქო ავიაციის სააგენტოს დირექტორის 2012 წლის 13 თებერვლის №30 ბრძანებით დამტკიცებული ტექნიკური რეგლამენტის „საქართველოს სამოქალაქო ავიაციის მეტეოროლოგიური უზრუნველყოფის წესის“, ჩიკაგოს კონვენციის მე-3 დანართის („საერთაშორისო აერნაოსნობის მეტეოროლოგიური უზრუნველყოფა“) მე-11 თავით („მოთხოვნები კავშირის საშუალებებთან და მათი გამოყენება“), ამავე დანართის მე-10 დამატებით („კავშირის საშუალებებთან და მათ გამოყენებასთან დაკავშირებული ტექნიკური მოთხოვნები“) და ICAO-ს ოფიციალური გამოცემის DOC 8896 („საავიაციო მეტეოროლოგიის სახელმძღვანელო“) მე-6 თავით (“საავიაციო მეტეოროლოგიური ინფორმაციის გავრცელება“) გათვალისწინებული მოთხოვნების შესაბამისად;

ლ) საკუთარი უფლებამოსილების განსახორციელებლად მეტეოსამსახურის მეტეოსპეციალისტების სამუშაო ადგილზე დაშვების ინსტრუქცია. ამ ქვეპუნქტით განსაზღვრულ ინსტრუქციაში ასახული უნდა იყოს მეტეოსპეციალისტების მიერ, საქართველოს კანონმდებლობით დადგენილი სათანადო კვალიფიკაციის მიღების ან სამუშაო პრაქტიკის ხანგრძლივი ვადით (3 თვით) შეწყვეტის შემდეგ, მეტეომომსახურების უფლებამოსილების უშუალოდ განხორციელების მომენტამდე გასატარებელი ღონისძიებები. ამ ქვეპუნქტით განსაზღვრული ინსტრუქცია უნდა ითვალისწინებდეს საქართველოს კანონმდებლობით დადგენილ მოთხოვნებს;

მ) ხარისხის მართვის სისტემის არსებობის დამადასტურებელი დოკუმენტაცია, რომელიც უნდა ითვალისწინებდეს ICAO-ს ოფიციალური გამოცემის DOC 9873 („საერთაშორისო აერნაოსნობის მეტეოროლოგიური მომსახურების მიწოდების ხარისხის მართვის სისტემის სახელმძღვანელო“) მოთხოვნებს.

4. ამ მუხლის პირველი და მე-3 პუნქტებით განსაზღვრული განცხადებისა და თანდართული საბუთების შესაბამისობას საქართველოს კანონმდებლობისა და ამ მუხლის მე-3 პუნქტის მოთხოვნებთან ადგენენ სააგენტოს სათანადო სტრუქტურული ერთეულები/ქვედანაყოფები, დასკვნის სახით, სააგენტოში დადგენილი საქმისწარმოების წესით გათვალისწინებული პროცედურების შესაბამისად. განცხადებისა და თანდართული საბუთების ამ წესითა და მოქმედი კანონმდებლობით დადგენილ მოთხოვნებთან შეუსაბამობის (არასრულად, არაზუსტად) შემთხვევაში, სააგენტო განმცხადებელს წერილობით მიუთითებს კონკრეტულ ნაკლოვანებებზე და კანონმდებლობით დადგენილი წესით განუსაზღვრავს გონივრულ ვადას, რომლის განმავლობაშიც განმცხადებელმა უნდა გამოასწოროს ნაკლოვანებები და წარმოადგინოს მათი გამოსწორების წერილობით სათანადო დოკუმენტი ან ინფორმაცია.

5. ამ მუხლის მე-4 პუნქტით განსაზღვრული დადებითი დასკვნის ან ამავე პუნქტით განსაზღვრული ნაკლოვანებების გამოსწორების წერილობითი სათანადო დოკუმენტის/ინფორმაციის წარმოდგენის შემთხვევაში, კომისია სამუშაო ადგილზე ამოწმებს განმცხადებლის ფაქტობრივ მდგომარეობას.

 6. კომისია განმცხადებლის სამუშაო ადგილზე უნდა დარწმუნდეს, რომ სამსახურის მიერ საქართველოს სამოქალაქო ავიაციის მეტეომომსახურებასთან დაკავშირებული მეტეოსპეციალისტების განათლება, კვალიფიკაცია, რაოდენობა, მეტეოსაშუალებების ფლობა, ტექნიკური მდგომარეობა, განლაგება, აგრეთვე, ხარისხის მართვის სისტემა და ამ მუხლის მე-3 პუნქტით გათვალისწინებულ საბუთებში ასახული ინფორმაცია შეესაბამება ამ წესით და საქართველოს კანონმდებლობით დადგენილ მოთხოვნებს.

7. კომისისის მიერ ამ მუხლის მე-6 პუნქტით გათვალისწინებული საკითხების შემოწმების მასალები აისახება ოქმში (დანართი №6 ).

8. ოქმი შეიცავს აგრეთვე კომისიის დასკვნას, რომელიც შეიძლება იყოს:

ა) დადებითი, თუ განმცხადებლის ფაქტობრივი მდგომარეობა აკმაყოფილებს ამ წესის მოთხოვნებს. დადებითი შეფასებისას დასაშვებია უმნიშვნელო ხარვეზების არსებობა, რომელთა გამოსასწორებლად განმცხადებელს ეძლევა ვადა იმის გათვალისწინებით, რომ ეს ხარვეზები უშუალოდ უარყოფითად არ მოქმედებს ფრენის უსაფრთხოებაზე;

ბ) უარყოფითი, თუ განმცხადებლის ფაქტობრივი მდგომარეობა არ აკმაყოფილებს ამ წესის მოთხოვნებს.

9. უარყოფითი დასკვნის შემთხვევაში, კომისიის ოქმში დეტალურად აისახება ყველა ის ნაკლოვანება, რომელთა საფუძველზეც უარყოფითი დასკვნა იქნა მიღებული.

10. უარყოფითი დასკვნის შემთხვევაში, სააგენტო წერილობით ატყობინებს განმცხადებელს კონკრეტულ ნაკლოვანებებზე და განსაზღვრავს ვადას, რომლის განმავლობაშიც განმცხადებელმა უნდა გამოასწოროს ნაკლოვანებები და წარადგინოს ნაკლოვანებების გამოსწორების წერილობითი სათანადო შეტყობინება.

11. კომისია, ამ მუხლის მე-10 პუნქტით განსაზღვრული, განმცხადებლის წერილობითი შეტყობინების მიღებისთანავე, ამოწმებს ნაკლოვანებების გამოსწორების ფაქტობრივ მდგომარეობას და შემოწმების მასალებს შესაბამის დასკვნასთან (თუ ნაკლოვანებები გამოსწორებულია – დადებითი, თუ არა – უარყოფითი) ერთად ასახავს ოქმში.

12. სააგენტო ამ მუხლის მე-8 პუნქტის „ა“ ქვეპუნქტით ან ამავე მუხლის მე-11 პუნქტით განსაზღვრული დადებითი დასკვნის გამოტანიდან 3 (სამი) სამუშაო დღის ვადაში იღებს გადაწყვეტილებას სამსახურის სერტიფიკატის დანართში სამოქალაქო ავიაციის მეტეოროლოგიურ მომსახურებასთან დაკავშირებული განსაკუთრებული მოთხოვნების (უფლებების და შეზღუდვების) შეტანის თაობაზე.

13. სააგენტო, ამ მუხლის მე-12 პუნქტით განსაზღვრული გადაწყვეტილების მიღებიდან 3 (სამი) სამუშაო დღის ვადაში, სამსახურის სერტიფიკატის დანართში ასახავს სამსახურის მიერ სამოქალაქო ავიაციის მეტეოროლოგიურ მომსახურებასთან დაკავშირებულ განსაკუთრებულ მოთხოვნებს (უფლებებს და შეზღუდვებს).

14. სააგენტოს მიერ სამსახურის სერტიფიკატის დანართში სამოქალაქო ავიაციის მეტეოროლოგიურ მომსახურებასთან დაკავშირებული განსაკუთრებული მოთხოვნების (უფლებების და შეზღუდვების) შეტანის თაობაზე უარი ეთქმება:

ა) ამ მუხლის მე-10 პუნქტით განსაზღვრულ ვადაში განმცხადებლის მიერ ნაკლოვანებების გამოუსწორებლობის შემთხვევაში;

ბ) ამ მუხლის მე-11 პუნქტით განსაზღვრული უარყოფითი დასკვნის შემთხვევაში;

გ) საქართველოს კანონმდებლობით განსაზღვრულ სხვა შემთხვევებში.

15. მეტეოსაშუალებების აღიარებასთან, სამსახურის მიერ მეტეომომსახურების უზრუნველყოფაზე ზედამხედველობასა და კონტროლთან, შემმოწმებლის სამსახურში დაშვებასთან, აგრეთვე, საინსპექციო შემოწმებასთან დაკავშირებულ საკითხებზე ვრცელდება ამ წესის მე-19–22-ე მუხლებით განსაზღვრული მოთხოვნები.’’.

21. მე-19 მუხლი ჩამოყალიბდეს შემდეგი რედაქციით:

    „მუხლი 19. ტექნიკური საშუალების აღიარება

„1. სამსახურის ტექნიკური საშუალების აღიარებას (აღიარებაზე უარის თქმას) ახორციელებს სააგენტო სამსახურის წერილობითი განცხადების საფუძველზე და იმ შემთხვევაში, თუ ეს ტექნიკური საშუალება გამოიყენება ან უნდა იქნეს გამოყენებული სამსახურის მიერ საჰაერო მოძრაობის მომსახურების უზრუნველსაყოფად.

2. ამ მუხლის პირველი პუნქტით განსაზღვრული განცხადება უნდა აკმაყოფილებდეს საქართველოს ზოგადი ადმინისტრაციული კოდექსის 78-ე მუხლის მოთხოვნებს და თან უნდა ერთოდეს ასაღიარებელი ტექნიკური საშუალების:

ა) სერტიფიკატი;

ბ) მწარმოებლის მიერ გაცემული ტექნიკური პასპორტი ან ტექნიკური მახასიათებლების დამადასტურებელი საბუთი:

გ) მწარმოებლის მიერ შემუშავებული ან მის მიერ აღიარებული ტექნიკური რეგლამენტი ან ტექნიკური ექსპლუატაციის წესი;

დ) სამსახურის მიერ ფლობის დამადასტურებელი საბუთი;

ე) საექსპლუატაციო ზედამხედველობის განხორციელებასთან დაკავშირებული საბუთი (როგორც წესი–შეთანხმება), რომელშიც მკაფიოდ უნდა იყოს ასახული და გამიჯნული სამსახურის და მწარმოებლის უფლებამოსილებათა საკითხები;

3. სააგენტო აღიარებს ტექნიკურ საშუალებას, თუ იგი გამოიყენება ან უნდა იქნეს გამოყენებული სამსახურის მიერ როგორც საჰაერო მოძრაობის მართვის, კავშირგაბმულობის, სანავიგაციო და სარადიოლოკაციო, აგრეთვე, სააერნაოსნო და/ან საავიაციო მეტეოროლოგიური მომსახურების გაწევისას გამოყენებული ტექნიკური საშუალება და იგი აკმაყოფილებს ჩიკაგოს კონვენციით დადგენილ მოთხოვნებს.

4. ამ მუხლით გათვალისწინებული აღიარებისას, სააგენტო უნდა დარწმუნდეს, რომ ასაღიარებელი ტექნიკური საშუალების ფაქტობრივი მდგომარეობა შეესაბამება მისი სერტიფიკატით და/ან ტექნიკური პასპორტით ან ტექნიკური მახასიათებლების დამადასტურებელი საბუთით განსაზღვრულ საექსპლუატაციო პარამეტრებს.

5. სააგენტოს მიერ ტექნიკური საშუალების აღიარებისას (აღიარებაზე უარის თქმისას) გამოიცემა ინდივიდუალური ადმინისტრაციულ-სამართლებრივი აქტი, რომლის ასლი ინახება სამსახურის საქმეში, სამსახურის სერტიფიკატის მოქმედების მთელი ვადის განმავლობაში.

6. ამ მუხლით გათვალისწინებულ აღიარებასთან დაკავშირებულ ადმინისტრაციულ წარმოებაში არ შეიძლება მონაწილეობდნენ სააგენტოს ის თანამშრომლები, რომლებიც საქართველოს ზოგადი ადმინისტრაციული კოდექსის 92-ე მუხლის შესაბამისად უფლებამოსილნი არ არიან განახორციელონ ადმინისტრაციული წარმოება.

7. სააგენტოს მიერ ტექნიკური საშუალების აღიარებაზე უარი ეთქმება, თუ განცხადება, თანდართული საბუთები, შემცველი ინფორმაცია და/ან ტექნიკური საშუალების მდგომარეობა არ აკმაყოფილებს ამ მუხლის მოთხოვნებს. უარი უნდა იყოს დასაბუთებული და მასში დეტალურად უნდა იყოს აღნიშნული უარის თქმის მიზეზ(ებ)ი.“

22. მე-20 მუხლი ჩამოყალიბდეს შემდეგი რედაქციით:

    „მუხლი 20. სამსახურის ფრენის უსაფრთხოებასთან დაკავშირებულ საქმიანობაზე, ტექნიკური საშუალების მდგომარეობაზე ზედამხედველობა და კონტროლი

  1. სამსახურის ფრენის უსაფრთხოებასთან დაკავშირებულ საქმიანობაზე (შემდგომში – საქმიანობაზე) ან ტექნიკური საშუალების მდგომარეობაზე ზედამხედველობა და კონტროლი სამსახურის სერტიფიცირების და ტექნიკური საშუალების აღიარების განუყოფელი ნაწილია და მას, კანონმდებლობით დადგენილი წესითა და ფარგლებში, ახორციელებს სააგენტო.

2. სამსახურის და ტექნიკური საშუალების მდგომარეობის გეგმური საინსპექციო შემოწმების პერიოდულობას და ვადებს ადგენს სააგენტო.“

3. საინსპექციო შემოწმების ფორმები და მეთოდები, შემმოწმებლების უფლებები, მოვალეობები და პასუხისმგებლობა განსაზღვრულია საქართველოს სამოქალაქო ავიაციის ადმინისტრაციის თავმჯდომარის 2004 წლის 13 დეკემბრის №8 ბრძანებით „საავიაციო საქმიანობის საინსპექციო შემოწმებისა და ზედამხედველობის სახელმძღვანელოს დამტკიცების შესახებ“. სამსახურის საინსპექციო შემოწმების საკონტროლო ფორმის (check–list) და ოქმის ნიმუშები მოყვანილია ამ წესის დანართებში №4,№5,№7, რომლებშიც საინსპექციო შემოწმების მიზნებიდან და ამოცანებიდან გამომდინარე, დასაშვებია შესაბამისი ცვლილებების და/ან დამატებების განხორციელება.

4. სააგენტო სპეციალისტების მიერ განხორციელებული ნებისმიერი სახის (გეგმური, არაგეგმური) საინსპექციო შემოწმების, საზედამხედველო და საკონტროლო საქმიანობის შედეგები აისახება ოქმ(ებ)ში, რომლებიც სერტიფიცირების დოკუმენტებთან ერთად 7 (შვიდი) წლის განმავლობაში ინახება სააგენტოში.

5. სამსახურის საქმიანობაზე და/ან ტექნიკური საშუალების მდგომარეობაზე ზედამხედველობა ითვალისწინებს:

ა) სამსახურის სერტიფიკატით გათვალისწინებული მოთხოვნების შესრულების მდგომარეობის შემოწმებას;

ბ)სამსახურის ფუნქციონირებისას, ამ წესის მე-17 მუხლით განსაზღვრულ შემთხვევებში, სააგენტოსა და სხვა დაინტერესებული პირებისათვის ანგარიშების/შეტყობინებების მდგომარეობის შემოწმებას;“

 გ) ფრენის უსაფრთხოების უზრუნველყოფის მდგომარეობის შემოწმებას;

 დ) სამსახურის ფრენის უსაფრთხოების სისტემის პერიოდული შემოწმებ(ებ)ის ჩატარებას, აგრეთვე, ტექნიკური საშუალების საექსპლუატაციო პროცედურების დადგენილი პერიოდულობით და სრულად ჩატარების შემოწმებას;

ე) სამსახურის მიერ ფრენის უსაფრთხოების უზრუნველყოფის მუდმივ ანალიზს.

 23. 21-ე მუხლის პირველი პუნქტი ჩამოყალიბდეს შემდეგი რედაქციით:

„1. სააგენტოს მიერ უფლებამოსილ პირს, კომპეტენციის ფარგლებში, საქართველოს კანონმდებლობით დადგენილი წესითა და ფარგლებში, ნებისმიერი დროს შეუძლია განახორციელოს სამსახურის სერტიფიკატის მფლობელის საინსპექციო შემოწმება, რომლის დროსაც მოწმდება ტექნიკური საშუალებების ექსპლუატაციასთან დაკავშირებული დოკუმენტაცია, სამსახურის ფრენის უსაფრთხოებასთან დაკავშირებული სტრუქტურული ერთეულები, მათი საბუთები და ჩანაწერები, საჰაერო მოძრაობის მომსახურებისა და მართვის სისტემები, ფრენის უსაფრთხოების უზრუნველყოფასთან დაკავშირებული, ამ წესით განსაზღვრული სხვა საკითხები.“

24. 22 -ე მუხლი ჩამოყალიბდეს შემდეგი რედაქციით:

 „მუხლი 22. საინსპექციო შემოწმება

1. სამსახური, საკუთარი, ან მოწვეული სპეციალისტების ძალებით, აწარმოებს საჰაერო მოძრაობის მომსახურების შიდასაინსპექციო შემოწმებას უსაფრთხო ფრენების უზრუნველყოფის მიზნით:

ა)  სამსახურის მომსახურებად საჰაერო სივრცეში მომხდარი ნებისმიერი საავიაციო მოვლენის მოხდენისთანავე;

ბ)  სამსახურის შენობა-ნაგებობ(ებ)ის და/ან ტექნიკური საშუალებ(ებ)ის რემონტის ან გადაიარაღების ან მშენებლობის დროს;

გ) ამ წესის მე-17 მუხლის პირველი პუნქტის „ა“ ქვეპუნქტით განსაზღვრული ჰაერსანაოსნო ინფორმაციის უზუსტობის შემთხვევაში, თუ უზუსტობა განეკუთვნება სამსახურის საქმიანობის სფეროს;

დ)     სხვა ნებისმიერ შემთხვევაში, როცა იქმნება ისეთი პირობები, რაც უარყოფითად მოქმედებს/იმოქმედებს საჰაერო მოძრაობის მომსახურებაზე, ფრენის უსაფრთხოებაზე და საავიაციო უშიშროების უზრუნველყოფაზე.

2.  სააგენტო, სამსახურის საინსპექციო შემოწმებას ახორციელებს ამ წესით განსაზღვრული მოთხოვნების დაცვის მიზნით. საინსპექციო შემოწმებას ახორციელებს სააგენტოს დირექტორის ბრძანებით შექმნილი კომისია, რომლის უფლებამოსილება და შემოწმების ვადები განისაზღვრება ამავე ბრძანებით. საინსპექციო შემოწმების ჩატარების თაობაზე, სამსახურს ეცნობება შემოწმების დაწყების თარიღამდე ერთი თვით ადრე მაინც. შემოწმების შედეგები აისახება კომისიის ოქმში (დანართი №7), რომელსაც იხილავს სააგენტო, შემოწმების დამთავრებიდან ორი კვირის ვადაში.“

25. 23-ე მუხლის:

 ა) „დ“ და „ე“ ქვეპუნქტები ჩამოყალიბდეს შემდეგი რედაქციით:

 „დ) მოითხოვოს კონსულტაციები სააგენტოსთან საჰაერო მოძრაობის მომსახურების უსაფრთხოდ წარმოების თაობაზე;

 ე) საქართველოს კანონმდებლობით დადგენილი წესით აცნობოს სააგენტოს საჰაერო მოძრაობის მომსახურების დროს მომხდარ საავიაციო მოვლენაზე;“

ბ) „თ“, „ი“, „ კ“ და „ლ“ ქვეპუნქტები ჩამოყალიბდეს შემდეგი რედაქციით:

„ თ) ჰაერსანაოსნო ინფორმაციის უზუსტობაზე და დაგეგმილ ცვლილებებზე ინფორმაციის გამოსაქვეყნებლად წერილობით აცნობოს/მიმართოს სააგენტოს;

ი) ამ წესის მე-4 მუხლის მე-3 პუნქტით გათვალისწინებული საბუთებით გათვალისწინებული მონაცემების ცვლილების შემთხვევაში წერილობით აცნობოს სააგენტოს დაუყოვნებლივ;

კ) უზრუნველყოს, კომპეტენციის ფარგლებში, სააგენტოს მიერ განსაზღვრული ჰაერსანაოსნო ინფორმაციის გამოქვეყნება საქართველოს AIP-ში, ICAO-ს ოფიციალური გამოცემით – DOC 8126 („სააერნაოსნო ინფორმაციის სახელმძღვანელო“) განსაზღვრული მოთხოვნების შესაბამისად;

ლ) ფრენების უსაფრთხოების მიზნით, უზრუნველყოს საქართველოს საჰაერო სივრცეში ფრენების შესრულებასთან დაკავშირებით სააგენტოს მიერ მიწოდებული ინფორმაციის, საკუთარი საშუალებებით, საავიაციო ელექტროკავშირგაბმულობის ფიქსირებული სპეციალური ქსელით (AFTN, და/ან სხვ.) გადაცემა;“

26. 24-ე მუხლი ჩამოყალიბდეს შემდეგი რედაქციით:

    „მუხლი 24. სააგენტოს უფლება-მოვალეობები

სააგენტო, როგორც სამსახურის სერტიფიკატის გამცემი და ტექნიკური საშუალების აღიარების განმხორციელებელი ორგანო, ამ წესით დადგენილ შემთხვევებში და წესით:

ა) გასცემს სამსახურის სერტიფიკატს, შეაჩერებს ან განაახლებს მისი მოქმედების ვადას, აუქმებს მას, ზღუდავს სამსახურის სერტიფიკატით გათვალისწინებულ უფლებებს, გასცემს დუბლიკატს, უარს აცხადებს სამსახურის სერტიფიკატის გაცემაზე;

ბ) შეაქვს ცვლილებები სამსახურის სერტიფიკატში და მის დანართში;

გ) აწარმოებს რეესტრს;

დ) საჰაერო მოძრაობის სამსახურის სერტიფიცირებასთან დაკავშირებულ საბუთებს ინახავს სამსახურის სერტიფიკატის მოქმედების მთელი ვადის და შემდგომ 7 (შვიდი) წლის განმავლობაში;

ე) კანონმდებლობით დადგენილი წესით ახორციელებს ზედამხედველობას და კონტროლს სამსახურის სერტიფიკატის მფლობელის საქმიანობაზე;

ვ) განიხილავს და აფასებს ამ წესის დანართი №10-ით გათვალისწინებულ საავიაციო გამოკვლევის შედეგებს;

ზ) ახორციელებს საქართველოს კანონმდებლობით გათვალისწინებული სხვა უფლებამოსილებებს.

27. დანართი № 1-12 ჩამოყალიბდეს თანდართული რედაქციით.

    მუხლი 2. ბრძანება ამოქმედდეს გამოქვეყნებისთანავე.

დირექტორის პირველი მოადგილე  ვ. გოგორიშვილი

დანართი №1

სამოქალაქო ავიაციის სააგენტოს

---------------------------------------------------

                                            (საჰაერო მოძრაობის სამსახურის დასახელება)

გ ა ნ ც ხ ა დ ე ბ ა

საჰაერო მოძრაობის სამსახურის სერტიფიკატის მიღების თაობაზე

––––––––––––––––––––––––––––––––––––––––––––––––––––––––––––––––––––––––

(განმცხადებლის ორგანიზაციულ-სამართლებრივი ფორმა, საფირმო დასახელება)

იურიდიული მისამართი: ––––––––––––––––––––––––––––––––––––––––––––––––

ტელეფონი: –––––– ფაქსი: ––––––– საფოსტო კოდი–––– ელფოსტა ––––––––––––

––––––––––––––––––––––––––––––––––––––––––––––––––––––––––––––––––––––––

(სამსახურის ხელმძღვანელის თანამდებობა, სახელი, გვარი)

 

მოგმართავთ საჰაერო მოძრაობის სამსახურის სერტიფიკატის მიღების თხოვნით

 

1. განცხადების შინაარსი, საქმიანობის სფერო: -------------------------------------------

-------------------------------------------------------------------------------------------------

-------------------------------------------------------------------------------------------------

2. განცმხადებელი იცნობს და აღიარებს საქართველოს სამოქალაქო ავიაციის დარგში მოქმედ

კანონმდებლობას;

3. განმცხადებელი ადასტურებს წარმოდგენილი საბუთების ნამდვილობას;

4. დამატებითი ცნობები -------------------------------------------;

5. განცხადებას თან ერთვის (საბუთების ჩამონათვალი, სახე და დასახელება):

სულ -------- ფურცელი.

                                              ------------ ---------------------

                                              (ხელმოწერა) (სახელი, გვარი)

ბ.ა.

                                                   ------ -------------- 20 წ.

                   

დანართი №2

სამოქალაქო ავიაციის სააგენტოს

---------------------------------------------------------------------------------------------------

(საჰაერო მოძრაობის სამსახურის დასახელება)

გ ა ნ ც ხ ა დ ე ბ ა

საჰაერო მოძრაობის სამსახურის სერტიფიკატში და/ან მის დანართში ცვლილებების შესატანად

სერტიფიკატის მფლობელი ----------------------------------------------------------------

 (მფლობელის დასახელება)

სერტიფიკატის №-----------------

განმცხადებლის იურიდიული მისამართი -----------------------------------------------

                                                                                 (იურიდიული მისამართი)

გთხოვთ, სერტიფიკატში და/ან მის დანართ(ებ)ში შეიტანოთ ცვლილებები:                

------------------------------------------------------------------------------------------------

(ცვლილებების სახე და მიზეზი)

განცხადებაზე თანდართულია შემდეგი საბუთები:

-----------------------------------------------      ----------------------------

 (საბუთის სახე და დასახელება)                   (ფურცლების რაოდენობა)

-----------------------------------------------      ----------------------------

 (საბუთის სახე და დასახელება)                   (ფურცლების რაოდენობა)

-----------------------------------------------      ----------------------------

 (საბუთის სახე და დასახელება)                   (ფურცლების რაოდენობა)

განმცხადებელი იცნობს და აღიარებს საქართველოს სამოქალაქო ავიაციის დარგში

მოქმედ კანონმდებლობას.

განმცხადებელი ადასტურებს წარმოდგენილი საბუთების ნამდვილობას.

------------------------------------                  -----------------------------

 (განმცხადებლის დასახელება)                         (თანამდებობა)

 

----------------- --------------------

(ხელმოწერა) (სახელი, გვარი)

     ბ.ა.

                                                                  -------------- 20 წ.

 

დანართი №3

------------------------------------------------------------------------------------------------

              (საჰაერო მოძრაობის სამსახურის დასახელება)

განცხადების, თანდართული საბუთებისა და მათი შემცველი ინფორმაციის სერტიფიცირების მოთხოვნებთან შესაბამისობის ოქმი

-------------------

(თარიღი)

დასკვნა:

–––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––

საბუთების შემოწმების შედეგებისა და განმცხადებლის მიერ ნაკლოვანებების აღმოფხვრის

შეტყობინების საფუძველზე კომისია იღებს გადაწყვეტილებას (უარს აცხადებს) განმცხადებლის

სამუშაო ადგილზე ფაქტობრივი მდგომარეობის შემოწმების თაობაზე.

კომისიის წევრები:

---------------------------       ოქმი შედგენილია -- ---- 20-წ.

 (ხელმოწერა)

---------------------------

 (ხელმოწერა)

 დანართი №4

შემოწმების შედეგების აღრიცხვის ფურცელი (check-list) (ნიმუში)

-------------------------------------------------------------------------------------- მიერ

(საჰაერო მოძრაობის სამსახურის დასახელება)

განხორციელებული საჰაერო მოძრაობის მომსახურების შესაბამისობის შემოწმება

საქართველოს კანონმდებლობით დადგენილ მოთხოვნებთან

სამსახური --------------------------------

სამსახურის ხელმძღვანელი --------------------------------

ობიექტი              --------------------------------

ობიექტის ხელმძღვანელი    --------------------------------

ადგილმდებარეობა     --------------------------------

ტელეფონი               --------------------------------

შემოწმების თარიღი    --------------------------------

 

დანართი №5

შემოწმების შედეგების აღრიცხვის ფურცელი (check-liste) (ნიმუში)

------------------------------------------------------------------------------------------- მიერ

(საჰაერო მოძრაობის მომსახურების სამსახურის დასახელება)

საექსპლუატაციო - ტექნიკური საბუთების ტექნიკურ

მოთხოვნებთან შესაბამისობის შემოწმება

სამსახური                --------------------------------

სამსახურის ხელმძღვანელი --------------------------------

ობიექტი                  --------------------------------

ობიექტის ხელმძღვანელი         --------------------------------

ადგილმდებარეობა          --------------------------------

ტელეფონი                   -------------------------------

შემოწმების თარიღი         --------------------------------------

 

შენიშვნები: --------------------------------------------------------------------------

 --------------------------------------------------------------------------

 --------------------------------------------------------------------------

ექსპერტ(ებ)ის გვარი და ხელმოწერა -------------------------------

                           -------------------------------

                          -------------------------------

დანართი №6

სამოქალაქო ავიაციის სააგენტოს მუდმივმოქმედი სასერტიფიკაციო კომისია

 ------------------------------------------------------------------------------------------

(საჰაერო მოძრაობის სამსახურის დასახელება)

სერტიფიცირების მოთხოვნებთან შესაბამისობის შემოწმების ოქმი

სამოქალაქო ავიაციის სააგენტოს დირექტორის 20- წლის --- -------- № -- ბრძანების საფუძველზე

შექმნილმა კომისიამ 20-წ. --- ------- დან 20- წ --- ----- მდე ჩაატარა ----------------------------------------

-----------------------------

 (საჰაერო მოძრაობის სამსახურის დასახელება)

 სასერტიფიკაციო შემოწმება და დაასკვნა: ----------------------------------------

-------------------------- -----------------------------------------------------------------

შენიშვნები და რეკომენდაციები: ----------------------------------------------------

-------------------------- -----------------------------------------------------------------

კომისიის თავმჯდომარე:

------------------------------        --------------------------

  (ს.გ. თანამდებობა)                    (ხელმოწერა)

წევრები: -----------------------  --------------------------

      ------------------------      --------------------------

ოქმი შედგენილია --- ------------- 20-წ.

სასერტიფიკაციო შემოწმების შედეგებისა და განმცხადებლის მიერ ----------------

----------------------------------------- ნაკლოვანებების აღმოფხვრაზე შეტყობინების

      (აღსანიშნავია)

საფუძველზე კომისიამ დაასკვნა:

-------------------------------------------------------------------------

  (საჰაერო მოძრაობის სამსახურის დასახელება)

შეესაბამება (შეესაბამება შეზღუდვებით, არ შეესაბამება) სასერტიფიკაციო მოთხოვნებს.

---------------------------------------------------------------------------------------------

(აღსანიშნავია)

გაიცეს, (არ გაიცეს, გაიცეს მოქმედების ვადით) სერტიფიკატი.              

კომისიის თავმჯდომარე:

------------------------------        --------------------------

 (ს.გ. თანამდებობა)                       (ხელმოწერა)

წევრები: -----------------------  --------------------------    ---------------------

                                                                                 --- ---------- 20-წ.

 დანართი №7

საინსპექციო შემოწმების ოქმი

 

შემოწმებული სამსახური/ობიექტი

 

1. შემოწმების მიზანი

2. შემოწმების ფარგლები/საგანი

3. ინსპექტირების ჯგუფი

4. შემოწმების ადგილი და დრო

5. შემოწმების კრიტერიუმები

6. შემოწმების შემაფერხებელი ფაქტორები

7. შემოწმების მიმდინარეობა

8. შემოწმებისას გამოვლენილი ნაკლოვანებები (მოთხოვნებისა და ნაკლოვანებების მითითებით)

9. დასკვნა

საინსპექციო შემოწმების განმახორციელებელი

 პირები:                                           ხელმოწერა, თარიღი

 დანართი №8

საქართველო

სამოქალაქო ავიაციის სააგენტო

 საჰაერო მოძრაობის სამსახურის

სერტიფიკატი

№ 000000-ATS

ამ სერტიფიკატით დასტურდება, რომ -------------------------------

                                                           (სერტიფიკატის მფლობელი)

აკმაყოფილებს საქართველოს კანონმდებლობით გათვალისწინებულ საჰაერო მოძრაობის სამსახურის სერტიფიცირების მოთხოვნებს.

სერტიფიკატის მფლობელს, უფლება ეძლევა, განახორციელოს საჰაერო მოძრაობის მომსახურება საქართველოს კანონმდებლობით და ამ სერტიფიკატის დანართით გათვალისწინებული მოთხოვნების დაცვით.

სერტიფიკატს ძალა აქვს მხოლოდ დანართთან ერთად.

 

სერტიფიკატის გაცემის თარიღი:    ------------წ.

სერტიფიკატის ამოქმედების თარიღი: ------------წ.

სამოქალაქო ავიაციის

სააგენტო   ბ.ა. -------------------

                                    (ხელმოწერა)

 დანართ №9  

საჰაერო მოძრაობის სამსახურის

სერტიფიკატის N000000-ATS

დ ა ნ ა რ თ ი

განსაკუთრებული მოთხოვნები (უფლებები და შეზღუდვები)

--------------------------------------------------------------- უფლება აქვს განახორციელოს

 (სერტიფიკატის მფლობელი)

1. ადგილობრივი და/ან საერთაშორისო საჰაერო მოძრაობის მომსახურება:

 

საჰაერო მოძრაობის მომსახურების სახეობა	მომსახურე საჰაერო სივრცე (არე)

 2.სამოქალაქო ავიაციის მეტეოროლოგიური მომსახურება:

მეტეომომსახურების სახეობა	მეტეომომსახურების რაიონი

 

დანართის ამოქმედების თარიღი  ------------ 200 წ.

დანართის მოქმედების ვადა ------------ 200 წ.

დანართს ძალა აქვს მხოლოდ საჰაერო მოძრაობის სამსახურის სერტიფიკატთან (N000000-ATS) ერთად.

 სამოქალაქო ავიაციის

სააგენტო ბ.ა. -------------------- (ხელმოწერა)

 დანართი №10

საავიაციო გამოკვლევა

    მუხლი 1. საავიაციო გამოკვლევის მიზანი

1. საავიაციო გამოკვლევა წარმოადგენს საავიაციო პრობლემის წარმოქმნისას, ამ პრობლემის გადაწყვეტის შესაძლებლობათა განსაზღვრის საშუალებას და ისეთი გადაწყვეტილების შერჩევას, რომელიც არ აუარესებს ფრენების უსაფრთხოებას.

2. საავიაციო გამოკვლევა ტარდება სამსახურის და/ან მის მიერ მოწვეული სპეციალისტების მიერ ჩიკაგოს კონვენციის მე-11 დანართის („საჰაერო მოძრაობის მომსახურება”) და საჰაერო მოძრაობის სამსახურების და/ან ტექნიკური საშუალებების სერტიფიცირების მოთხოვნებიდან გადახრის შესაძლებლობების შეფასების მიზნით, საჰაერო ხომალდების უსაფრთხო ფრენისათვის ალტერნატიული საშუალებების განსაზღვრით, თითოეული ალტერნატივის ეფექტურობის შეფასებით და იმ პროცედურების დადგენით, რომლებიც უზრუნველყოფენ ამ გადახრის პირობებში ფრენების უსაფრთხო მომსახურებას.

    მუხლი 2. საავიაციო გამოკვლევის ჩატარება

საავიაციო გამოკვლევა შეიძლება ჩატარდეს იმ შემთხვევაში, როცა არ არის დაცული ჩიკაგოს მე-11 დანართით დადგენილი სტანდარტ(ებ)ი. ასეთი გამოკვლევები უმრავლეს შემთხვევაში ტარდება ახალი საჰაერო მოძრაობის სამსახურის დაგეგმვისას ან არსებული სამსახურის გადაიარაღებისა და სერტიფიცირებისას.

    მუხლი 3. საავიაციო გამოკვლევის ტექნიკური ანალიზი

საავიაციო გამოკვლევის ტექნიკური ანალიზი იძლევა ჩიკაგოს კონვენციით დადგენილი სტანდარტებიდან გადახრის სისწორის საფუძველს, რომ ამ შემთხვევაში ახალი ალტერნატიული საშუალებების გამოყენების ხარჯზე უზრუნველყოფილი იქნება ფრენის უსაფრთხოების ეკ ვივალენტური დონე.

    მუხლი 4. სტანდარტებიდან გადახვევის დამტკიცება

1. ფრენების უსაფრთხოების დონის ეკ ვივალენტური უზრუნველყოფის ერთადერთ დასაბუთებულ საშუალებად ჩაითვლება შესაბამისი პროცედურების გამოყენება და იმის გათვალისწინება, რომ AIP/NOTAM კრებულში/ინფორმაციაში აუცილებელი გამაფრთხილებელი ინფორმაციის გამოქვეყნება წარმოადგენს სასერტიფიკაციო პირობას.

2. გამაფრთხილებელი ინფორმაციის საჭიროება ძირითადად ეფუძნება შემდეგ ორ პრინციპს:

 ა) ფრენისათვის პოტენციურად საშიშ პირობებზე პილოტის სავალდებულო ინფორმირების მოთხოვნას;

ბ) სააგენტოს ვალდებულებას, სტანდარტიდან გადახვევის სავალდებულო გამოქვეყნებაზე.

 დანართი №11

საჰაერო მოძრაობის მეთვალყურეებისა და საინჟინრო-ტექნიკური პერსონალის მონაცემები:

№	სახელი, გვარი	თანამდებობა	განათლება პირველადი მომზადება	კვალიფიკაციის კურსები	კვალიფიკაცია ოსტატობის აღნიშვნა

მეტეოსამსახურის სპეციალისტების მონაცემები:

 

განმცხადებლის წარმომადგენლობითი

უფლებამოსილებით აღჭურვილი პირი –––––––––––––––––––––––––

                                                                         (თარიღი, ხელმოწერა)

დანართი №12

 მეთვალყურის სამუშაო ადგილზე არსებული ნორმატიული აქტებისა და საცნობარო საბუთების ნუსხა

1. საქართველოს საჰაერო კოდექსი;

2. საქართველოს ტრანსპორტისა და კომუნიკაციების მინისტრის 2001 წლის 8 ოქტომბრის №88 ბრძანება „საქართველოს საჰაერო სივრცეში ფრენის წესების დამტკიცების შესახებ”;

3. საქართველოს ტრანსპორტისა და კომუნიკაციების მინისტრის 2002 წლის 27 ნოემბრის №70 ბრძანება „საქართველოს საჰაერო სივრცეში მოძრაობის მომსახურების სახელმძღვანელოს დამტკიცების შესახებ”;

4. საქართველოს ტრანსპორტისა და კომუნიკაციების მინისტრის 2003 წლის 8 აგვისტოს №48 ბრძანება „საქართველოს საჰაერო სივრცით მოქნილი სარგებლობის სახელმძღვანელოს დამტკიცების შესახებ”;

5. საქართველოს ჰაერსანაოსნო ინფორმაციის კრებული (AIP);

6. შეთანხმებები საჰაერო მოძრაობის მომსახურების მეზობელ საწარმოებთან/ორგანოებთან;

7. მეთვალყურეთა თანამდებობრივი ინსტრუქციები;

8. საჰაერო მოძრაობის მომსახურების ჟურნალი;

9. საქართველოს ტრანსპორტისა და კომუნიკაციების მინისტრის 2003 წლის 19 მაისის №27 ბრძანება „რადიოკავშირის წესებისა და ფრაზეოლოგიის საერთაშორისო ხაზებზე დამტკიცების შესახებ.