საქართველოს საგადასახადო კოდექსში ცვლილებებისა და დამატებების შეტანის შესახებ

საქართველოს კანონი

საქართველოს საგადასახადო კოდექსში ცვლილებებისა და დამატებების შეტანის შესახებ

მუხლი 1. საქართველოს საგადასახადო კოდექსში (პარლამენტის უწყებანი, №32, 24 ივლისი, 1997) შეტანილ იქნეს შემდეგი ცვლილებები და დამატებები:

1. მე-3 მუხლის მე-2 ნაწილს სიტყვის „დაკისრება“ შემდეგ დაემატოს სიტყვები „აგრეთვე გადასახადების აკრეფა საგადასახადო კოდექსით დადგენილ ვადებზე ადრე“.

2. მე-6 მუხლის მე-3 ნაწილიდან ამოღებულ იქნეს „ა“ ქვეპუნქტი.

3. 154-ე მუხლში რიცხვი „0,24“ შეიცვალოს რიცხვით „0,15“.

4. 203-ე მუხლის მე-2 ნაწილიდან ამოღებულ იქნეს სიტყვები „აგრეთვე საქართველოს ტერიტორიაზე ავტოსატრანსპორტო საშუალების შემოსვლის გადასახადის გადამხდელად, თუ იგი საქართველოს ტერიტორიაზე ტრანზიტით გაივლის“.

5. 209-ე მუხლი ამოღებულ იქნეს.

6. 223-ე მუხლის მე-4 ნაწილს ბოლოში დაემატოს შემდეგი წინადადება:

„აღნიშნული სანქცია არ გამოიყენება იმ შემთხვევაში, თუ შემოწმების დაწყების მომენტისათვის მატერიალური ფასეულობა ან/და საქონელი აღრიცხულია საბუღალტრო დოკუმენტებში, ხოლო დანაკლისის თანხა ასახულია საგადასახადო ორგანოსათვის წარდგენილ დეკლარაციაში.“.

7. 252-ე მუხლს დაემატოს შემდეგი შინაარსის მე-3 ნაწილი:

„3. ამ მუხლით გათვალისწინებული სანქცია არ გამოიყენება, თუ გადასახადის გადახდა დაგვიანდა შესაბამისი ორგანოების მიერ მიცემული არასწორი წერილობითი მითითებების შედეგად.“.

8. 254-ე მუხლის მე-4 ნაწილი ჩამოყალიბდეს შემდეგი რედაქციით:

„4. ამ მუხლით გათვალისწინებული ჯარიმა არ გამოიყენება, თუ დეკლარაციაში და გაანგარიშებებში დაშვებული შეცდომა არ იწვევს ბიუჯეტში გადასახდელი თანხის შემცირებას ან დაგვიანებას.“.

9. 273-ე მუხლის:

ა) მე-2 ნაწილი ჩამოყალიბდეს შემდეგი რედაქციით:

„2. მსუბუქი ავტომანქანების იმპორტი იბეგრება შემდეგნაირად:

ა) მსუბუქი ავტომანქანების იმპორტი საბაჟო გადასახადის, დღგ-ისა და აქციზის ნაცვლად იბეგრება ფიქსირებული გადასახადით, ძრავის მოცულობისა და მანქანის წლოვანების მიხედვით. გადასახადი გამოიანგარიშება ძრავის მოცულობისა (სმ³) და მანქანის წლოვანების შესაბამისი ნიხრის ნამრავლით. იმპორტირებული მსუბუქი ავტომანქანის წლოვანების შესაბამისი ნიხრი განისაზღვრება შემდეგი ოდენობით:

ა.ა) უცხოური მსუბუქი ავტომანქანებისა:

ა.ბ) რუსეთის ფედერაციაში წარმოებული მსუბუქი ავტომანქანებისა:

ბ) იმპორტული მსუბუქი ავტომანქანების მიწოდება დღგ-ით არ იბეგრება.“;

ბ) მე-60 ნაწილის შემდეგ დაემატოს შემდეგი შინაარსის 61-ე ნაწილი:

„61. ამ კოდექსის მე-6 მუხლის მე-3 ნაწილის „ა“ ქვეპუნქტი და 209-ე მუხლი ძალადაკარგულად იქნეს ცნობილი 2003 წლის 1 იანვრიდან.“.

მუხლი 2. ეს კანონი ამოქმედდეს გამოქვეყნებისთანავე.

საქართველოს პრეზიდენტი                      ე. შევარდნაძე

თბილისი,

2002 წლის 20 მარტი.

№1343–რს